2 Bakalenga 13:17 - Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Yeye wakamuambila ne, Unzulula tshibi tshia ku esete; wakatshiunzulula. Hashishe Elisha wakamba ne, Ela; yeye wakela. Yeye wakamba ne, Eu mmukete wa dihita dia Yehowa, mukete wa dihitshibua dia Bena Sulia; bualu bua wewe neutahe Bena Sulia bikole mu Afeke, tô ne hawahabutula.

2 Bakalenga 13:17 교차 참조

2 Samuele 5:24

Haunvua tshiona tshihita ku mitu ya mitshi ya mûr, bûdi nʼabu mbua kudikankamika bualu bua Yehowa wakadianjila ku mpala kuebe bua kushiheye masalayi a Bena Peleshete.

1 Bakalenga 20:26

Hakahita tshidimu tshikuabo, Bene-hadada wakasangisha Bena Sulia, bakaya ku Afeke bua kuluanganabo ne Bena Isalele.

1 Bakalenga 20:29

Bakashikama mu bitudilu biabo matuku muanda mutekete; kadi mu dituku dia muanda mutekete bakabanga kuluangana; Bena Isalele bakashiha Bena Sulia bakadi benda hanshi binunu lukama mu dituku dimue.

2 Bakalenga 13:16

Yeye wakambila mukelenge wa Isalele ne, Teka tshianza tshiebe ha buta; yeye wakatshiteka. Elisha wakateka bianza biandi ha bianza bia mukelenge.

2 Bakalenga 13:18

Yeye wakamba kabidi ne, Wangata mikete; wakayangata. Wakambila mukelenge wa Isalele ne, Yasai mu buloba. Yeye wakasa misangu isatu, wakalekela.

Ekesode 4:17

Wangate mulangala eu mu tshianza tshiebe, ûdi wenza nʼau bimanyinu ebi.

Ekesode 4:2

Yehowa wakamuambila ne, Udi ne tshintu kai mu tshianza tshiebe? Yeye wakamba ne, Mulangala.

1 Korente 1:18

Bualu bua kuamba bua mutshi mutshiamakane kudi bualu buhote kudi bantu batshidi bajimina; kadi kudi bukole bua Nzambi kudi tuetu batshidi basungidibua.

Yoshua 12:18

mukelenge umue wa mu Afeke, mukelenge umue wa mu Lashalona,

1 Samuele 4:1

Dî dia Samuele diakafika kudi Bena Isalele bonso. Bena Isalele bakaya bua kuluangana mata ne Bena Peleshete, bakatula tshitudilu tshiabo hehi ne Ebene-ezê; Bena Peleshete bakatula tshitudilu tshiabo mu Afeka.