Bienzedi 13:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Munkatshi mua bena ekelesia ba mu Antiokia muakadi baprofete ne bayishi, mena abo akadi Bânaba, ne Shimeona muidika ne, Nigê, ne Lukio wa ku Kulene, ne Manaene wakakola ne muloho Helode, ne Shaula.

MUKANDA WA MYIDI MUKULU

¹ Mu Tshisumbu tshia bena ditaba ba mu Antiyokiya muvua bambi ne balongeshi. Mena abu adi nunku: Barnabase, Shimeyone (udibu binyika ne: Mufiike), Lusiyuse wa mu Sirene, Manayene (uvua mukole pamue ne Erode, mulombodi wa ditunga), ne Shawule.

Bienzedi 13:1 교차 참조

Matayi 27:32

Hakaluhukau akasangana Muena Kule ne, dina diandi Simona, akamuenzesha ku bukole bua kutualeye mutshi mutshiamakane wa Yesu.

Luke 3:1

Mu tshidimu tshia dikumi ne itanu tshia bunfumu bua Tibelio Kaisa, hakadi Ponto Pilato ngovena wa Yudaya, ne hakadi Helode muloho wa Galela, ne hakadi muanʼabo Filipo muloho wa luseke lua Itulaya ne Takoniti, ne hakadi Lusania muloho wa Abilene,

Bienzedi 11:30

bakenza nunku, bakabituma kudi bakulu mu bianza bia Bânaba ne Shaula.

Bienzedi 12:25

Hakashikishabo kufila bintu, Bânaba ne Shaula bakahingana, bafume ku Yelushalema; bakalua ne Yone, dinga dina Mâko.

Bienzedi 13:9

Kadi Shaula, udi ne dinga dina Paulo, mûle tente ne Nyuma Muimpe, wakamutangila talala,

Bienzedi 15:32

Bualu bua Yuda ne Sila bakadi baprofete, bakambila bantu mei a bungi, bakakolesha mitshima yabo.

Bienzedi 15:35

Kadi Paulo ne Bânaba bakashala mu Antiokia, bayisha ne bambila bantu dî dia Mukelenge; bakuabo ba bungi bakadi nʼabo kabidi.

Bienzedi 19:6

Hakabatentekesha Paulo bianza ha mitu habo, Nyuma Muimpe wakabahuekela; bakabanga kuakula mu miaku mikuabo, bamba bualu bua Nzambi.

Bienzedi 21:9

Yeye wakadi ne bana bakashi banai bakatshidi tumama, bakadi bamba malu akadi kâi manze kulua.

Bienzedi 4:36

Muntu wakadiku, dina diandi Yosefe, bapostolo bakamuidika dinga dina ne, Bânaba (kukudimuna kua muaku ne, Muana wa Busambi), Muena Lewi, mulela ku Kupulio;

Bienzedi 9:1

Shaula wakatshidi ufunyina bayidi ba Mukelenge bua kubashiheye, wakaya kudi muakuidi munene.

Rome 16:21

Timote, muena mudimu nʼanyi, ne Lukio ne Yasona ne Sosipato, bana betu, badi banuela muoyo,

1 Korente 11:4

Mulume yonso udi utendelela anyi udi wambila bakuabo dî dia Nzambi ne mutu wandi mubuikila, udi uhuekesha butumbi bua mutu wandi.

1 Korente 13:2

Ne bingikala ne tshihedi tshia kuambila bantu dî dia Nzambi, ne binamanya malu onso atshidi masokoka ne lungenyi luonso, ne bingikala ne ditabusha dionso dindi mua kumusha nʼadi mikuna, kadi bingikala tshi ne luse, ndi tshianana.

1 Korente 13:8

Luse kaluena luhanga tshiendelele; kadi bikala mayisha a baprofete adiku, neashike; bikala miaku ya bantu idiku, neihue; bikala lungenyi ludiku, nelushikile.

1 Korente 14:29

Baprofete babidi anyi basatu bakule, ne bakuabo bajingulule mei abo.

1 Korente 14:32

Nyuma ya baprofete idi ikokeshibua kudi baprofete;

1 Korente 9:6

Anyi, meme nkayanyi ne Bânaba, katuena ne bukole bua kuhidia kuenza mudimu wa bianza, anyi?

Ngalate 2:13

Ne Bena Yuda bakuabo bonso bakumuka nʼandi mu lubombo; ne Bânaba mene wakahambuishibua ku lubombo luabo.

Ngalate 2:9

ne hakamonabo ngasa wakumpabo kudi Nzambi, Yakobo ne Kefa ne Yone bakadi bu makunshi mu ekelesia, bakatuha meme ne Bânaba tshianza tshia, bukole tshia buobumue buetu mu Kilisto, bua tuetu tuye kudi bisamba bia bende, ne bua bobo baye kudi batengula.

Efeze 4:11

Wakaha bakuabo bua kuikala bapostolo, ne bakuabo bua kuikala baprofete, ne bakuabo bua kuikala batangadiki, ne bakuabo bua kuikala bampasata, ne bakuabo bua kuikala bayishi;

Filipe 4:22

Basanto bonso badi banuela muoyo, ne ba mu nsubu wa Kaisa badi batamba kusua kunuela muoyo.

1 Tesalonike 5:20

Kanuhetudi mayisha a baprofete.