2 Samuele 21:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ Kadi mukelenge wakasungila Mefibosheta, muana wa Yonatana, muana wa Shaula, bualu bua kuditshiha kuakaditshiheye nʼaku kudi Yehowa bualu buabo, kuakadi hankatshi ha Davidi ne Yonatana, muana wa Shaula.

MUKANDA WA MYIDI MUKULU

⁷ Mukalenga Davide kufuila Mefibaale, muana wa Yonatane, muikulu wa Shawule luse, bualu uvua mumane kutua ndondu wa bulunda ne Yonatane mu dina dia Maweja-Nangila.

2 Samuele 21:7 교차 참조

2 Samuele 16:4

Hashishe mukelenge wakambila Siba ne, Mona, bintu bionso bia Mefibosheta mbiebe. Siba wakamba ne, Meme ndi nkukukuila; mukelenge wanyi, nsangane diakalengele ku mesu kuebe.

2 Samuele 19:25

Hakafikeye ku Yelushalema bua kusangakeneye ne mukelenge, mukelenge wakamuebesha ne, Mefibosheta, kuakumuka nʼanyi bua tshinyi?

2 Samuele 4:4

Yonatana, muana wa Shaula, wakadi ne muana mulume, wakadi mulema. Yeye wakadi ne bidimu bitanu hakunvuabo lumu lua Shaula ne Yonatana ku Yizelele; mulami wandi wakamuambula ku lubese, wakanyema; hakadiye unyema nunku, muana wakadishinda, nunku wakalua mulema. Dina diandi diakadi Mefibosheta.

2 Samuele 9:1

Davidi wakakonka ne, Muntu mukuabo wa mu nsubu wa Shaula udi mushaleku bua meme kumufuila luse bualu bua Yonatana, anyi?

2 Samuele 9:10

Wewe ne bana bebe balume ne bena mudimu bebe bonso nenumudimine budimi buandi; bûdi nʼabu mbua kulua ne bintu biudi uhuola, bua muana wa mukelenge webe ikale ne bia kudia; kadi Mefibosheta, muana wa mukelenge webe, neadie bidia ku mesa anyi tshiendelele. Siba wakadi ne bana ba balume dikumi ne batanu ne bahika makumi abidi.

2 Samuele 9:6

Mefibosheta, muana wa Yonatana, muana wa Shaula, wakalua kudi Davidi, wakatua mpala wandi hanshi, wakamukukuila. Davidi wakamba ne, Mefibosheta. Yeye wakamukudimuna dî ne, Tangila, muntu webe!

2 Samuele 9:7

Davidi wakamuambila ne, Kutshinyi; bulelela, nenkufuile luse bualu bua Yonatana, tatu webe; nenkuhingishile buloba buonso bua Shaula, kaku webe; wewe neudie bidia ku mesa anyi matuku onso.

Muambi 8:2

Ndi ngamba ne, Utumikile mukenji wa mukelenge; bualu bua wakamana kuditshiha kudi Nzambi.

1 Samuele 18:3

Hashishe Yonatana ne Davidi bakahungakasha tshihungidi, bualu bua yeye wakamunanga bu mutshima wandi mene.

1 Samuele 20:12

Yonatana wakambila Davidi ne, Yehowa, Nzambi wa Isalele, ikale bu mumanyi wa bualu: banabuela tatu wanyi munda bua bualu ebu ha diba edi nansha makelela nansha dia ha nyima; mona, biambeye bualu buimpe bua Davidi, tshiena nkutumina dî bua kukumanyisha bualu ebu, anyi?

1 Samuele 20:15

ne wewe kumushi luse luebe ku nsubu wanyi tshiendelele nansha habutula Yehowa bena lukuna bonso ba Davidi ha buloba.

1 Samuele 20:17

Yonatana wakatshihisha Davidi tshiakabidi bualu bua dinanga diakadiye nʼadi kudiye; bualu bua yeye wakamunanga bu muakanangeye mutshima wandi mene.

1 Samuele 20:42

Yonatana wakambila Davidi ne, Waya biebe talalâ bualu bua tuetu tuakahungakasha mei ne, Yehowa neikale hankatshi hetu nʼebe ne hankatshi ha bana bebe ne bana banyi tshiendelele. Yeye wakabika, wakaya; Yonatana wakahingana ku musoko.

1 Samuele 20:8

Nunku ufuile muntu webe luse, bualu bua wewe wakamana kuhunga nʼanyi tshihungidi mu dina dia Yehowa; bikala bualu bubi munda muanyi, unshihe nkayebe; udi musue kulua nʼanyi ku mesu kua tatu webe bishi?

1 Samuele 23:18

Bubidi buabo bakahunga tshihungidi ku mpala kua Yehowa; Davidi wakashala muitu, Yonatana wakahingana ku nsubu kuandi.

1 Samuele 24:22

Davidi wakaditshiha kudi Shaula. Shaula wakahingana kuandi, katu Davidi ne bantu bandi bakaya ku musoko wa lumbu.