2 Bakalenga 20:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Mu matuku au disama dikole diakakuata Hezikiya, diakamutonda; Yeshaya muprofete, muana wa Amoza, wakalua kudiye, wakamuambila ne, Yehowa udi wamba ne, Ulongolole nsubu webe, bualu bua wewe neufue, kuena wikala ne muoyo.

MUKANDA WA MYIDI MUKULU

¹ Tshikondu atshi, mukalenga Izkiya kupeta disama dia lufu. Muambi Yeshaya, muana wa Amosa, kufika bua kumusamba, umuambila miaku ivua Maweja-Nangila muambe ne: — Diba diakumbanyi bua wewe kudilongolola, bualu mu disama edi, kuena upanda to, neufue.

2 Bakalenga 20:1 교차 참조

2 Samuele 17:23

Hakatangila Ahitofele ne, Bakahidia lungenyi luanyi, yeye wakela tshiseba ha nyima ha nyama wandi wa mpunda, wakajuka, wakaya kuandi ku musoko wandi, wakalongolola malu a mu nsubu wandi, wakadiowa, wakafua, bakamujika mu lukita lua tatu wandi.

2 Bakalenga 1:16

Yeye wakamuambila ne, Yehowa udi wamba ne, Wewe wakatuma ba-messager bua kuebesha Bâla-zebuba, nzambi wa Ekelona, dî bualu bua kakuena Nzambi mu Isalele bua wewe kumuebesha dî, anyi? Nunku wewe kuena ujuka ha bulalu bûdi mulale, kadi neufue bulelela.

2 Bakalenga 1:4

Nunku Yehowa udi wamba ne, Wewe kuena ujuka ha bulalu bûdi mulale, kadi wewe neufue bulelela. Eliya wakumukaku.

2 Bakalenga 19:2

Yeye wakatuma Eleyakima, wakadi ku mutu kua nsubu wandi, ne Shebena secrétaire ne bakulu ba munkatshi mua bakuidi baluate bilulu bikayabala, kudi Yeshaya muprofete, muana wa Amoza.

2 Bakalenga 19:20

Hashishe Yeshaya, muana wa Amoza, wakatumina Hezikiya dî ne, Yehowa, Nzambi wa Isalele, udi wamba ne, Bualu bua wewe wakundombela hua Saneheliba, mukelenge wa Ashû, meme nakukunvuila.

2 Bakalenga 20:2

Hashishe yeye wakakudimuna mpala wandi ku tshimanu tshia nsubu, wakatendelela Yehowa, wakamba ne,

Dielulula 31:14

Yehowa wakambila Mose ne, Tangila, dituku dia lufu luebe dikadi ha buihi: bikila Yoshua, ne bubidi buenu nudisangishe mu ntenta wa kusambakena, bua meme mmudimushe. Mose ne Yoshua bakaya, bakadisangisha mu ntenta wa kusambakena.

Dielulula 31:16

Yehowa wakambila Mose ne, Tangila, wewe neulale tulu ne bankambua bebe; ne bantu aba nebabike, nebalonde malu a masandi a nzambi ya bende ya mu buloba buyayabo, nebandekele, nebashihe tshihungidi tshituakahunga nʼabo.

Filipe 2:27

Ne bulelela, yeye wakadi usama, hehi ne lufu; kudi Nzambi wakamufua luse, kakamufuilalu yeye nkayandi kadi wakanfuilalu meme kabidi, bua meme tshikadi ne kanyinganyinga ha mutu ha kanyinganyinga.

Filipe 2:30

bualu bua yeye wakalua ha buihi ne lufu bualu bua mudimu wa Kilisto, yeye wakahana muoyo wandi ku lufu bua kunkumbashila bintu biakadi bishala ku dikuatshisha dienu kundi.