2 Bakalenga 23:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ Wakumusha luhingu lua Ashela mu nsubu wa Yehowa, wakaya nʼalu ku mpenge ya Yelushalema ku kasulu ka Kidelona, wakaluosha ku kasulu ka Kidelona, wakalubutula bu luhuishi, wakela luhuishi ha nkita ya bantu ba tshianana.

MUKANDA WA MYIDI MUKULU

⁶ Yoshiya kutuma bantu bua bajule dikunji dia mvidie mukaji Ashera, divua mu nzubu wa Mvidi Mukulu. Kumukabu nadi mu Yerushalayime, bua kuya kudioshila mu tshibandabanda tshia Sedrone. Kuoshabu dikunji adi, kudibutula. Butu buadi kubutangalajabu muaba uvua nkita ya bantu bonsu.

2 Bakalenga 23:6 교차 참조

1 Bakalenga 14:23

Bualu bua bobo bakenza bitendelelu ne makunshi a kutendelela ne Bashela ha mutu ha mikuna yonso ne muinshi mua mitshi mibishi yonso;

1 Bakalenga 15:13

Yeye kabidi wakumusha Mâka, mamu wandi, mu nkuasa wa mukelenge mukashi, bualu bua yeye wakenzela Bashela luhingu lua bundu; Asa wakataha luhingu luandi, wakaluosha kahia hehi ne kasulu ka Kidilona.

1 Bakalenga 16:33

Ahaba wakalonda malu a Bashela kabidi; Ahaba wakahita bakelenge ba Isalele bonso bakadi ku mpala kuandi kuenza malu mabi a kuluisha nʼau Yehowa, Nzambi wa Isalele, tshiji.

1 Bakalenga 2:37

Bualu bua dituku diudi uhatuka usabuka kasulu ka Kidelona, umanye biebe ne, Wewe neufue bulelela: mashi ebe neikale ha mutu hebe.

2 Bakalenga 10:26

Bakangata makunshi akadi mu nsubu wa Bâla, bakaosha mu kahia.

2 Bakalenga 10:27

Bakatonkolola makunshi a mabue a Bâla hanshi, bakashimbula nsubu wa Bâla, bakamuvuisha bu diala tô ne ku dituku edi.

2 Bakalenga 21:7

Wakateka luhingu lua Bashela luakasongeye mu nsubu wa Yehowa, mu nsubu mene wakambila Yehowa Davidi ne muanʼandi Solomo ne, Nenjadike dina dianyi mu nsubu eu ne mu Yelushalema unakasungula munkatshi mua bisamba bia Bena Isalele tshiendelele;

2 Bakalenga 23:12

Mukelenge wakashimbula bioshelu biakadi ku mutu kua nsubu wa Ahaza, biakenza bakelenge ba Yuda; ne bioshelu biakenza Manashe mu biendedi bibidi bia mu nsubu wa Yehowa; wakaubutula, wakela lufuishi luabi mu kasulu ka Kidelona.

2 Bakalenga 23:15

Wakashimbula kabidi tshioshelu tshiakadi ku Betele ne tshitendelelu tshiakenza Yalobama, muana wa Nebata, wakenzesha Bena Isalele malu mabi; wakosha tshitendelelu, wakatshibutula bu luhuishi, wakosha mpingu ya Bashela mu kahia.

2 Kulondolola 15:16

Asa wakumusha Mâka mamu wandi mumuledi kabidi, bua yeye kikadi mukelenge mukashi, bualu bua yeye wakenza luhingu lua bundu lua kutendelela nʼalu Bashela; Asa wakashimbula luhingu luandi, wakalusunsula tuhese tukese, wakaluosha ne kahia ku musulu wa Kidilona.

2 Kulondolola 33:3

Bualu bua yeye wakasa kabidi bioshelu ha mutu ha mikuna biakashimbula Hezikiya tatuʼandi; wakashila Bâla bioshelu, wakakuna mitshi ya Bashela, wakatendelela bintu bia mu diulu, wakabikuatshila mudimu.

2 Kulondolola 34:4

Bakashimbula bioshelu bia Bâla ku mesu kuandi; yeye wakataha mpingu yakatendelelabo nʼai diba yakadi ha mutu ha mikuna ne mitshi ya Bashela ne mpingu yakasongabo ne mpingu yakatulabo, yeye wakabitshibula bituha bituha, wakabivuisha bu lusenga, wakalumuangalasha ha nkita ya bantu bakadi babishihela milambu.

Ekesode 32:20

Mose wakangata kana ka ngombe kakenzabo, wakakosha mu kahia, wakakabotesha, wakakela mu mai, wakanuisha Bena Isalele mai au.

Yirmeya 17:2

Bana bakalelabo kabidi badi bavuluka bioshelu biabo ne Bashela babo badi hehi ne mitshi mibishi idi ha mikuna mile.

Yirmeya 22:18

Nunku Yehowa udi wamba bua Yehoyakima, muana wa Yoshiya, mukelenge wa Yuda ne, Kabena bamuashila muadi, badila ne, Aka, muanʼetu mulume! Aka, muanʼetu mukashi! Kabena bamujinga ne, Aka, mukelenge wetu! Anyi ne, Aka, butumbi buandi!

Yirmeya 31:40

Tshibanda tshionso tshia Hinoma, tshidi ne bitalu ne butue, ne madimi onso adi ayila tô ne ku kasulu ka Kidilona, tô ne ku ditumba dia tshibi tshia tubalu ku luseke lua esete, nebikale miaba ya tshijidila kudi Yehowa; kabena babitula kabidi, kabena babishimbula tô ne tshiendelele.

Yowanane 18:1

Hakamba Yesu mei â, wakaya ne bayidi bandi dishia dia kasulu ka Kidilona diakadi muaba wa mitshi ya mamuma, wakabuelamu ne bayidi bandi.

Dielulula 7:25

Nuoshe mpingu yabo yakasongabo ne kahia: kanukumi mitshima yenu kudi argent anyi or idi ha mutu hai, kanuyidiangatshidi, kanudionyi mu buteyi ebu; bualu ebu budi butonda mutshima wa Yehowa, Nzambi wenu.

Dielulula 9:21

Nakangata bualu bubi bunuakenza, kana ka ngombe mene, nakakosha ne kahia, nakakadiata munda mua dikasa, nakakabotesha bu dinfuenkenya dia buloba: nakela dinfuenkenya diaku mu kasulu kakadi kafuma ku mukuna.

Balombodi 3:7

Bena Isalele bakenza malu mabi ku mesu kua Yehowa, bakahua Yehowa, Nzambi wabo, muoyo, bakakuatshila Bâla ne Ashelota mudimu.