2 Timote 2:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ ne bua muanda walu ndi nkengeshibua makenga mabi a kudi bantu bu muenji wa bibi, tô ne mu nkanu minsuika; kadi dî dia Nzambi kadiena disuika.

MUKANDA WA MYIDI MUKULU

⁹ Ndi nkenga, mbansuike kabidi mu nkanu bu muena buenzavi, bualu ndi mmanyisha bantu Lumu lua Disanka elu. Kadi kabena mua kusuika muaku wa Mvidi Mukulu ne nkanu to.

2 Timote 2:9 교차 참조

Luke 23:32

Bakadi baya ne bantu bakuabo babidi, benji ba malu mabi, bua kubashiha nʼandi.

Bienzedi 21:33

Hashishe kamanda wakasemena hehi, wakamukuata, wakamba bua kumusuikabo ne nkanu ibidi, wakabanga kubebesha ne, Udi nganyi? Wakuenza tshinyi?

Bienzedi 28:31

ubambila bua bukelenge bua Nzambi, ubayisha malu a Mukelenge Yesu Kilisto ne dikima dionso, muntu kakamukanda.

Bienzedi 9:16

bualu bua neamuleshe bungi bua malu adiye ne bua kukengela bua dina dianyi.

Efeze 3:1

Bua muanda eu, meme Paulo, udi muena lukanu wa Kilisto Yesu bua bualu buenu, nuenu ba mu bisamba bia bende.

Filipe 1:17

kadi bakuabo badi bamba Kilisto bua ditahuluka, kabai ne mitshima mitoke, bela meshi bua kunjudila makenga mu nkanu yanyi.

Filipe 1:7

bu mudibi bimpe bua meme kuikala ne meshi â munda muanyi bua bualu buenu, bualu bua ndi nʼenu mu mutshima wanyi; bualu bua mu nkanu yanyi ne mu kuvidila ne mu kujadika kua lumu luimpe, buonso buenu nudi bangatshi nʼanyi ba ngasa.

Kolose 4:18

Diela dia muoyo dia kudi meme Paulo difunda ne tshianza tshianyi. Neuluke nkanu yanyi. Ngasa ikale nʼenu.

Kolose 4:3

nutulombele kabidi mu tshikondo tshiotshimue bua Nzambi atunzuluile tshibi tshia dî bua tuetu kuamba bualu busokoka bua Kilisto, buakunsuikilabo mu nkanu kabidi,

1 Tesalonike 1:8

Bua dî dia Mukelenge diakambibua kunudi diakunvuibua, kenganu mu Makedonia ne mu Akaya, kadi mu miaba yonso ditabusha dinudi nʼadi kudi Nzambi diakamuangalaka; nunku tuetu katuena ne bualu bua kuamba d! kabidi.

2 Tesalonike 3:1

Tshiashadidi mpindiu, bana betu, nutulombele Nzambi, bua dî dia Mukelenge diendakane ne ditumbishibue, bu mudidi munkatshi muenu kabidi;

2 Timote 1:12

Bua muanda eu ndi nkenga makenga â kabidi, kadi bundu kabuena bunkuata ku mesu; bua ndi mumumanye yeye unakuitabusha, ne nakuitabushishibua ne yeye udi ne bukole bua kulama tshintu tshianyi tshiteka tô ne dituku diadia.

2 Timote 1:16

Mukelenge afue ba mu nsubu wa Onesifolo luse, bualu bua yeye wakasangasha muoyo wanyi misangu ya bungi, ne kakafua bundu bua lukanu luanyi;

2 Timote 1:8

Nunku kufuishibu bundu ku mesu bua bumanyishi bua Mukelenge wetu, anyi bua bualu buanyi, meme muena lukanu wandi; kadi ukenge nʼanyi bua lumu luimpe bu mudi bukole bua Nzambi;

2 Timote 2:3

Ukenge nʼanyi bu mudi disalayi dimpe dia Kilisto Yesu.

2 Timote 4:17

Kadî Mukelenge wakimana nʼanyi, wakankolesha; bua dî dia Nzambi dimanyishibue kuonso bua bualu buanyi, ne bua bonso ba bisamba bia bende badiunvue; nakabandishibua mukana mua nyama wa ntambue.

1 Petro 2:12

nuikale ne bienzedi bienu bimpe munkatshi mua bisamba bia bende, bualu bua, mu mianda idibo banusonguela nuenu bu benji ba malu mabi, bobo batumbishe Nzambi mu dituku dialueye, bua midimu yenu mimpe idibo bamona.

1 Petro 2:14

nasha kudi bangovena bu batumibua kudiye bua kudisombuela kudi benji ba malu mabi, ne bua kutumbisha benji ba malu mimpe.

1 Petro 3:16

Nuikale ne muoyomukese muimpe, bua, mu bualu budibo banusonguela, bobo badi bahenda bienzedi bienu bimpe binudi nʼabi mu Kilisto bafuishibue bundu.

1 Petro 4:15

Kadi umue wenu kakengeshibu bu mushihianganyi, anyi bu muibi, anyi bu muenji wa malu mabi, anyi bu mudibueshi wa mu malu a bantu bakuabo;