2 Timote 2:22 - Mukanda wa Nzambi Dihungila Dikulukulu ne Dihungila Dihia-dihia 2003

²² Kadi unyeme nkuka ya bansongalume; londa ku nyima kua buakane, ditabusha, dinanga, ditalala, hohamue ne badi babikila dinu dia Mukelenge ne mitshima mitoke.

MUKANDA WA MYIDI MUKULU

²² Epuka ku majinga mabi a mu bunsonga. Keba kuenza malu mimpe. Ikala ne ditaba, dinanga, ditalala. Udisange ne bonsu badi ne muoyi muimpe, batendelela Mfumu.

2 Timote 2:22 교차 참조

Misambu 119:9

Nsongalume nealengeshe bienzedi biandi munyi? Adimuke biandi bu mudi dî diebe diamba.

Misambu 17:1

Yehowa, unvua bualu budi buakane; teleja matshu ebe ku kudila kuanyi; teleja matshu ebe ku kulomba kuanyi kudi kuhatuka ku mishiku idi kayiyi ne lubombo.

Nsumuinu 15:8

Mulambu udi bantu babi bafila udi utondesha Yehowa, kadi ditendelela dia bantu bakane didi dimusankisha.

Nsumuinu 6:5

Udihandishe bu mudi kabuluku kadisungila mu bianza bia tshilembi, bu mudi nyunyu udihandisha mu bianza bia tshilembi tshia nyunyu.

Nsumuinu 7:8

Wakadi uhitshila mu musesu hehi ne masangu akadi nsubu wa mukashi, wakahuka ku nsubu kuandi,

Lewitiki 15:18

Bialala mulume ne mukashi, biamueleye bilumi, bubidi buabo nebadioweshe ne mai, nebikale ne bukoya tô ne dilolo.

Bienzedi 7:59

Bakadi bakuma Stefano mabue ulomba Mukelenge wamba ne, Mukelenge Yesu, angata muoyo wanyi,

Bienzedi 9:14

kunu kabidi, udi ne bukole buakuangateye kudi bakuidi banene bua kusuikeye bonso badi batendelela dina diebe.

Rome 14:17

Bua bukelenge bua Nzambi kabuena bualu bua kudia ne bua kunua, kadi mbua buakane ne ditalala ne disanka bia mu Nyuma Muimpe.

Rome 14:19

Nunku tulonde bietu malu adi avuisha ditalala ne malu atudi mua kudiundishangana nʼau.

1 Korente 1:10

Bana betu, ndi nusengelela bua dina dia Mukelenge Yesu Kilisto, bua buonso buenu nuambe dî diodiumue, ne bua kakuikadi matahuluka munkatshi muenu; kadi bua nuenu nuikale bâkashibue tshishiki mu meshi amue ne mu lungenyi lumue.

1 Korente 1:2

tudi tufunda mei kudi bena ekelesia ba Nzambi badi mu Kolinto, bajidibue mu Kilisto Yesu, babikidibue bua kuikalabo basanto, ne kudi bonso badi babikila dina dia Mukelenge Yesu Kilisto mu muaba wonso, Mukelenge wabo ne wetu kabidi.

1 Korente 10:14

Nunku, bananga banyi, nyemai kutendelela kua mpingu.

1 Korente 14:1

Nulonde luse, nanukilai kukeba bihedi bia Nyuma, kadi nulambe kubikeba bua nuenu mimanye mua kuambila bantu dî dia Nzambi.

1 Korente 6:18

Nyemai masandi. Bubi buonso budi muntu wenza kabuena bua mu mubidi, kadi udi wenda masandi udi wenzela mubidi wandi mene bibi.

1 Timote 1:14

ne ngasa wa Mukelenge wetu wakatamba kuvulangana diatshimue ne ditabusha ne dinanga dia mu Kilisto Yesu.

1 Timote 1:5

Kadi tshidi mukenshi eu ukeba kuheta ndinanga dia mu mutshima mutoke ne dia mu muoyomukese muimpe ne dia mu ditabusha didi kadi ne lubombo.

1 Timote 2:8

Nunku ndi musue balume batendelele Nzambi mu miaba yonso, babishe bianza bia tshijila, kabai ne tshishi ne dielangana dia mpata.

1 Timote 4:12

Muntu kakulenguludi bua bunsongalume buebe; kadi wikale tshileshilu kudi bena ditabusha mu mei ne mu tshikadilu tshiebe ne mu dinanga ne mu ditabusha ne mu butoke bua mutshima.

1 Timote 6:11

Kadi wewe, muntu wa Nzambi, nyema malu â; londa malu makane ne a buimpe bua Nzambi ne ditabusha ne dinanga ne ditantamana ne kalolo.

Ebrewu 12:14

Nukebe kuheta ditalala ne bantu bonso, ne kujidibua kudi muntu kai nʼaku kena mumanye mua kutangila Mukelenge.

1 Petro 2:11

Bananga, udi nutendekena bu benyi ne bena luendu ba ha buloba ne, Nuehuke ku nkuka ya mibidi idi iluangana ne mioyo yenu;

1 Petro 3:11

Adimuke biandi ku malu mabi. Enze malu mimpe; Akebe biandi ditalala, adiunde.

3 Yone 1:11

Munanga, kuidikishi bualu budi bubi, kadi idikisha bualu budi buimpe. Muntu utu wenza bimpe udi wa Nzambi; muntu utu wenza bibi, kena muanze kumona Nzambi.