Balombodi 21:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Balume bonso ba mu Isalele hakamana kuditshiha ku Misepa ne, Nansha umue wetu kafidi muanʼandi mukashi kudi Muena Benyamina bu mukashi wandi.

MUKANDA WA MYIDI MUKULU

¹ Pavua bena Izrayele badisangisha ku Mispa, bavua baditshipa bua muntu nansha umue wa kudibu, kaseleshi muanende wa bakaji kudi muntu wa bena Binyamine to.

Balombodi 21:1 교차 참조

Muambi 5:2

Mei kâluhuki mukana muebe lukasa; mutshima webe kauhatudi bualu ku mpala kua Nzambi lubilu; bualu bua Nzambi udi mu diulu, wewe udi ha buloba; nunku mei ebe ikale makehele.

Yirmeya 4:2

Biwaditshiha ne, Bu mudi Yehowa ne muoyo, uditshihe nunku mu bushuwa, mu kulumbulula kuakane ne mu buakane; mu diba adi bisamba bia bantu nebivuishibue disanka kudiye, nebitumbile mudiye.

Yirmeya 40:6

Hashishe, Yelemiya wakaya kudi Gedaliya, muana wa Ahikama, ku Misepa; wakashikama nʼandi munkatshi mua bantu bakadi bashala mu buloba.

Marke 6:23

Wakaditshiha kudiye ne, Tshintu tshionso tshiwandomba, nenkuhetshi, tô ne ku tshituha tshia hankatshi ha bukelenge buanyi.

Bienzedi 23:12

Hakatshiabu, Bena Yuda bakasangisha dî diabo, bakadiela mulau ne, Katuena tudia, katuena tunua, tô ne hatuashiha Paulo.

Rome 10:2

Bua ndi mumanyi wa bualu buabo ne, Badi ne lukunukunu kudi Nzambi, kadi kandua lungenyi lulelela.

Balombodi 20:1

Hashishe Bena Isalele bonso bakaluhuka bafume ku Dana tô ne ku Bê-sheba ne ba mu buloba bua Gilada, bakadisangisha bu muntu umue kudi Yehowa ku Misepa.

Balombodi 20:10

neusungule bantu dikumi ku lukama lua bantu ba mu bisamba bionso bia Bena Isalele, ne lukama ku tshinunu tshia bantu, ne tshinunu tshimue ku binunu dikumi bia bantu, bua kutuadilabo bantu bia kudia; ne hafikabo ku Gibea wa Benyamina, bobo nebabenzele bu mudi bualu buhote buonso buakenzabo mu Isalele.

Balombodi 20:48

Bena Isalele bakatshunguluka kudi Bena Benyamina kabidi, bakabashiha ne miele ya nvita, ne bena musoko bonso ne bimuna biabo ne bionso biakasanganabo; ne misoko yonso yakasanganabo, bakayosha.

Balombodi 20:8

Bantu bonso bakabika bu muntu umue bamba ne, Katuena tuya, muntu mu ntenta muntu mu ntenta yetu, ne katuena tuahuka, muntu ku nsubu wandi muntu ku nsubu wandi.

Balombodi 21:18

Kadi katuena mua kubaha bana betu bakashi; bualu bua Bena Isalele hakamana kuditshiha ne, Muntu udi ufila muanʼandi mukashi kudi Muena Benyamina udi ne mulau.

Balombodi 21:22

Hashishe, bialua batatuʼabo anyi bana babo kutudi bua kutandangana nʼetu, netubambile ne, Nubafile kutudi bu matabisha bualu bua tuetu katuakubangatshila, muntu ne muntu, mukashi mu nvita, ne nuenu kanuakabahabo; bu nuenu babahebo, nuenu nuakadi kuhila.

Balombodi 21:5

Bena Isalele bakamba ne, Nganyi wa munkatshi mua bisamba bia Bena Isalele wahidia kulua ku disangisha dia Yehowa? Bualu bua bobo bakadi baditshiha ne kuditshiha kukole ne, Wahidia kulua kudi Yehowa ku Misepa neafue bulelela.

Balombodi 21:7

Munyi mutuangatshila badi bashala bujike bakashi, bualu bua tuetu tuakamana kuditshiha ne, Katuena tuhia bana betu bakashi kudibo bu bakashi babo?

1 Samuele 14:24

Bantu ba mu Isalele bakadi ne ntatu dituku adi bualu bua Shaula wakakandisha bantu ne, Muntu udi udia tô ne ku dilolo diambedi tshiyi muanze kusombuela badi nʼanyi lukuna, udi ne mulau. Nunku bantu kabakalabula bia kudia.