2 Samuele 17:22 - Mukanda wa Nzambi Dihungila Dikulukulu ne Dihungila Dihia-dihia 2003

²² Hashishe Davidi wakajuka ne bantu bonso bakadi nʼandi, bakasabuka dishiya dia Yadene; hakatshiabu nansha umue wabo wakashala, buonso buabo bakadi basabuka.

MUKANDA WA MYIDI MUKULU

²² Nanku, Davide kujuka lukasa ne bantu bavuaye nabu, kusabuka Yardene. Butshia dinda, bantu bonsu bavua bamane kusabuka, kakuyi muntu mushale nansha umue.

2 Samuele 17:22 교차 참조

2 Samuele 17:21

Hakayabo, Ahimasa ne Yonatana bakahatuka mu dina, bakaya, bakamanyisha mukelenge Davidi; bakambila Davidi ne, Juka, usabuke mai lubilu, bualu bua Ahitofele wakamba mei adi kâyi mimpe bua bualu buebe.

2 Samuele 17:23

Hakatangila Ahitofele ne, Bakahidia lungenyi luanyi, yeye wakela tshiseba ha nyima ha nyama wandi wa mpunda, wakajuka, wakaya kuandi ku musoko wandi, wakalongolola malu a mu nsubu wandi, wakadiowa, wakafua, bakamujika mu lukita lua tatu wandi.

2 Samuele 17:24

Davidi wakafika ku Mahanayima. Abashaloma ne Bena Isalele bonso bakadi nʼandi bakasabuka Yadene.

Misambu 42:6

Mutshima wanyi udi muitshikile munda muanyi, bua bualu ebu ndi nkuvuluka wewe, Nzambi, mubange ku buloba bua Yadene ne bua mu mikuna ya Hêmona, ne ku mukuna wa Misâ.

Nsumuinu 27:12

Muntu mudimuke udi utangila dikenga diamba kumukuata, udi usokoma; kadi batshimbakanyi badi bahitaku, badi bakengeshibua.

Dibadika 31:49

bakambila Mose ne, Bantu bebe bakabala bungi bua bena nvita badi ku nyima kuetu, nansha umue wetu udi mushale.

Matayi 10:16

Monai, ndi nutuma bu mikoko idi munkatshi mua nkashama; nuikale ne budimu bu bua nyoka ne bu nyunyu ya nkutshi idi kayi iluishangana.

Yowanane 18:9

bua kushikishabo dî diandi diakambeye ne, Bawakampa tshiakujimisha umue.