2 Samuele 6:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ Davidi wakatshina Yehowa dituku adi. Wakamba ne, Mushete wa Yehowa neulue kundi kabidi munyi?

MUKANDA WA MYIDI MUKULU

⁹ Dituku adi, Davide kutshina Maweja-Nangila, wamba ne: — Tshiena mua kuya ku nzubu kuanyi ne mushete wa Maweja-Nangila to!

2 Samuele 6:9 교차 참조

2 Samuele 6:8

Mutshima wa Davidi wakanyingala bualu bua Yehowa wakenzela Uza nunku; yeye wakidika muaba au ne Pelese-Uza tô ne ku dituku edi.

1 Bakalenga 8:27

Kadi Nzambi neitabushe bua kuikaleye ha buloba, anyi? Monai, diulu ne diulu ditamba mulu kaena makukumbane, ka nsubu eu unakukuashila neikale muhite bukese!

Misambu 119:120

Mubidi wanyi udi uzakala bua dikutshina dianyi; ne ndi ntshina kulumbulula kuebe.

Yeshaya 6:5

Ka meme nakamba ne, Mulau wakunkuata! Bualu bua ndi mujimine; bualu bua ndi muntu udi ne mishiku idi kayiyi miakane, ne ndi mushikame munkatshi mua bantu badi ne mishiku idi kayiyi miakane; bualu bua mesu anyi akumona Mukelenge, Yehowa wa misumba mene!

Matayi 25:25

nakatshina, nakaya, nakasokoka ntalanta webe mu buloba, tshintu tshiebe katshitshi.

1 Petro 3:6

bu muakatumikila Sala Abalahama, mumubikile Mukelenge; unuakulua bana bandi katataka, binuenza bimpe, ne binuikala kanui nutshinyishibua ku buowa buonso.

1 Samuele 6:20

Bena Bete-shemeshe bakakonkangana ne, Nganyi udi mumanye mua kuimana ku mesu kua Yehowa, Nzambi wa tshijila? Humukeye kutudi, neaye kudi banganyi?