2 Bakalenga 14:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Hashishe Amasaya wakatumina Yehoasha, muana wa Yehoaza, muana wa Yehu, mukelenge wa Isalele, ba-messager bamba ne, Lua biebe, tutangilangane mpala ha mpala

MUKANDA WA MYIDI MUKULU

⁸ Pashishe, Amashiya kutuma bantu kudi mukalenga wa bena Izrayele Yowashe, muana wa Yowakaze, ne muikulu wa Yehu. Bantu abu, kuya kuambila Yowashe ne: “Luaku tuluangane nebe.”

2 Bakalenga 14:8 교차 참조

1 Bakalenga 20:18

Yeye wakamba ne, Biasuabo ditalala, nubakuate ne muoyo; biasuabo nvita, nubakuate ne muoyo kabidi.

2 Bakalenga 13:12

Bienzedi bia Yoasha bikuabo ne malu onso akenzeye ne bukole buakaluanganeye nʼabu ne Amasaya, mukelenge wa Yuda, kabiena bifunda mu mukanda wa kulondolola kua malu a bakelenge ba Isalele, anyi?

2 Bakalenga 14:11

Kadi Amasaya kakitabusha. Nunku Yehoasha, mukelenge wa Isalele, wakaya, wakamonangana ne Amasaya, mukelenge wa Yuda, ku mesu mu Bete-shemeshe wa ku luseke lua Yuda.

2 Kulondolola 25:14

Hakafuma Amasaya ku kushiha kua Bena Edome, yeye wakalua ne mpingu ya Bena Seî, wakayimanyika bu nzambi yandi, wakakukuila ku mpala kuai, wakayoshela musenga wa manananshi.

Nsumuinu 13:10

Kudisua kudi kuhatula anu matandu, kadi badi bitabusha mei a lungenyi badi ne meji.

Nsumuinu 17:14

Tshibangidilu tshia matandu tshidi bu kuhatuka kua mai; nunku diambedi matandu kâyi manze kuhatuka, lekela difuilangana.

Nsumuinu 18:6

Mishiku ya muhote idi ivuisha matandu; mukana muandi mudi mumubikidila mitutu.

Nsumuinu 20:18

Malu adi bantu bahangidisha adi ajadikibua ku kuhunga kua dî; hakuhabo lungenyi lua kuenza, luangana nvita.

Nsumuinu 25:8

Kuyi lukasa bua kufuilangana ne muntu mu tshilumbu, bua kabakukonki ne, Newenze tshinyi kunshikidilu, halua muena mutumba nʼebe kukufuisha bundu?

Balombodi 9:29

Ndi musue bantu aba bikale mu tshianza tshianyi, hashishe nengumushe Abimeleke. Yeye wakambila Abimeleke ne, Ukumbashe bena nvita bebe, uluhuke biebe.