2 Timote 4:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Kadi wikale ne meshi mahole mu malu onso, witabushe makenga, wenze mudimu wa butangadiki, ukumbashe mudimu webe wa Nzambi.

MUKANDA WA MYIDI MUKULU

⁵ Kadi wewe udilame, umanye bionsu biudi wenza. Wikale ne lutuulu mu dikenga. Ulongeshe bimpe Lumu lua Disanka. Ukumbaje muebe muonsu mudimu uudi wenzela Mvidi Mukulu.

2 Timote 4:5 교차 참조

Yeshaya 62:6

Nakuteka batentekedi ha mutu ha ngumbu yebe, Yelushalema; kabena bahuwa talalâ munya anyi butuku. Nuenu badi bavuluki ba Yehowa mu mitshima yenu, kanuikadi ne dikisha,

Yirmeya 6:17

Nunku nakateka batentekedi ha mutu henu, nakanuambila ne, Telejai matshu ku dî dia mpungi; kadi bakamba ne, Katuena tuditeleja.

Yezekiyele 3:17

Muana wa muntu, nakukuteka bu mudimushi kudi ba mu tshisamba tshia Bena Isalele; nunku haunvua dî mukana muanyi, ubadimushe ne dî dianyi.

Yezekiyele 33:2

Muana wa muntu, akula ne bana benu, ubambile ne, Binatuma muele wa nvita mu buloba, ne biasungula bantu ba mu buloba ebu muntu wa munkatshi muabo bua kumuteka bu mudimushi wabo,

Yezekiyele 33:7

Nunku, muana wa muntu, ndi nkusungula bu mudimushi wanyi kudi ba mu tshisamba tshia Bena Isalele; nunku haunvua dî mukana muanyi, ubadimushe mu muaba wanyi.

Matayi 25:16

Wakadi ne ntalanta itanu wakaya lukasa, wakenda nʼai mushinga, wakaheta minga ntalanta itanu.

Marke 13:34

Bualu ebu budi bu muntu wakaya ku luendu ku luseke lukuabo; wakashîa nsubu wandi, wakabanyina bantu bandi bukokeshi, muntu mudimu wandi muntu mudimu wandi, wakambila kabidi mulami wa ku tshibi ne, Udimuke.

Marke 13:37

Ndi ngambila bantu bonso dî dinakunuambila ne, Dimukai.

Luke 12:37

Bahika aba, biabasangana nfumu wabo bamutekemena, nebikale ne disanka; bulelela, ndi nuambila ne, Yeye neasuike mukaba, neabashikike ku mesa, neabenzele mudimu.

Bienzedi 21:8

Hakatshiabu, tuakumuka tuakalua ku Kaisalia. Hatuakabuela mu nsubu wa Filipo, muambi wa Lumu Luimpe umue wabo wa bulami muanda mutekete, tuakalala kuandi.

Rome 15:19

mu bukole bua bimanyinu ne bua malu a kukema ne mu bukole bua Nyuma Muimpe. Nunku nakuvudisha kuamba kuanyi kua lumu luimpe lua Kilisto ku Yelushalema ne ku nseke idi miunyunguluke tô ne ku Iluliko.

Efeze 4:11

Wakaha bakuabo bua kuikala bapostolo, ne bakuabo bua kuikala baprofete, ne bakuabo bua kuikala batangadiki, ne bakuabo bua kuikala bampasata, ne bakuabo bua kuikala bayishi;

Efeze 4:12

bua kulengeshabo basanto tshishiki bua bobo benze mudimu wa kukuatshisha bakuabo, bua kudiundishabo ekelesia udi mubidi wa Kilisto;

Kolose 1:25

Nakavuishibua muena mudimu wa ekelesia bu mudi bulami bua kudi Nzambi buakampeye bua bualu buenu, bua meme kukumbasha dî dia Nzambi mu kuamba kuanyi;

Kolose 4:17

Nuambile Âkipo kabidi ne, Udimuke bua mudimu uwakangata mu Mukelenge, bua wewe ûshikishe.

1 Tesalonike 5:6

Nunku katuladi tulu bu mudi bakuabo benza; kadi tutabale, tuikale ne meshi mahole.

1 Timote 4:12

Muntu kakulenguludi bua bunsongalume buebe; kadi wikale tshileshilu kudi bena ditabusha mu mei ne mu tshikadilu tshiebe ne mu dinanga ne mu ditabusha ne mu butoke bua mutshima.

1 Timote 4:15

Unanukile kuikala mu malu â, udiele ne mutshima webe wonso kudiu, bua kudiunda kuebe kumueneke kudi bonso.

2 Timote 1:8

Nunku kufuishibu bundu ku mesu bua bumanyishi bua Mukelenge wetu, anyi bua bualu buanyi, meme muena lukanu wandi; kadi ukenge nʼanyi bua lumu luimpe bu mudi bukole bua Nzambi;

2 Timote 2:10

Nunku ndi nkankamana mu malu makole onso bua muanda wa bantu basungula, bua bobo bangate luhandu lua mu Kilisto Yesu ne butumbi bua tshiendelele.

2 Timote 2:3

Ukenge nʼanyi bu mudi disalayi dimpe dia Kilisto Yesu.

2 Timote 4:17

Kadî Mukelenge wakimana nʼanyi, wakankolesha; bua dî dia Nzambi dimanyishibue kuonso bua bualu buanyi, ne bua bonso ba bisamba bia bende badiunvue; nakabandishibua mukana mua nyama wa ntambue.

Ebrewu 13:17

Nutumikile badi banukokesha, nubakokele; bua bobo badi bikale ne tshitabala bua mioyo yenu, bu bantu balua kubadila Nzambi bintu; bua bobo benze bualu ebu ne disanka, kabai ne manunganyi, bua bualu ebu kabuena bamukuatshisha.

1 Petro 1:13

Nunku nuele bimono bia meshi enu mikaya, nuikale talala, nujadike ditekemena dienu tshishiki mu ngasa udibo balua nʼandi kunudi ku dibuluibua dia Yesu Kilisto.

Didimanyisha 3:2

Wikale mutabale, ujadike bintu bidi bishala, biakamba kufua, bualu bua tshiakasangana midimu yebe mikale miakane tshishiki ku mesu kua Nzambi wanyi.