Bienzedi 10:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ Hakatshiabu, hakadibo baya mu nshila, hakambabo kufika ha buihi ne musoko, Petelo wakabanda ha mutu ha nsubu bua kutendelela Nzambi, diba diamba kufika munda munya.

MUKANDA WA MYIDI MUKULU

⁹ Butshia, patshivuabu mu njila, basemena pabuipi ne Yope, Petro kubanda ku tshibambalu tshia kulu kua nzubu, diba dia munda munya, bua kutendelela Mvidi Mukulu.

Bienzedi 10:9 교차 참조

2 Samuele 11:2

Dilolo dikuabo hakabika Davidi ku bulalu buandi, yeye wakadi wendakana ku mutu kua nsubu wa mukelenge; hakadiye ku mutu kua nsubu, yeye wakatangila mukashi wowa mai; wakadi mukashi mulengele kumona.

Misambu 55:17

Dilolo ne dinda ne ha diba dia munda munya ndi musue kumuambila meji adi antatshisha, ndi ntua mikemu, ne yeye neunvue dî dianyi.

Yirmeya 19:13

Nsubu ya mu Yelushalema ne nsubu ya bakelenge ba Yuda, nsubu idibo banyanga, neyikale bu muaba wa Tofete, nsubu yonso mene kuakadibo boshila bintu bionso bia mu diulu musenga wa manananshi ha mutu hai, kuakadibo bahongoluela nzambi mikuabo milambu ya bia kunua.

Yirmeya 32:29

Bena Kasada badi baluangana ne bena musoko eu, nebalue bua kuwosha ne kahia, bua kûshidisha, hohamue ne nsubu kuakufidilabo musenga wa manananshi kudi Bâla ha mutu hai, kuakuhumunabo nzambi mikuabo milambu ya bia kunua bua kunkuatshishabo nʼabi tshiji.

Danyele 6:10

Hakamanya Danyele ne mukelenge wakamana kufunda dina diandi ha mukanda udi ne mukenji, wakabuela mu nsubu wandi wa mulu wakadi ne madidishi matangile ku luseke lua Yelushalema. Wakadi utua binu biandi hanshi misangu isatu ku dituku ku dituku, ulomba Nzambi wandi, umusakidila bu muakadiye wenza diambedi.

Sefanya 1:5

ne badi batendelela bintu bia mu diulu ha mitu ha nsubu yabo; badi batendelela ne badi baditshiha kudi Yehowa, ne badi baditshiha kudi Milekoma diatshimue.

Matayi 20:5

Hakafika diba ha dikumi ne ibidi, wakaya kabidi; ne bakafika diba ha isatu, Wakenza muomumue.

Matayi 24:17

udi ha mutu ha nsubu katulukl bua kumusha bidi mu nsubu;

Matayi 27:45

Mîdima yakadi ha buloba buonso munda munya tô ne diba ha isatu.

Matayi 6:6

Kadi wewe, hawatendelela Nzambi, ubuele mu kasubu kebe ka tshisokomenu, winshile tshibi, utendelele Tatu webe, udi biandi mu tshisokomenu, ne Tatu webe udi umona mu musokoko neakuhe.

Marke 1:35

Hatshiatshia, butuku kabui buanze kutshia, yeye wakabika, wakaluhuka, wakaya mu tshihela, wakatendelelaku Nzambi.

Marke 6:46

Hakabalayeye, wakaya mu mukuna bua kutendelela Nzambi.

Bienzedi 10:3

Hakadi diba bu ha Isatu dilolo, yeye wakamona mu tshikena kumona ku buntu muanjelo wa Nzambi ubuela mudiye, umuambila ne, Kônelio.

Bienzedi 6:4

Kadi tuetu netunanukile mu kutendelela kua Nzambi ne mu kuenza kua mudimu wa dî diandi.

Efeze 6:18

nutendelele Nzambi misangu yonso ne kulomba kuonso ne disengelela dionso mu Nyuma Mumpe; nuikale batabale mu dinanukila dionso ne disengelela bua basanto bonso,

1 Timote 2:8

Nunku ndi musue balume batendelele Nzambi mu miaba yonso, babishe bianza bia tshijila, kabai ne tshishi ne dielangana dia mpata.

1 Samuele 9:25

Hakafumabo ku mutu kua mukuna, bakahingana ku musoko, yeye wakasomba ne Shaula ha mutu ha nsubu.