2 Timote 3:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Bu mudi Yane ne Yambele bakatantamena Mose, nunku bobo kabidi badi batantamena bualu bulelela; mbantu mene badi ne meshi abo moneka, kabai bajadikibua mu ditabusha diabo.

MUKANDA WA MYIDI MUKULU

⁸ Bu muvua Yanese ne Yambrese batombokele Moshe, ke mudi bantu abu babenga bulelela. Lungenyi lua bantu abu ndunyanguke. Ditaba diabu didi patupu.

2 Timote 3:8 교차 참조

Ekesode 7:11

Palô wakabikila bena meji ne bena muhongo ne bena bilengulengu ba mu Ejipitu, bakenza muomumue ne manga abo.

Ekesode 7:22

Bena bilengulengu ba mu Ejipitu bakenza muomumue ne manga abo, mutshima wa Palô wakakoleshibua, yeye kakabunvuila, bu muakamba Yehowa.

Ekesode 8:18

Bena bilengulengu bakenza nunku ne manga abo bua kutuma nkusu, kadi kabakamanya mua kuenza, nkusu yakadi kudi bantu ne kudi nyama.

Ekesode 8:7

Bena bilengulengu bakenza muomumue ne manga abo, bakatuma biula mu buloba bua Ejipitu.

Bienzedi 15:24

Bualu bua tuakulua lumu ne, Bakuabo ba munkatshi muetu bakuya kunudi, bakunutatshisha ne mei abo, badi bamba kuona mioyo yenu; tuetu katuakubatuma ne mukenshi kunudi;

Rome 1:28

Bu muakahidiabo kuikala ne Nzambi mu meshi abo, nunku Nzambi wakabafila ku meshi a hatuhu akahidleye, bua kuenzabo malu adi kâi makanangane ne lungenyi.

Rome 16:18

Bua badi benza nunku kabena bakuatshila Mukelenge wetu Kilisto mudimu, kadi badi bakuatshila anu mafu abo mudimu; ne bua mei abo a lubombo ne a kutumbisha nʼau bantu hatuhu badi badinga mitshima ya badi kabai badimuke.

Efeze 4:14

Wakenza nunku bua tuetu katuikadi bu bana kabidi badi batshikishibua eku ne eku ne badi batambakashibua ku luhehele luonso lua diyisha, ku majimbu a bantu, ku budimu budibo balonda mu mashimi abo;

1 Timote 1:19

Ulamate ditabusha ne muoyo-mukese muimpe; bakuabo bakumusha malu â kudibo, bakanyanguka mu ditabusha diabo bu mudi majua matshibuke mu mai.

1 Timote 4:2

bualu bua lubombo lua bantu badi bamba mei a mashimi, badi boshibua mu muoyo-mukese wabo ne tshiamu tshibia ne kadilu.

1 Timote 6:5

ne kutandangana kua bantu badi ne meshi abo moneka, ne bualu bulelela bumushibua munda muabo, badi batshinka ne, Buimpe bua Nzambi ntshihetelu tshia luhetu.

2 Timote 4:15

wewe kabidi wikale mudimuke kudiye, bualu bua yeye wakatantamena mei etu bikole.

Tite 1:10

Bualu bua bena buhidia ba bungi ne bena biakulakula, ne bena mashimi badiku; mba munkatshi mua bena ditengula badi batambe kuikala nunku;

Tite 1:16

Bobo badi bamba ne, Tudi bamanye Nzambi; kadi badi bamudiula ne bienzedi biabo; mbena tshinyangu, mbena buhidia, babengibue kadi Nzambi bua kuenza mudimu muimpe wonso.

2 Petro 2:14

badi ne mesu mûle tente ne masandi, ne adi kâi mamanye mua kulekela malu mabi; badi balekesha badi ne mitshima mitekete; badi ne mitshima yabo mibidila mu lukuka; badi bana badi ne mulau.

1 Yone 2:18

Bana banyi, didi diba dia kunshikidilu; ne mbu munuakunvua ne, Mufuilakanyi ne Kilisto ukadi ha kulua, ne katataka bafuilakanyi ne Kilisto bakumana kulua ba bungi; bua malu â tudi bamanye ne, Didi diba dia kunshikidilu.

1 Yone 4:1

Bananga, kanuitabushi nyuma yonso, kadi nutete nyuma ne, Idi ya Nzambi, anyi; bualu bua baprofete ba bungi ba mashimi bakamuangalaka ha buloba.

Didimanyisha 2:20

Kadi ndi nʼebe bualu ebu ne, udi witabusha mukashi au Izebele, udi udibikila muprofete mukashi; ne udi uyisha ne udi uhambuisha bahika banyi bua kuendabo masandi ne bua kudiabo bintu bishihela mpingu.

Didimanyisha 2:6

Kadi udi ne bualu ebu, bua udi ne bienzedi bia Bena Nikalao lukuna, bindi nʼabi lukuna kabidi.