2 Timote 1:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Nunku kufuishibu bundu ku mesu bua bumanyishi bua Mukelenge wetu, anyi bua bualu buanyi, meme muena lukanu wandi; kadi ukenge nʼanyi bua lumu luimpe bu mudi bukole bua Nzambi;

MUKANDA WA MYIDI MUKULU

⁸ Nanku kuikadi ne bundu bua kujadikila bantu malu a Mfumu wetu, nansha bua kuntela meme, udi mu lukanu bualu buende. Kadi anyisha, ukenge nanyi bua Lumu lua Disanka, bilondeshile bukole budi Mvidi Mukulu nkupesha.

2 Timote 1:8 교차 참조

Misambu 119:46

Nengambe kabidi mei ebe awakammanyisha ku mesu kua bakelenge, ne tshiena nkuatshika bundu.

Misambu 19:7

Mikenji ya Yehowa idi miakane tshishiki isangasha muoyo wa muntu; Tshimanyishilu tshia Yehowa tshidi mua kueyemenyibua, tshidi tshivuisha muntu udi mudibakane muena meji.

Yeshaya 51:7

Nungunvuile, nuenu badi bamanye buakane, badi ne diyisha dianyi dia mikenji mu mitshima yenu; kanutshinyi bihendu bia bantu, buowa kabunukuatshi bua matuka abo.

Yeshaya 8:20

Tuye ku diyisha dia mikenji ne ku tshimanyishilu tshia dî dia Nzambi! Bikala bantu kabayi bambe dî didi diakanangane ne dî adi, bulelela, butuku kabuena buanze kubatshila.

Marke 8:38

Muntu yonso udi unfua meme ne mei anyi bundu mu tshikondo etshi tshia masandi ne tshia malu mabi, Muana wa muntu neamufue yeye bundu, halueye ne banjelo ba tshijila mu butumbi bua Tatu wandi.

Luke 9:26

Muntu yonso udi unfua meme ne mei anyi bundu, Muana wa muntu neamufue yeye bundu, halueye ne butumbi buandi ne bua Tatu ne bua banjelo ba tshijila.

Yowanane 15:27

nuenu kabidi nudi nungamba, bualu bua nuakadi nʼanyi ku tshibangidilu tô ne katataka.

Yowanane 19:35

Wakatangila bualu abu nguakabuamba, dî diandi ndelela; udi mumanye biandi, ne, Dî dianyi ndilelela, bua nuenu kabidi nuitabushe.

Bienzedi 5:41

Bakumuka ku mpala kua bena tshilumbuluidi basanka bualu bua bakabadibua ne, Mbakane bua kufuishibuabo bundu bualu bua Dina dia Yesu.

Rome 1:16

Bualu bua tshiena nfua bundu bua lumu luimpe; bua ludi bukole bua Nzambi ku luhandu kudi muntu yonso udi witabusha, kudi Muena Yuda diambedi, ne kudi Muena Gelika kabidi.

Rome 16:25

Butumbi buikale kudi Nzambi, udi ne bukole bua kunujadika bu mudi lumu luimpe luanyi ne kuamba kuanyi kua Yesu Kilisto, bu mudi dibuluibua dia bualu busokoko buakadi buhuwishibue ku bikondo bia tshiendelele;

Rome 8:36

Mbu muakafundabo ne, Bua bualu buebe tudi tushihibua dinda tô ne ku dilolo; Tudi tubadibua bu mikoko ya kushihibua.

Rome 9:33

bu muakafundabo ne, Tangila, ndi nteka mu Siona dibue dia tshilenduishi, ne dibue dia buteyi; Ne weyemena kudidi kena ufuishibua bundu.

1 Korente 1:6

bu muakajadikibua tshimanyishilu tshia Kilisto munda muenu.

2 Korente 6:7

ne mu dî dia bushua, ne mu bukole bua Nzambi; ne ku bintu bia nvita bia buakane bikuata ku tshianza tshia balume ne ku tshianza tshia bakashi,

Efeze 3:1

Bua muanda eu, meme Paulo, udi muena lukanu wa Kilisto Yesu bua bualu buenu, nuenu ba mu bisamba bia bende.

Efeze 3:13

Nunku ndi ndomba ne, Mitshima yenu kaiteketshi bua makenga andi nʼau bua bualu buenu, adi butumbi buenu.

Efeze 4:1

Nunku meme, amena lukanu wa Mukelenge, ndi nusengelela ne, Enda! bakanangane ne dibikila diakanubikilabo nʼadi,

Efeze 4:17

Nunku ndi nuambila dî edi, ndi numanyishadi kabidi mu Mukelenge ne, Kanuendi kabidi bu mudi bantu ba bisamba bia bende benda mu meshi abo a hatuhu;

Filipe 1:7

bu mudibi bimpe bua meme kuikala ne meshi â munda muanyi bua bualu buenu, bualu bua ndi nʼenu mu mutshima wanyi; bualu bua mu nkanu yanyi ne mu kuvidila ne mu kujadika kua lumu luimpe, buonso buenu nudi bangatshi nʼanyi ba ngasa.

Filipe 3:10

Mbua meme kumumanya yeye, ne bukole bua dibika diandi ku lufu, ne buobumue nʼandi mu makenga andi, muikale mufuanyikishibue nʼandi mu lufu luandi;

Filipe 4:13

Ndi mumanye mua kuenza malu onso mu Mukelenge udi unkolesha.

Kolose 1:11

ne bua nuenu mikoleshibue ne bukole buonso, bu mudi bukole bua butumbi buandi, tô ne ku dinanukila dionso ne ku lutulu lusangisha ne disanka.

Kolose 1:24

Mpindiu ndi nsanka mu makenga andi nʼau bua bualu buenu, ne ku luanyi luseke ndi nkumbasha mu muhidi wanyi makenga a Kilisto atshidi mashale bua mubidi wandi, ekelesia mene.

1 Tesalonike 3:4

Bulelela, hatuakadi nʼenu, tuakadianjila kunuambila ne, Tudi tuamba kuikala ne makenga; mbu muakaluau, ne nudi bamanye bualu ebu.

1 Timote 2:6

wakadifila bu tshintu tshia kuhikula nʼatshi bantu bonso; bumanyishi bua muanda eu budi ne bua kumanyishibua mu bikondo biabu mene.

2 Timote 1:10

Kadi katataka wakamueneshibua bualu bua dimueneka dia Musungidi wetu Kilisto Yesu, wakajimisha lufu, wakamuenesha muoyo wa tshiendelele ne udi kawi mua kunyanguka mu munya, bualu bua lumu luimpe,

2 Timote 1:12

Bua muanda eu ndi nkenga makenga â kabidi, kadi bundu kabuena bunkuata ku mesu; bua ndi mumumanye yeye unakuitabusha, ne nakuitabushishibua ne yeye udi ne bukole bua kulama tshintu tshianyi tshiteka tô ne dituku diadia.

2 Timote 1:16

Mukelenge afue ba mu nsubu wa Onesifolo luse, bualu bua yeye wakasangasha muoyo wanyi misangu ya bungi, ne kakafua bundu bua lukanu luanyi;

2 Timote 2:3

Ukenge nʼanyi bu mudi disalayi dimpe dia Kilisto Yesu.

2 Timote 2:8

Uvuluke Yesu Kilisto, mubishibue ku lufu, kankanunuina ka Davidi, bu mudi lumu luimpe lunakakuambila,

2 Timote 2:9

ne bua muanda walu ndi nkengeshibua makenga mabi a kudi bantu bu muenji wa bibi, tô ne mu nkanu minsuika; kadi dî dia Nzambi kadiena disuika.

2 Timote 4:17

Kadî Mukelenge wakimana nʼanyi, wakankolesha; bua dî dia Nzambi dimanyishibue kuonso bua bualu buanyi, ne bua bonso ba bisamba bia bende badiunvue; nakabandishibua mukana mua nyama wa ntambue.

2 Timote 4:5

Kadi wikale ne meshi mahole mu malu onso, witabushe makenga, wenze mudimu wa butangadiki, ukumbashe mudimu webe wa Nzambi.

1 Petro 1:5

nuenu mbadi balamibua ku bukole bua Nzambi bua ditabusha tô ne ku luhandu tulongolola bubuluibua mu tshikondo tshia kunshikidilu.

1 Yone 4:14

Tuetu tuakutangila ne tudi tunumanyisha ne, Tatu wakutuma Muana wandi bua kuikaleye Musungidi wa ba ha buloba.

Yuda 1:24

Katataka kudi yeye udi mumanye mua kunulama bua nuenu kanulenduki, ne udi mua kunuteka ku mpala kua butumbi buandi ne disanka ditamba bunene, kanui ne tshilema;

Didimanyisha 1:2

nyeye wakamanyisha bantu di dia Nzambi ne dimanyisha dia Yesu Kilisto, malu onso akamoneye.

Didimanyisha 1:9

Meme, Yone, muanʼenu wa ma Kilisto, ne muabanyanganyi nʼenu wa mu dikenga ne bukelenge ne ditantamana bidi mu Yesu, nakadi mu tshisanga tshidibo babikila ne Patemo, bualu bua dî dia Nzambi ne bua dimanyisha dia Yesu.

Didimanyisha 12:11

Ne bobo bakamuhita bukole bualu bua mashi a Muana wa Mukoko, ne bualu bua dî dia bumanyishi buabo; ne bobo kabakasua mioyo yabo tô ne ku lufu.

Didimanyisha 19:10

Nakahona ku makasa andi bua kumukukuila. Yeye udi ungambila ne, Tangila bua wewe kuenji nunku nasha. Meme udi muhika nʼebe ne wa bana benu ba mu Kilisto badi ne bumanyishi bua Yesu; ukukuile Nzambi; bualu bua bumanyishi bua Yesu budi nyuma wa mei a baprofete.