Amosa 8:2 - Mukanda wa Nzambi Dihungila Dikulukulu ne Dihungila Dihia-dihia 2003

² Yeye wakankonka ne, Amosa, udi umona tshinyi? Nakamuitaba ne, Tshibondo tshia mamuma mabobe. Hashishe, Yehowa wakangambila ne, Nshikidilu wakufika kudi bantu banyi Bena Isalele; tshiena mbabuikidila bubi kabidi tshiendelele.

MUKANDA WA MYIDI MUKULU

² Kungebejaye ne: — Amosa, tshiudi umona ntshinyi? Meme kuandamuna ne: — Ndi mmona tshibondu tshia bimuma bimane kuboba. Ke Maweja-Nangila kunjadikila ne: — Eyowa, bantu banyi bena Izrayele mbamane kuboba! Nshikidilu wabu mmufike! Mbimpe babalumbuluishe! Nembanyoke, tshiyi luse!

Amosa 8:2 교차 참조

Genese 6:13

Nzambi wakambila Noa ne, Kunshikidilu kua bantu bonso kuakufika ku mpala kuanyi bualu bua buloba budi bûle tente ne mayoyo bualu buabo, mona, nembajimishe ne buloba hamue.

Yeshaya 28:4

Tshilongo tshidi ne bulengele buatshi bua butumbi tshidi tshifubidila, tshidi tshimena ha mutu ha luhongo luimpe, netshikale bu dimuma dia nfigi didi didianjila kuboba diambedi matuku a luya kayi manze kulua; hadimona muntu, yeye neadidie hatshididi mu tshianza tshiandi.

Yirmeya 40:10

Mona, meme hanyi nenshikame mu Misepa, bua kunuakuila ku mpala kua Bena Kasada badi balua kutumona; kadi nuenu nusangishe tumuma tua nvinyo ne mamuma makuabo ne manyi, nubiteke mu mpanza yenu, nushikame mu misoko inuakuangata.

Yirmeya 5:31

Baprofete badi bamba mei mu mena a nzambi ya tshianana, bakuidi badi balombodibua ku bianza bia baprofete; bantu banyi badi bananga malu au ne, Ikale nunku; kadi nenuenze tshinyi kunshikidilu kuau?

Muadi 4:18

Batukebi bakadi benda batulonda bua kututatshisha, nunku katuakadi mua kuenda mu misesu yetu; nshikidilu wetu wakadi ha buihi, matuku etu akakumbana, bualu bua nshikidilu wetu wakafika.

Yezekiyele 12:23

Bua muanda eu ubambile ne, Mukelenge Yehowa udi wamba ne, Nendekeshe lusumuinu elu, ne kabena baluela bu lusumuinu mu buloba bua Isalele kabidi. Kadi ubambile ne, Matuku akukumbana ne tshikena kumona tshionso netshijadikibue.

Yezekiyele 29:8

Nunku Mukelenge Yehowa udi wamba ne, Mona, nenkutumine muele wa nvita, nenkûmushile nʼau bantu ne nyama.

Yezekiyele 3:10

Wakangambila kabidi ne, Muana wa muntu, itabusha mu mutshima webe mei anyi onso andualua kukuambila, ûnvua bimpe mu matshu ebe.

Yezekiyele 3:7

Kadi Bena Isalele kabena bakuluila; bualu bua kabena bunvua di dianyi; bualu bua bonso ba mu tshisamba tshia Bena Isalele badi ne mitu mikole bu dibue ne mitshima ya tshitshu.

Yezekiyele 7:6

Nshikidilu wafiki, nshikidilu wafiki, udi unutabalela; monai, udi ulua!

Yezekiyele 8:12

Hashishe Yehowa wakangambila ne, Muana wa muntu, udi umona bu mudi bakulu ba mu tshisamba tshia Bena Isalele benza mu mîdima, muntu ne muntu mu nsubu wandi wa mindidimbi, anyi? Bua badi bamba ne, Yehowa kena utumona; Yehowa wakulekela buloba buetu, wakumuka.

Yezekiyele 8:17

Nunku yeye wakankonka ne, Muana wa muntu, wakumona muanda eu, anyi? Mbualu bukese ku mesu kua ba mu tshisamba tshia Bena Yuda bua kuenzabo malu a bundu adibo benza mu muaba eu, anyi? Bua meji abo a nunku badi busha buloba tente ne ditomboka diabo, ne batshidi bankuatshisha tshiji. Tangila mudibo bateka ditamba ku mûlu abo!

Yezekiyele 8:6

Yeye wakankonka ne, Muana wa muntu, udi umona bu mudibo benza, anyi? Malu a bundu adi ba mu tshisamba tshia Bena Isalele benza munemu, adi angihata ku nsubu wanyi wa tshijila, udi umona mene, anyi? Kadi neumone malu makuabo a bundu adi ahita â bunene.

Osheya 9:7

Matuku a kubakengesha akufika, matuku a kubafuta akulua; Bena Isalele nebamanye muanda eu ne, Muprofete udi muhote, muntu udi ne nyuma udi muhale, bualu bua bubi buenu buvule, ne bualu bua lukuna luenu ludi lukole.

Amosa 7:8

Yehowa wakankonka ne, Amosa, udi umona tshinyi? Nakamba ne, Luidi lua plomb. Ka Yehowa wakamba ne, Mona, nendembeleshe plomb munkatshi mua bantu banyi Bena Isalele; tshiena mbabuikidila bubi kabidi.

Amosa 8:1

Mukelenge Yehowa wakandesha tshikena kumona etshi: Monai, tshibondo tshia mamuma mabobe.

Mika 7:1

Bualu bukole buakunkuata! Bualu bua ndi bu mudi tshikondo tshidibo bahuola tumuma tubobe, bu mudi kuhumbulula kua tumuma tua nvinyo; kakuena disanji dimue dia muntu kudia; kakuena kamuma kamue ka nfigi kakukuama diambedi kadi mutshima wanyi usamina.

Zekâya 5:2

Yeye wakangebesha ne, Udi umona tshinyi? Nakamuandamuna ne, Ndi ntangila mukanda muvunga ubuka; bule buau budi coudées makumi abidi ne butshiama buau budi coudées dikumi.