2 Timote 2:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ Welangane meshi a malu andi nkuambila; bua Mukelenge neakuhe dijingulula mu malu onso.

MUKANDA WA MYIDI MUKULU

⁷ Umvua bindi ngamba ebi. Mfumu neakuambuluishe bua ubijingulule bionsu.

2 Timote 2:7 교차 참조

1 Kulondolola 22:12

Kadi Yehowa akuhe lungenyi ne meji a kujingulula nʼau malu, akuteke ku mutu kua Bena Isalele; bua wewe kutumikila mikenji ya Yehowa, Nzambi webe.

1 Kulondolola 29:19

uvuishe Solomo muanʼanyi mutshima mutoke, bua kutumikileye mikenji yebe ne mei ebe ne mikandu yebe, bua kuenzeye malu â onso, ne bua kuibakeye mbalasa eu unakabanga kulongolola bintu.

Misambu 119:125

Ndi muena mudimu webe; umpeshe lungenyi, bua mmanye bianyi mikenji yebe idi ilesha bu mûdi.

Misambu 119:144

Mikenji yebe idi ilesha bu mûdi idi miakane tô ne kashidi, umpeshe lungenyi bua ngikale ne muoyo.

Misambu 119:73

Bianza biebe biakunfuka, biakunvuisha bu mundi; Umpe lungenyi bua meme kuyila mikenji yebe.

Misambu 64:9

Bantu bonso nebatshine, nebambe mudimu udi Nzambi muenze, nebele meji bimpe bua bienzedi biakuenzeye.

Nsumuinu 24:32

Hashishe nakamona, nakelangana meji bimpe bua muanda eu; nakautangila, nakabela diyisha ne,

Yeshaya 1:3

Ngombe udi mumanye nfumu wandi, mpunda udi mumanye tshidilu tshia mukelenge wandi; kadi Bena Isalele kabena bamanye bualu, bantu banyi kabena bajingulula malu.

Yeshaya 28:26

Bualu bua Nzambi wandi udi umulesha lungenyi luimpe lua kulondeye, udi umuyisha.

Yeshaya 5:12

Mu bidia biabo bia disanka badi ne tshisanji ne lunzenze, dikasa ne lujiba, ne maluvu kabidi; kadi kabena belangana meji a bienzedi bia Yehowa, kabena bamona mudimu udiye wenza ne bianza biandi.

Danyele 1:17

Nzambi wakaha bansongalume aba banai meji ne lungenyi mu diyila dia mikanda yonso ne mu meji makuabo; ne Danyele wakadi ne lungenyi lua kujingulula bikena kumona bionso ne bilota.

Luke 21:15

meme nenuhe mukana ne lungenyi bidi badi nʼenu lukuna kabai bamanye mua kutantamana ne mua kukudimuna dî.

Luke 24:45

Hashishe yeye wakabulula mitshima yabo bua kujingululabo Mukanda wa Nzambi.

Luke 9:44

Mei â abuele mu matshu enu, bualu bua nebafile Muana wa muntu mu bianza bia bantu.

Yowanane 14:26

Kadi Musambi, Nyuma Muimpe mene, watumabo kudi Tatu mu dina dianyi, yeye neanuyishe malu onso, neanuvuluishe mei onso anakunuambila.

Yowanane 16:13

Kadi halua Nyuma wa bulelela, yeye neanulombole mu malu malelela onso; bua yeye kena udiambila, kadi neambe anu malu ûnvueye, neanuambile malu alualua.

Bienzedi 7:10

wakamusungila mu makenga andi onso, wakamuha diakalengele ne lungenyi ku mesu kua Palô, mukelenge wa Ejipitu; wakamuteka ngovena wa Ejipitu ne wa nsubu wandi yonso.

1 Korente 12:8

Bua mukuabo udi uhebua dî dia meshi kudi Nyuma; mukuabo, dî dia lungenyi kudi Nyuma muomumue;

Dielulula 32:29

Bu bobo bikale ne lungenyi, bakadi kujingulula bualu ebu, bakadi kuela meji a malu atua kudibo.

Dielulula 4:39

Numanye bienu lelu, nubueshe bualu ebu mu mitshima yenu ne, Yehowa udi Nzambi wa mu diulu ne hanshi ha buloba kabidi: kakuena mukuabo.

Filipe 4:8

Bana betu, tshiashadidi mpindiu, ne, Malu onso adi malelela, ne malu onso adi a buneme, ne malu onso adi makane, ne malu onso adi a butoke bua mutshima, ne malu onso adi malengele a dinanga, ne malu onso adi ne lumu luimpe; bikalaku buimpe ne bikalaku butumbi, nuelangane meshi a malu â.

Kolose 1:9

Bua muanda eu, tuetu kabidi, katshia ku dituku dituakunvua lumu etu, katuena tulekela kutendelela Nzambi bua bualu buenu, ne kumulomba bua nuenu nûshibue tente ne kumanya kua disua diandi mu meshi onso ne dijingulula bia mu Nyuma;

1 Timote 4:15

Unanukile kuikala mu malu â, udiele ne mutshima webe wonso kudiu, bua kudiunda kuebe kumueneke kudi bonso.

2 Timote 2:6

Tshidime udi wenza mudimu mukole wa mu budimi ngudi ne bua kudia bia mu budimi ku mpala kua bakuabo.

2 Timote 2:8

Uvuluke Yesu Kilisto, mubishibue ku lufu, kankanunuina ka Davidi, bu mudi lumu luimpe lunakakuambila,

Ebrewu 12:3

Bua nuelangane meshi bua yeye wakukankamana mu ditontolola dia nunku dia bantu babi diakamutontololabo nʼadi, bua nuenu kanuhungidi, hikala batekete mu mitshima yenu.

Ebrewu 13:7

Nuvuluke bantu bakanukokesha, bakanuambila dî dia Nzambi; nuela meshi a nshikidilu wa tshikadilu tshimpe tshia mioyo yabo, nuidikishe ditabusha diabo.

Ebrewu 3:1

Nunku, bana betu ba tshijila, babanyanganyi ba dibikila dia mu diulu, nuelangane meshi bua Mupostolo ne Muakuidi Munene wa dijukula dia ditabusha dietu, Yesu mene;

Ebrewu 7:4

Nuelangane meshi bu muakadi bunene bua muntu eu, wakadi Abalahama, nkambua wetu, muhe tshia dikumi tshia mu bintu bitambe buimpe biakanyengeye mu nvita.

Yakobe 1:5

Kadi biahanga mukuabo wenu meshi, âlombe kudi Nzambi udi uha bonso ne mutshima mutoke kai ubatobolola; neamuhebue.

Yakobe 3:15

Lungenyi elu kenduoluo ludi lufuma mu diulu, kadi ludi lua ha buloba, iudi lua mutshima wa ha buloba, ludi lua bademon.

Yakobe 3:17

Kadi meshi adi afuma mu diulu diambedi adi mimpe, hashishe adi ditalala, adi buhote, budi bualu butekete bua kuasengelela, adi mûle tente ne luse ne mamuma mimpe, kêna ne mpata, kêna ne lubombo.

1 Yone 5:20

Tudi bamanye ne, Muana wa Nzambi wakumana kulua wakutuha meshi bua tuetu tumumanye yeye udi wa bushua; ne tuetu tudi munda mua udi wa bushua, munda mua Muana wandi Yesu Kilisto mene. Eu udi Nzambi wa bushua, ne udi muoyo wa tshiendelele.