Balombodi 1:3 - Mukanda wa Nzambi Dihungila Dikulukulu ne Dihungila Dihia-dihia 2003

³ Bena Yuda bakambila bana babo ba balume Bena Shimeona ne, Nuye nʼetu ku buhianyi buetu bua tuetu tuluangane ne Bena Kanâna; ne tuetu kabidi netuye nʼenu ku buhianyi buenu. Bena Shimeona bakaya nʼabo.

MUKANDA WA MYIDI MUKULU

³ Ke bantu ba mu tshisamba tshia Yuda kuambila ndelanganyi ya Shimeyone, muanabu ne Yuda, ne: — Nuye netu bua tukuate buloba buvuabu bamane kutuabanyina. Tuyayi bonsu kuluisha bena Kenaane. Pashishe netuye nenu bua tukuate buenu buloba. Nanku bena tshisamba tshia Shimeyone kudisangisha ne bena tshisamba tshia Yuda.

Balombodi 1:3 교차 참조

Genese 29:33

Wakimita difu dikuabo, wakalela muana wa balume, yeye wakamba ne Bualu bua Yehowa wakumpa ne meme ndi mubengibue, nunku yeye wakumpa muana eu mukuabo, wakamuidika dina ne, Shimeona.

2 Samuele 10:11

Yeye wakamba ne, Biamba Bena Sulia kutuhita bukole, ulue biebe kutukuatshisha; kadi biamba Bena Amona kukuata bukole, nendue kukukuatshisha.

Yoshua 19:1

Buhianyi buibidi buakadi bua tshisamba tshia Bena Shimeona ku meku abo, buhianyi buabo buakadi munkatshi mua buhianyi bua Bena Yuda.

Didimanyisha 7:7

Ba mu tshisamba tshia Simeona, lubombo ne binunu bibidi; Ba mu tshisamba tshia Lewi, lubombo ne binunu bibidi; Ba mu tshisamba tshia Yisakâ, lubombo ne binunu bibidi;

Balombodi 1:17

Yuda wakaya ne muanʼabo Shimeona, bakashiha Bena Kanâna bakadi bashikama mu Sefata, bakabutula musoko mene. Dina dia musoko diakadi Homa.

Balombodi 1:2

Yehowa wakamba ne, Bena Yuda nebaye; monai, nakafila buloba mu bianza biabo.

Balombodi 1:4

Bena Yuda bakaya, ne Yehowa wakafila Bena Kanâna ne Bena Pelizi mu bianza biabo; bakashiha binunu dikumi bia bantu mu Bezeke.