Balombodi 7:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Hashishe Yelubâla, udibo babikila ne, Gideona kabidi, ne bantu bonso bakadi nʼandi, bakabika ne dinda dionso, bakasa tshitudilu tshiabo ku mpokolo wa mai a Haloda; tshitudilu tshia Bena Midiyana tshiakadi ku luseke luabo lua ku node ku mukuna wa Mole tô ne mu tshibanda.

MUKANDA WA MYIDI MUKULU

¹ Butshia dinda, Ngideyone, uvuabu binyika kabidi ne: Yerubaale, kutuadija luendu ne bena mvita bende. Kuyabu kuasa mitanda pabuipi ne mpokolu wa mayi wa Arode. Mitanda ya bena Madiyane ivua ku mutu kakese, mu mpata, ku luseke lua mukuna wa More.

Balombodi 7:1 교차 참조

Genese 12:6

Abalama wakalala mu buloba, wakalua ku Shekeme, kuakadi mutshi wa telebinta wa mu Mole Bena Kanana bakadi mu buloba tshikondo atshi.

Genese 22:3

Abalahama wakabika ne dinda dionso, wakasuika tshiseba ha nyima ha nyama wandi wa mpunda, wakangata bansongalume bandi babidi ne Isaka muanʼandi, wakahanda nkunyi ya kalua ka ha tshioshelu, wakabika, wakaya ku muaba wakamuambila Nzambi.

2 Samuele 23:25

Shama, Muena Haloda, ne Elika, Muena Haloda,

Misambu 83:9

Wenzele bantu aba bu muwakenzela Midiyana; bu muwakenzela Sisela ne Yabina ku musulu wa Kishona,

Muambi 9:10

Malu onso audi wenza wenze ne bukole buebe buonso; bualu bua kakuena mudimu, kakuena kulongolola kua malu, kakuena lungenyi anyi meji ku Muaba wa Bafue kûdi uya.

Dielulula 11:30

Idi dishiya dia Yadene mu nshila wa kudi diba dibuela, mu buloba bua Bena Kanâna bakadi bashikama mu Alabâ, hehi ne Gilegala, hehi ne mitshi ya telebinta ya Mole.

Yoshua 3:1

Yoshua wakabika ne dinda dionso; bakumuka ku Shitima, bakulua ku Yadene, yeye ne Bena Isalele bonso; bakalalaku diambedi kabayi banze kusabuka.

Yoshua 6:12

Yoshua wakabika ne dinda dionso, ne bakuidi bakambula mushete wa tshihungidi wa Yehowa.

Balombodi 6:32

Nunku bakabanga kumubikila dituku adi ne, Yelubâla, bamba ne, Bala amuluishe bualu bua yeye wakasungula tshioshelu tshiandi.

Balombodi 6:33

Hashishe Bena Midiyana bonso ne Bena Amaleka ne bantu bonso ba ku esete bakadisangisha hamue; bakasabuka, bakasa tshitudilu mu tshibanda tshia Yizelele.

Balombodi 6:40

Nzambi Wakenza nunku butuku abu; bualu bua miosa yakadi miume nkayai, ne mume wakadi ha buloba buonso.

Balombodi 8:29

Yelubâla, muana wa Yoasha, wakaya, wakashikama mu nsubu muandi.

1 Samuele 12:11

Yehowa wakantumina Yelubâla ne Bedana ne Yefeta ne Samuele, wakanusungila mu bianza bia bakadi nʼenu lukuna ku nseke yonso; nuenu nuakashikama talalâ.

1 Samuele 29:1

Bena Peleshete bakasangisha bisumbu bia masalayi abo ku Afeke: Bena Isalele bakasa tshitudilu tshiabo hehi ne mushimi wa mai udi mu Yizelele.