Bienzedi 12:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ Tangila, muanjelo wa Mukelenge wakimana ha buihi nʼandi, dinkenka diakatema mu nsubu; wakatuta Petelo ha mbale, wakamubisha ku tulu, wakamba ne, Juka lukasa. Nkanu yakadikohokela ku bianza.

MUKANDA WA MYIDI MUKULU

⁷ Bu mpindiewu, mutumibue wa Maweja-Nangila kumueneka. Butoke kukenka mu tshibambalu. Mutumibue kunyungisha Petro mu lubadi, kumubisha, umuamba ne: — Juka lukasa! Diba adi nkanu ivuabu bamusuike ku bianza kukoseka, kupona panshi.

Bienzedi 12:7 교차 참조

2 Samuele 22:29

Wewe Yehowa, udi muinda wanyi; Yehowa neatokeshile mîdima yanyi.

1 Bakalenga 19:5

Wakalala tulu muinshi mua mutshi wa genêt: mona, muanjelo wakamulenga tshianza, wakamuambila ne, Juka biebe, udie.

1 Bakalenga 19:7

Muanjelo wakalua kudiye tshiakabidi, wakamulenga tshianza, wamba ne, Juka biebe, udie, bualu bua luendu ludi lukutonda.

Misambu 107:14

Wakabaluhula mu midima ne mu mufitu mukole, wakatshibula nkanu yabo bituha.

Misambu 116:16

Yehowa, bulelela, ndi muena mudimu webe, ndi muena mudimu webe, muana wa muena mudimu webe mukashi. Wewe wakusulula mionshi yakadi minsuike.

Misambu 146:7

Udi ulumbuluila badi bakengeshibue ne kulumbulula kuakane; udi uhesha badi ne nzala bia kudia. Yehowa udi ulekesha bena lukuna;

Misambu 34:7

Muanjelo wa Yehowa udi wasa tshitudilu tshiandi tshinyunguluke badi bamutshina, udi ubasungila.

Misambu 68:6

Nzambi udi uhesha bantu bashiya hatuhu nsubu bua bobo bashikamemu, udi uluhula bena lukanu, udi ubaha diakalengele; kadi badi bamutombokela badi bashikame mu buloba bûme budi munya wosha.

Yeshaya 37:30

Etshi netshikale tshimanyinu kûdi: tshidimu etshi nenudie bia kudia bidi bidimenena, ne mu tshidimu tshibidi nenudie bintu bidi bidimenena ku bintu abi; mu tshidimu tshisatu nukune bintu, nubihuole; nutentule mitshi ya tumuma tukese mu madimi, nudie tumuma tuai.

Yeshaya 60:1

Juka, temena; bua munya webe wakulua, ne butumbi bua Yehowa buakubanda, buakukutemena.

Yirmeya 40:1

Dî dia Yehowa diakalua kudi Yelemiya ku nyima kua diba diakadi Nebuzaladana, kapitene ka bansentedi ba masalayi, umulekele ku Lama, wakadi mumusangane musuika ne nkanu munkatshi mua ba mu Yelushalema ne ba mu Yuda bakakuatabo, ne bakadibo baya nʼabo mu buhika ku Babulona.

Yezekiyele 43:2

Ekumona! Butumbi bua Nzambi wa Isalele buakadi bufuma ku luseke lua esete. Tshiona tshia dî diandi tshiakadi bu tshiona tshia mai a bungi; ne buloba buakadi bukenka ne butumbi buandi.

Danyele 3:28

Nebukadenesâ wakamba kabidi ne, Batumbishe Nzambi wa Shadalaka, Meshaka ne Abedenego, wakutuma muanjelo wandi bua kuhandisha bantu bandi bakamueyemena. Bakahidia mukenji wa mukelenge, bakafila mibidi yabo ku lufu bua kabakuatshidi nzambi mukuabo mudimu, kabamutendeledi mu muaba wa Nzambi wabo mene.

Danyele 6:22

Nzambi wanyi wakutuma muanjelo wandi, wakusuika mbanga ya ntambue, ne kayakungenzela bibi; bualu bua bakunsangana tshiyi ne dihila ku mpala kuandi; ne ku mpala kuebe, mukelenge, tshiakuenza bualu bubi.

Mika 7:9

Nengitabushe tshiji tshia Yehowa tshidiye nʼatshi kundi, tô ne hangakuileye tshilumbu tshianyi, hankoseleye tshilumbu tshianyi ne kulumbulula kuakane, bualu bua nakumuenzela bibi. Yeye neampatule bua kunteka mu munya, nemmone buakane buandi.

Abakuke 3:11

Diba ne ngondo biakimana mu miaba yakadibi, bualu bua dinkenke dia mikete yebe hakahitayi, bualu bua kukenka kua difuma diebe diakadi dibalakana.

Abakuke 3:4

Kubalakana kuandi kuakadi bu kukenka kua munya, nsasa ya munya yakahatuka mu tshianza tshiandi; munkatshi muai muakadi bukole buandi busokome.

Matayi 2:13

Hakayabo, muanjelo wa Mukelenge wakamueneka kudi Yosefe mu tshilota, wakamuambila ne, Bika biebe, angata muana ne baba wandi, unyemena mu Ejipitu, ushaleku tô ne hanakuambila; bualu bua Helode neakebe muana bua kumushiha.

Luke 2:9

Muanjelo wa Mukelenge wakimana ha buihi nʼabo, butumbi bua Mukelenge buakabatemena; bakatamba kutshina.

Luke 24:4

Hakadibo balubakana bua bualu ebu, monai, balume babidi bakadi bimane ha buihi nʼabo baluate bilulu biengelela.

Bienzedi 10:30

Kônelio wakamukudimuna ne, Kuakuata matuku anai, mpa diba edi mene ha isatu, nakadi utendelela Nzambi mu nsubu muanyi; tangila, muntu wakimana ku mpala kuanyi muluate bilulu biengelela,

Bienzedi 12:23

Muanjelo wa Mukelenge wakamukuma lukasa, bualu bua yeye kakadi utumbisha Nzambi; tuishi tuakamudia, wakahuola muoyo wandi.

Bienzedi 12:6

Hakadi Helode wamba kulua nʼandi, butuku abu mene Petelo wakadi mulale hankatshi ha masalayi abidi, musuika ne nkanu ibidi; ku tshibi kuakadi balami balama nsubu wa lukanu.

Bienzedi 12:8

Muanjelo wakamuambila ne, Suika mukaba webe, buesha bisabata. Petelo wakenza nunku. Wakamuambila kabidi ne, Ela tshivualu tshiebe hamʼbidi, undonde.

Bienzedi 16:26

buloba buakakanka bikole, bishimikidi bia nsubu wa lukanu biakanyunga, bibi bionso biakunzuluka lukasa, nkanu ya bantu bonso yakadibo babasuike nʼai yakasuluka.

Bienzedi 2:24

Nzambi wakamubisha, mumane kusulula nkanu ya lufu, bualu bua kakadi mua kusuikibua kudilu tshiendelele.

Bienzedi 5:19

Kadi mu butuku muanjelo wa Mukelenge wakunzulula bibi bia nsubu wa lukanu, wakaluhuka nʼabo, wakabambila ne,

Bienzedi 9:3

Hakadiye uya mu nshila, Wakafika hehi ne Damaseke, munya mukole wa mu diulu wakamutemena lukasa;

Efeze 5:14

Bua bualu ebu Nzambi udi wamba ne, Tabala, wewe udi mulale tulu, Bika ku lufu, Ne Kilisto neakutemene.

Ebrewu 1:14

Banjelo bonso kabena nyuma mukuatshishi mitumibue bua kukuatshilabo badi bamba kuhiana luhandu mudimu, anyi?

Didimanyisha 18:1

Ku nyima kua malu â nakatangila muanjelo mukuabo uhueka, uluhuka mu diulu, muikale ne bukokeshi bunene, ne buloba buakatemibua ne butumbi buandi.