2 Bakalenga 6:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Hakadi mukuabo utaha mutshi, tshisui tshiakanuka, tshikahona mu mai; yeye wakadila ne, Aka, mukelenge wanyi, tshiakadi tshisomba.

MUKANDA WA MYIDI MUKULU

⁵ Kadi, pavua muntu mukuabu wa kudibu utapa mutshi, tshisuyi tshiende kukukatshi mu mulabi, kumata mu mayi. Muntu awu kuela diyi ne: — Mfumuanyi, ndiakabi kaayi edi! Tshisuyi tshivua tshia bende tshisomba!

2 Bakalenga 6:5 교차 참조

2 Bakalenga 3:10

Mukelenge wa Isalele wakamba ne, Aka, Yehowa wakabikila bakelenge aba basatu basangisha bua kubafila mu bianza bia Bena Moaba.

2 Bakalenga 4:7

Hashishe yeye wakaya, wakamanyisha muntu wa Nzambi. Yeye wakamuambila ne, Ya, uhane manyi au, umane dibanza diebe, ne wewe ne bana bebe balume nuikale ne muoyo ku bidi bishale.

2 Bakalenga 6:15

Hakabika muena mudimu wa muntu wa Nzambi dinda dionso, wakaluhuka, wakatangila tshisumbu tshia masalayi ne tubalu ne makalu tshiakanyunguluka musoko. Muena mudimu wandi wakamuebesha ne, Aka, mukelenge wanyi, netuenze tshinyi?

2 Bakalenga 6:4

Nunku wakaya nʼabo. Hakafikabo ku Yadene, bakataha mitshi.

2 Bakalenga 6:6

Muntu wa Nzambi wakamuebesha ne, Tshiakahona kudi kunyi? Yeye wakamuosha muaba. Yeye wakakosa mutshi, wakawela mu mai, ne tshisui tshiakalelemuka.

Misambu 37:21

Muntu mubi udi usomba bintu, kena ubifuta kabidi; kadi muntu muakane udi ulesha bantu luse, udi ubaha bintu.

Muambi 10:10

Biatshihala tshiamu, hikala muntu kayi mutshinone, nunku budiye nʼahu mbua kutaha ne bukole buonso; lungenyi ludi mua kumutungunusha.

Yeshaya 10:34

Yeye neatahe bihuka ne tshisui tshia tshiamu tshifike, ne Lebanona neahone ku mikumu ya Nzambi Mukole.

Didimanyisha 18:10

nebimane ha bule bualu bua ditshina dia dikenga diandi, bamba ne, Mulau, mulau, musoko munene, Babulona, musoko mukole! Bualu bua dihisha diebe diakulua mu luhola lumue.

Didimanyisha 18:16

bamba ne, Mulau, mulau, musoko munene, wakadi muluatshishe bilulu bia line bimpe, ne bikunzubile ne bikunzekunzu, mulengesha ne ngolo ne mabue a mushinga mukole ne mabue a perle!

Didimanyisha 18:19

Bakela luhuishi ha mutu habo, ne bakela mbila, bikale ne binsonshi ne badila muadi, bamba ne, Mulau, mulau, musoko munene, muakadi bonso bakadi ne matu abo ha mai manene bavuishibue babanshi bualu bua mushinga wau mukole! Bualu bua mu luhola lumue wakubutudibua.