2 Bakalenga 13:3 - Mukanda wa Nzambi Dihungila Dikulukulu ne Dihungila Dihia-dihia 2003

³ Tshiji tshia Yehowa tshiakadi kudi Bena Isalele, yeye wakabafila mu bianza bia Hazaele, mukelenge wa Sulia, ne mu bianza bia Bene-hadada, muana wa Hazaele, tô matuku abo onso.

MUKANDA WA MYIDI MUKULU

³ Nanku, Maweja-Nangila kufikila bena Izrayele munda. Kubafilaye mu bianza bia Azayele, mukalenga wa bena Siriya, ne mu bianza bia Benadade, muana wa Azayele, matuku onsu avua bantu abu mu bukalenga.

2 Bakalenga 13:3 교차 참조

1 Bakalenga 19:17

Hashishe muntu udi uhanduka ku muele wa nvita wa Hazaele, Yehu neamushihe; muntu udi uhanduka ku muele wa nvita wa Yehu, Elisha neamushihe.

2 Bakalenga 12:17

Mu tshikondo atshi Hazaele, mukelenge wa Sulia, wakaya kuluangana ne bena musoko wa Gata, wakaunyenga; Hazaele wakatangila mpala wandi bua kuyeye ku Yelushalema.

2 Bakalenga 13:22

Hazaele, mukelenge wa Sulia, wakakengesha Bena Isalele matuku onso a Yehoaza.

2 Bakalenga 17:20

Yehowa wakabenga bonso ba mu tshisamba tshia Bena Isalele, wakabakengesha, wakabafila mu bianza bia bahaudi, tô ne hakabumusheye ku mesu kuandi.

Yirmeya 49:27

Neatemeshe kadilu mu ngumbu ya Damaseke, nekoshe nsubu ya mukelenge Bene-hadada.

Lewitiki 26:17

Meme nengumushe mesu anyi kunudi, nenuhone ku mpala kua bantu badi nʼenu lukuna, bantu badi nʼenu lukuna nebanukokeshe, nenunyeme tshianana, bantu kabayi banze ku nuihata.

Amosa 4:10

Yehowa udi wamba ne, Nakatuma tshihuhu munkatshi muenu bu tshinakatumina ba mu Ejipitu; nakashiha bansongalume benu ku muele wa nvita; nakanyengesha tubalu tuenu mu nvita; nakanunkisha mûlu enu muhuya mubi wa tshitudilu tshienu; kadi kanuakahingana kundi.

Dielulula 28:25

Yehowa neanuihate ku mesu kua bena lukuna benu; nuenu nenuye kudibo mu nshila umue, kadi nenunyeme ku mesu kuabo mu nshila muanda mutekete; nebanuendakashe munkatshi mua bisamba bionso bia ha buloba.

Ebrewu 12:29

bualu bua Nzambi wetu udi kahia kadi kashidisha.

Balombodi 2:14

Tshiji tshia Yehowa tshiakadi kudi Bena Isalele, ne yeye wakabafila mu bianza bia bahandi, bakabahaula; yeye wakabahana kudi bena lukuna bakadi ha buihi nʼabo; kabakamanya mua kuimana ku mpala kua bena lukuna babo kabidi.

Balombodi 3:8

Nunku tshiji tshia Yehowa tshiakadi kudi Bena Isalele, yeye wakabahana mu bianza bia Kushana-lishatayima, mukelenge wa mu Mesopotamia; Bena Isalele bakakuatshila Kudihana-lishatayima mudimu bidimu muanda mukulu.