Amosa 7:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ Yeye wakandesha tshikena kumona etshi: Monai, Yehowa wakadi muimane ha mutu ha lumbu luakaludikabo diambedi ne nshinga udi ne tshiamu tshia plomb, luidi elu lua plomb luikale mu tshianza tshiandi

MUKANDA WA MYIDI MUKULU

⁷ Maweja-Nangila kundeja kabidi bualu ebu: Yeye mene uvua muimane pa tshimana, ne nshinga wa kuludika nende mu bianza.

Amosa 7:7 교차 참조

2 Bakalenga 21:13

Nengolole muonshi wa Samalea ha mutu ha Yelushalema, ne luidi lunakateka kudi nsubu wa Ahaba; nenkuhule Yelushalema bu mudi muntu ukuhula dilonga, udi udikuhula, udi udiandamuna.

Didimanyisha 21:15

Wakadi wiyikila nʼanyi wakadi ne dilenga dia ngolo bu luidi lua kuidikisheye nʼalu musoko, ne bibi biau, ne lumbu luau.

Didimanyisha 11:1

Ne bakumpa dilenga bu tshibangu, bangambila ne, Bika, widikishe ntempelo wa Nzambi ne tshioshelu, ne badi batendelelamu.

Yezekiyele 40:3

Yeye wakalua nʼanyi mu muaba au, ekumona! Muntu wakadiku wakadi ne tshinfuanyi bu tshia tshiamu tshia mitaku, muikale ne muonshi wa lin mu tshianza tshiandi, ne luidi lua kuidikisha nʼalu; wakimana biandi mu tshibuelelu.

Muadi 2:8

Yehowa wakahangidisha bualu bua kubutula lumbu lua muana mukashi wa Siona; wakaluidikisha ne muonshi; kakukanda tshianza tshiandi bua katshilûhuidi; wakashisha tshibumba tshikole ne lumbu muadi, bidi biteketa diatshimue.

Yeshaya 34:11

Kadi mpunga tshikola ne nkese nebidiangatshilebu bu miaba yabi; tshihungulu ne tshikololo nebishikamemu. Yehowa neolole nshinga wa dibondakana ne tshiamu tshia tshidikishilu tshia dibutuka ha mutu habu.

Yeshaya 28:17

Nenvuishe kulumbulula kuakane luidi, ne buakane tshiamu tshia plomb tshia kuteta nʼatshi tshimanu. Mabue a nvula neumushe tshinyemenu tshia mashimi, mai neahitshile ha mutu ha tshisokomenu.

2 Samuele 8:2

Wakashiha Bena Moaba; wakahandika hanshi ha buloba, wakabidikisha ne luidi; wakasungula mulongo ibidi bua kuyishiha, wakasungula mulongo mukuabo bua kushala ne muoyo. Bena Moaba bakalua bahika ba Davidi, bakamulambula milambu.

Genese 28:13

Wakamona ne Yehowa wakadi muimane ku mutu watshi, wamba ne Ndi bianyi Yehowa, Nzambi wa Abalahama, kaku webe ne Nzambi wa Isaka buloba budi ulalahu nenkuhebu wewe ne tunkanunuina tuebe.

Amosa 7:6

Yehowa wakakudimuna mutshima wandi bua muanda eu; Mukelenge Yehowa wakamba ne, Muanda eu kahidi kawena wenjibua.

Amosa 7:8

Yehowa wakankonka ne, Amosa, udi umona tshinyi? Nakamba ne, Luidi lua plomb. Ka Yehowa wakamba ne, Mona, nendembeleshe plomb munkatshi mua bantu banyi Bena Isalele; tshiena mbabuikidila bubi kabidi.

Zekâya 4:10

Muntu yonso wakujiana dituku dia malu makese neasanke, neamone luidi lua plomb mu tshianza tshia Zelubabela. Mesu au muanda mutekete adi mesu a Yehowa adi akenzakana eku ne eku ha buloba buonso.