Balombodi 15:2 - Mukanda wa Nzambi Dihungila Dikulukulu ne Dihungila Dihia-dihia 2003

² Tatu wandi wa mukashi wakamuambila ne, Nakela ngana meji ne wewe wakadi nʼandi tshiji tshikole, nunku nakamufila kudi mulunda webe; muakunyʼandi kena umuhita bulengele kumona, anyi? Umuangate, ndi nkusengelela, mu muaba wandi.

MUKANDA WA MYIDI MUKULU

² Tatuende muenu kumuambila ne: — Mvua muele meji ne: kuena munange kabidi mukajebe to. Ndi mumane kumufila kudi nsongalume uvua mukushindikije mu dibaka. Kadi, muakunyende udi muimpe, mutambe yayende. Kabiena nanku anyi? Udi mua kumuangata pa muaba wa yayende.

Balombodi 15:2 교차 참조

Genese 38:14

Yeye wakavula bilulu bia mu lufuila, wakaluata bilulu bikuabo, wakadibuikila ne tshilulu tshikudika, wakashikama ku tshibi tshia ku Enayima, hehi ne nshila wa ku Timena, bualu bua yeye wakamona ne, Shela wakamana kudiunda ne kabena banze kumbakisha kudiye.

Bienzedi 26:9

Bulelela, meme kabidi nakadi ngelangana meshi ne, Bundi nʼabu mbua kuenza malu a bungi adi abihisha dina dia Yesu wa ku Nazaleta.

Balombodi 14:16

Mukashi wa Shimishona wakadila ku mpala kuandi wamba ne, Wewe udi nʼanyi lukuna, kuena munsue nansha. Wewe wakuela bana betu dijimbu, kuena mudinjinguluile. Yeye wakamukudimuna ne, Mona, tshiakuanza kudiambila tatu wanyi anyi mamu wanyi, nenkuambiledi, anyi?

Balombodi 14:20

Kadi bobo bakavua bafila mukashi wa Shimishona kudi muntu mukuabo, wakadi mulunda wa Shimishona diambedi.

Balombodi 15:3

Shimishona wakabambila ne, Musangu eu nengikale mubingishibue kudi Bena Peleshete, hanabenzela bibi.