2 Bakalenga 17:23 - Mukanda wa Nzambi Dihungila Dikulukulu ne Dihungila Dihia-dihia 2003

²³ tô ne hakumusha Yehowa Bena Isalele ku mesu kuandi, bu muakabambileye kudi bantu bandi bonso baprofete. Nunku bakumusha Bena Isalele mu buloba buabo, bakaya nʼabo ku buloba bua Ashû tô ne ku dituku edi.

MUKANDA WA MYIDI MUKULU

²³ Pashishe, Maweja-Nangila kavua musue kabidi bena Izrayele kumpala kuende to. Kubipataye, kubatuma ku Ashure. Ke muaba utshidibu too ne mpindiewu. Bionsu ebi bivua bienzeka bua kukumbaja diyi dia Maweja-Nangila divua bambi, bantu bende, bamba.

2 Bakalenga 17:23 교차 참조

1 Bakalenga 13:2

Yeye wakela dî diakamuambila Yehowa ku tshioshelu atshi, wamba ne, Tshioshelu, tshioshelu, Yehowa udi wamba ne, Muana wa balume nealedibue mu nsubu wa Davidi, dina diandi Yoshiya: yeye neafile bakuidi badi bosha musenga wa manananshi ha mutu hebe bu mulambu wa kuosha; neboshe mifuba ya bantu ha mutu hebe.

1 Bakalenga 14:16

Yeye nealekele Bena Isalele bua malu mabi akenza Yalobama ne bua malu mabi akenzesheye Bena Isalele.

1 Bakalenga 9:7

nengumushe Bena Isalele mu buloba ebu bunakabaha; nengimashe nsubu eu unakajidila dina dianyi ku mesu kuanyi, ne Bena Isalele nebikale bu lusumuinu ne bu tshihendu munkatshi mua bantu bonso.

2 Bakalenga 13:23

Kadi Yehowa wakabalesha dinanga, wakabafila luse, wakabalesha kalolo, bualu bua tshihungidi tshiakahungeye ne Abalahama ne Isaka ne Yakoba, yeye wakabenga bua kubabutula, kakabihata ku mesu kuandi.

2 Bakalenga 17:13

Kadi Yehowa wakadimusha Bena Isalele ne Bena Yuda mukana mua muprofete yonso ne mua mumonyi yonso ne, Kudimunai mitshima yenu ku malu mabi enu; nutumikile mikenji yanyi ne mikandu yanyi bu mudi mikenji makelela bankambua benu mukana mua bantu banyi baprofete.

2 Bakalenga 17:18

Nunku Yehowa wakadi ne Bena Isalele tshiji tshikole, wakabumusha ku mesu kuandi; anu tshisamba tshia Yuda nkayatshi tshiakashala.

2 Bakalenga 17:20

Yehowa wakabenga bonso ba mu tshisamba tshia Bena Isalele, wakabakengesha, wakabafila mu bianza bia bahaudi, tô ne hakabumusheye ku mesu kuandi.

2 Bakalenga 17:22

Bena Isalele bakenda mu malu mabi onso a Yalobama akenzeye, kabakasesukaku nansha;

2 Bakalenga 17:6

Mu tshidimu tshia tshitema tshia bukelenge bua Hoshea, mukelenge wa Ashû wakahaula Samalea, wakaya ne Bena Isalele ku Ashû, wakabashikika mu Halaha ne kukala kua musulu wa Habo wa mu Gozana ne mu misoko ya Bena Madai.

2 Bakalenga 21:14

Nengumushe difuka dia buhianyi buanyi didi dishale, nendifile mu bianza bia bantu badi nʼadi lukuna; bobo nebalue bambudibue ne bahaudibue kudi bena lukuna bonso;

2 Bakalenga 23:27

Yehowa wakamba ne, Nengumushe Bena Yuda kabidi ku mesu kuanyi bu munakumusha Bena Isalele, nenyenge musoko eu wa Yelushalema mene unakusungula, ne nsubu unakuamba ne, Nenjadikemu dina dianyi.

2 Bakalenga 24:3

Bualu ebu buakalua kudi Bena Yuda bu mukenji wa Yehowa bua kubumusha ku mesu kuandi bua malu mabi onso a Manashe akenzeye;

2 Bakalenga 25:21

Mukelenge wa Babulona wakabashiha mu Libela mu buloba bua Hamata. Nunku bakumusha Bena Yuda mu buloba buabo, bakaya nʼabo mu buhika.

2 Bakalenga 3:3

Kadi wakalamata malu mabi a Yalobama, muana wa Nebata, akenzesheye Bena Isalele, yeye kakâlekela nansha.

Nehemya 9:32

Nunku Nzambi wetu munene, Nzambi mukole ne wa dishina, utu walama bihungidi ne luse lujalame, dikenga edi dikole diakatukuata ne bakelenge betu ne bantu betu banene ne bakuidi betu ne baprofete betu ne batatu betu ne bantu bebe bonso kadikadi dikese ku mesu kuebe, ku tshikondo tshia bakelenge ba Ashû tô ne ku dituku edi.

Misambu 51:13

Hashishe, nenyishe badi bahambuke nshila yebe, ne bantu babi nebahingane kûdi.

Yeshaya 7:8

Bualu bua Damaseke udi mutu wa Sulia, ne Lesine udi mutu wa Damaseke; ne haleba bidimu makumi asambombo ne bitanu, Efelayima neahandike bihesa, bua kikadi tshisamba tshia bantu kabidi.

Yirmeya 52:3

Tshiji tshia Yehowa tshiakatema bikole kudi Bena Yelushalema ne Bena Yuda tô ne hakahiteye ku mesu kuandi. Sedekiya wakatombokela mukelenge wa Babulona.

Yirmeya 7:15

Nennuihate ku mesu kuanyi bu munakihata bana benu bonso, bana bonso ba Efelayima mene.

Osheya 12:3

Hakadiye mu difu dia mamuʼandi, wakakuata muanʼabo ku tshikankanya; ne hakakoleye, wakaluangana ne Nzambi.

Amosa 5:27

Nunku meme nennutume mu buhika mu buloba budi buhita Damaseke kule. Yehowa, Nzambi mene wa misumba, udi wamba dî edi.

Mika 1:5

Bua kutomboka kua Bena Yakoba malu â onso adi alua, ne bua mibi ya tshisamba tshia Bena Isalele. Kutomboka kua Bena Yakoba ntshinyi? KanSamalea, anyi? Bubi bua Bena Yuda budi tshinyi? KanYelushalema, anyi?

Mika 1:6

Bua malu â nenvuishe Samalea bu mushiki wa mabue mu budimi, bu madimi a kukuna tumuma tua nvinyo. Nembungulushe mabue andi mu tshibanda, nemmueneshe bishimikidi biandi hatoke tô.

Mika 2:5

Nunku mu disangisha dia Yehowa kanuena nuikala ne muntu wanutahuluila buloba bua buhianyi buenu nansha.

Dielulula 32:20

Yehowa wakamba ne, Nenkudimune mesu anyi kudibo, neutangile muikala nshikidilu wabo, bualu bua badi bena tshikondo tshia tshitshu, bu bana badi kabayi mua kueyemenyibua.

Yoshua 23:13

numanye bienu ne, Yehowa, Nzambi wenu, nealekele kunuihatshila bisamba ebi ku mpala kuenu; nebikale bu buteyi ne dijimba kunudi, ne bu nfimbu ha nyima henu, ne bu meba mu mesu enu tô ne hanubutulabo mu buloba ebu buimpe buakanuha Yehowa, Nzambi wenu.

Balombodi 18:30

Bena Dana hakadimanyisha luhingu lusonga Yonatana, muana wa Gêshoma, muana wa Mose, yeye ne bana bandi balume, bakadi bakuidi ba mu tshisamba tshia Bena Dana tô ne hakayabo mu buluka.