2 Samuele 23:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Bulelela, nsubu wanyi kena nunku ku mesu kua Nzambi, kadi yeye wakahunga nʼanyi tshihungidi tshia tshiendelele, tshilongolodibue mu malu onso, ne tshijadikibue, bualu bua tshidi luhandu luanyi luoso ne disua dianyi dionso, yeye kena ubidiundisha, anyi?

MUKANDA WA MYIDI MUKULU

⁵ Ke malu adi Mvidi Mukulu muenzele bena nzubu wanyi. Uvua mutue nanyi ndondu wa kashidi, mujadike ndondu awu ne mikenji idi bantu kabayi mua kubenga. Bionsu bidi binsankisha, udi ubikumbaja.

2 Samuele 23:5 교차 참조

Genese 9:16

Muanzankongolo wanyi newikale mu matutu, hanaumona, nenvuluke tshihungidi tshia kashidi tshidi hankatshi ha Nzambi ne bintu bionso bidi ne muoyo ha buloba.

2 Samuele 12:10

Nunku muele wa mata kawena umuka ku nsubu kuebe tshiendelele bualu bua wewe wakandengulula, wakangata mukashi wa Uliya, Muena Hiti, bu mukashi webe.

2 Samuele 13:14

Kadi yeye kakunyua dî diandi; kadi bualu bua yeye wakamuhita bukole, yeye wakamukuata ku bukole, wakalala nʼandi.

2 Samuele 13:28

Abashaloma wakelela bantu bandi mukenji ne, Nutangile Amenona bimpe ne hasanka mutshima wandi mu kukuatshika kua maluvu. Hananuambila ne, Nutahe Amenona, bimpe nu mushihe, kanutshinyi; meme tshiakunuambila dî, anyi? Nukoleshe mitshima, nuikale ne dikima.

2 Samuele 18:14

Yoaba wakamba ne, Tshiena mua kujanguluka nʼebe bua bualu ebu. Yeye wakangata mikete isatu mu tshianza tshiandi, wakayasa ha muoyo wa Abashaloma hakadiye mulembelele mutshikale ne muoyo munkatshi mua matamba a mutshi.

2 Samuele 7:12

Hakumbana matuku ebe, hawalala tulu ne bankambua bebe, nensungile muana webe udi uluhuka munda muebe, nenjadike bukelenge buandi.

2 Samuele 7:18

Hashishe mukelenge Davidi wakabuela mu nsubu, wakashikama ku mpala kua Yehowa, wakamba ne, Mukelenge Yehowa, meme ndi nganyi, ne tshiota tshianyi tshidi tshinyi bua wewe wakalua nʼanyi anu kunoko?

1 Bakalenga 1:5

Hashishe Adoniya, muana wa Hagita, wakadibandisha, wamba ne, Meme nengikale mukelenge: yeye wakadilongoluela makalu ne badi benda ha tubalu ne bantu makumi atanu bua kunyemabo ku mpala kuandi.

1 Bakalenga 11:38

Biunvua mei onso andi nkuambila, biwenda mu nshila yanyi bua kuenza malu adi mimpe ku mesu kuanyi, ne hua kutumikila mei anyi ne mikenji yanyi bu muakenza muntu wanyi Davidi, nengikale nʼebe, nenjadike tshiota tshiebe bulelela, bu munakajadika tshiota tshia Davidi; nenkuhe wewe Bena Isalele.

1 Bakalenga 12:14

kadi wakabambila lungenyi luakamuambila bansongalume ne, Tatu wanyi wakanunemeshila mutshi wa tshikokedi, kadi meme nennukumbashile majitu makuabo: tatu wanyi wakamutuma ne nsokotshi, kadi meme nennukume ne tuminyiminyi.

Misambu 111:9

Wakatumina bantu bandi luhandu, wakabajadikila tshihungidi tshiandi bua tshikaleku tshiendelele. Dina diandi ndia tshijila ne didi divuishisha bantu dikema.

Misambu 119:81

Muoyo wanyi udi muhungile ne dijinga dia luhandu luebe, ndi ntekemena dî diebe.

Misambu 27:4

Nakulomba Yehowa bualu bumuehele, mbuobu bundi ukebakeba: bua meme kushikama mu nsubu wa Yehowa matuku onso a muoyo wanyi, bua kumona buimpe bua Yehowa, ne bua kuelangana meji a malu a mu ntempelo wandi.

Misambu 62:2

Yeye nkayandi udi dibue dianyi ne luhandu luanyi, tshibumba tshianyi tshile; tshiena nyungishibua bikole.

Misambu 89:3

Nakuhunga tshihungidi ne muntu unakusungula, nakuditshiha kudi Davidi muntu wanyi ne,

Yeshaya 11:1

Lutonga nelutoloke ku tshikuku tshia Yishai, ne ditamba dia ku miji yandi nedikuame mamuma.

Yeshaya 27:6

Mu matuku adi kâyi manji kulua Yakoba nêle miji; Isalele neabaluluke, neasampile ntonga; nebûshe buloba buonso ne tumuma tua nvinyo.

Yeshaya 4:2

Mu dituku adi lutonga lua Yehowa neluikale lulengele ne lua butumbi, ne mamuma adi buloba bumenesha neikale mimpe ne bu tshilenge kudi ba mu Isalele batshidi bashala ne muoyo.

Yeshaya 54:10

Bualu bua mikuna mile idi mua kumuka, ne mikuna mihuekele idi mua kuzakashibua, kadi dinanga dianyi kadiena diumuka kûdi, ne tshihungidi tshianyi tshia ditalala katshiena tshiumushibua, mudi Yehowa udi ukufuila luse wamba.

Yeshaya 55:3

Telejai matshu enu, nulue kundi; nunvue bienu, nenuikale ne muoyo. Bua nempunge nʼenu tshihungidi tshia tshiendelele, tshidi luse lunajadikila Davidi kashidi.

Yeshaya 61:8

Bualu bua meme Yehowa ndi musue kulumbulula kuakane, ndi nkina kunyenga kua bina ne kuenza kua malu mabi; nembahe difutu diabo mu lulamatu luanyi lua bushuwa, nempunge nʼabo tshihungidi tshia tshiendelele.

Yeshaya 7:14

Nunku Mukelenge muine neanuhe tshimanyinu. Monai! Mukashi utshidi kamama neimite difu, nealele muana wa balume, neamuidike dina ne, Imanuele.

Yirmeya 32:40

Nempunge nʼabo tshihungidi tshia tshiendelele ne, Tshiena ndekela kubalonda bua kubenzela bimpe; nenteke dintshina mu mitshima yabo, bua bobo kabahambuki kundi kabidi.

Yirmeya 33:21

nunku nebamanye mua kushiha tshihungidi tshinakahunga ne Davidi muntu wanyi, bua yeye kikadi ne muana mulume wa kushikama mu nkuasa wandi wa bukelenge bua kukokesheye, ne tshinakahunga ne Bena Lewi bakuidi, bankuatshidi ba mudimu.

Yezekiyele 37:26

Bualu bukuabo, nempunge nʼabo tshihungidi tshia ditalala; netshikale tshihungidi tshia tshiendelele; nembajadike mu buloba buabo, nembakumbashe ba bungi, nenteke tshitendelelu tshianyi munkatshi muabo tshiendelele.

Amosa 9:11

Mu dituku adi nengibake kabidi nsubu wa Davidi wakadi muhuke, nengibake kabidi bituha bia bimanu biandi bidi bishimbuke; nengibake bituha biandi biakanyanguka, nemmuase bua kuikaleye bu muvueye diambedi.

Bienzedi 13:34

Ne bua dibisha diandi ku lufu, kai uhingana kashidi bua kuboleye, Nzambi wakamba ne, Nenuhe masanka makane ne a bushua a Davidi.

Ebrewu 13:20

Nzambi wa ditalala wakabisha mulami munene wa mikoko munkatshi mua bafue kabidi ku mashi a dihungila dia tshiendelele, Mukelenge wetu Yesu mene,

Ebrewu 6:19

Nditekemena ditudi nʼadi bu luongo lua muoyo wetu, didi dikuata bikole, didi dishindama, didi dibuela tô ne munda mua muaba udi ku nyima kua tshilulu tshikudika,

1 Samuele 2:35

Nenditekele muakuidi wa kanemu; yeye neangenzele malu anakasungula mu mutshima wanyi ne mu lungenyi luanyi. Meme nenjadike nsubu wandi: yeye nende ku mesu kua wanyi unakuela manyi ha mutu tshiendelele.

1 Samuele 25:28

Ndi nkusengelela ne, Ulekelele muhika webe mukashi dihanga diandi; Yehowa neajadike ba mu nsubu wa mukelenge wanyi bulelela, bualu bua yeye udi uluila Yehowa nvita; bualu bubi kabuena buikala kudi tô matuku ebe onso.