1 Yone 5:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ Nyeyʼeu wakalua ne mai ne mashi, Yesu Kilisto mene; kene mai nkayau, kadi ne mai ne mashi.

MUKANDA WA MYIDI MUKULU

⁶ Yezu Kristu mmufike kutudi; mmufike ne mayi muvuabu bamutue, kabidi ne mashi a ku lufu luende. Kena mufike amu ne mayi nkayawu, kadi ne mayi, kabidi ne mashi. Ke bualu budi Mueyelu wa Tshijila ujadika. Bualu Mueyelu udi bulelela.

1 Yone 5:6 교차 참조

Yezekiyele 36:25

Nennumiamine mai matoke tô, nenuikale bakane; nennulengeshe ku bukoya buenu buonso ne ku mpingu yenu yonso.

Lewitiki 17:11

Bualu bua mashi adi bu muoyo wa tshintu nakanuha mashi ha tshioshelu bualu bua kunubuikidila nʼau bubi buenu mashi adi anubuikidila bubi bualu bua muoyo wau.

Zekâya 9:11

Wewe kabidi, Umanye ne, Bualu bua mashi a tshihungidi tshianyi nʼebe, nempatule bantu bebe batshidi mu buhika mu tshina tshidi katshiyi ne mai.

Matayi 26:28

bualu bua elu ludi mashi anyi a dihungila, akamatshila bantu ba bungi bualu bua kubajimishila mibi yabo.

Matayi 3:16

Hakamubatizabo nunku, Yesu wakumuka mu mai; ne monai, diulu diakamubuikila, yeye wakatangila Nyuma wa Nzambi uhueka bu nyunyu wa nkutshi, umuikila;

Marke 14:24

Yeye wakabambila ne, Etshi tshidi mashi anyi a dihungila, akamatshila bantu ba bungi.

Luke 22:20

Hakashikishabo kudia, yeye wakamema luhanza muomumue kabidi, wakamba ne, Luhanza elu ludi dihungila dihia-dihia dia mu mashi anyi akunumatshishilabo hanshi.

Yowanane 14:17

Nyuma wa bulelela mene udi ba ha buloba kabai bamanye mua kuangata, bua bobo kabena bamumona, kabena bamumanye; nuenu nudi bamumanye bua yeye utu wikala nʼenu, neikale munda muenu.

Yowanane 14:6

Yesu wakamuambila ne, Meme udi bianyi nshila ne bulelela ne muoyo; kakuena muntu udi ulua kudi Tatu, kai muanze kulua kundi diambedi.

Yowanane 15:26

Kadi halua Musambi unanutumina, Nyuma wa bulelela mene mene, wafuma kudi Tatu, yeye neangambe;

Yowanane 16:13

Kadi halua Nyuma wa bulelela, yeye neanulombole mu malu malelela onso; bua yeye kena udiambila, kadi neambe anu malu ûnvueye, neanuambile malu alualua.

Yowanane 3:5

Yesu wakamuandamuna ne, Bulelela, bulelela, ndi nkuambila ne, Bikala muntu kai muledibue kudi mai ne kudi Nyuma, yeye kena mumanye mua kubuela mu bukelenge bua Nzambi.

Yowanane 4:10

Yesu wakamuandamuna ne, Bu wewe mumanye diha dia Nzambi ne wakukulomba ne, Umpe mai a kunua, wewe wakadi kumulomba ne yeye wakadi kukuha mai a muoyo.

Yowanane 4:14

kadi wanua mai anamuha kena wikala ne nyota kabidi tshiendelele; mai anamuha neikale munda muandi bu mushimi wa mai abanda mu muoyo wa tshiendelele.

Yowanane 6:55

Mubidi wanyi udi bidia bilelela, mashi anyi adi bia kunua bilelela.

Bienzedi 8:36

Hakadibo baya mu nshila, bakajika ku mai; muntu mutungula wakamba ne, Ahu ka mai â tshidi tshimpumbisha bua kubatijibua ntshinyi? [

Rome 3:25

Nzambi wakamuladika ku mesu kua bantu bua kuikaleye mulambu wa kubuikila nʼau malu mabi a bantu, ku ditabusha dia mu mashi andi, bualu bua kulesha buakane buandi mu dihita diandi dia malu mabi akenzabo diambedi, bua lutulu lua Nzambi.

Efeze 1:7

Tudi ne kuhikudibua kuetu kudiye bua mashi andi, ne kubuikidibua kua malu mabi etu bu mudi bubanshi bua ngasa wandi,

Kolose 1:4

Tuakulua lumu lua ditabusha dienu dia mu Kilisto Yesu ne bua dinanga dinudi nʼadi kudi basanto bonso,

1 Timote 3:16

Ne kakuena mpata ya bunene bua bualu busokoka bua buimpe bua Nzambi: Nyeye wakamueneshibua mu mubidi wa muntu, Wakabingishibua mu nyuma, Wakamuenebua kudi banjelo, Wakambibua munkatshi mua bisamba bia bende, Wakitabushibua ha buloba, Wakangatshibua mulu ne butumbi.

Tite 3:5

kembua midimu ya mu buakane ituakenza nkayetu, kadi bu mudi luse luandi wakatusungila, bualu bua diuvua dia kuedibua kua tshiakabidi ne bua mitshima mihia-mihia yakatuhabo kudi Nyuma Muimpe,

Ebrewu 10:29

nudi nuela meshi ne muntu neabadibue muakanyine dikenga ditambe misangu bungi munyi, nyeye wakudiata Muana wa Nzambi munshi mua makasa andi, ne wakubala mashi a tshihungidi akadiye ujidibua nʼau bu tshintu tshia tshianana ne wakuhenda Nyuma wa ngasa?

Ebrewu 12:24

ne kudi Yesu, mutuanganyi wa tshihungidi tshihia-tshihia, ne ku mashi adibo bamiamina adi atamba mashi a Ebele kuakula bimpe.

Ebrewu 13:20

Nzambi wa ditalala wakabisha mulami munene wa mikoko munkatshi mua bafue kabidi ku mashi a dihungila dia tshiendelele, Mukelenge wetu Yesu mene,

Ebrewu 9:14

mashi a Kilisto, wakadifila kudi Nzambi kai ne ditoba, bua Nyuma wa Tshiendelele, neatambe misangu bungi munyi kulengesha muoyomukese webe ku midimu mifue bua kukuatshila Nzambi udi ne muoyo mudimu?

Ebrewu 9:7

kadi muakuidi munene udi ubuela mu muaba muibidi, yeye nkayandi, musangu umue ku tshidimu ku tshidimu; kena ubuela kai ne mashi adiye ufila bua bualu buandi ne bua matuhakana a bantu.

1 Petro 1:2

badi basungudibue bu mudi budianjidi kumanya bua Nzambi Tatu mu kujidibua kua Nyuma Muimpe, bua kuikalabo ne ditumikila ne kumiamina kua mashi a Yesu Kilisto; ngasa kunudi ne ditalala bivulangane.

1 Petro 3:21

mai â kabidi adi tshifuanyikishi tshia adi atusungila katataka, nkubatiza mene, kembua diuvua dia manyanu a mubidi, kadi bua dikeba dia muoyo-mukese muimpe kudi Nzambi, bua dibika dia Yesu Kilisto ku lufu;

1 Yone 1:7

kadi bituenda mu munya, bu mudiye mu munya, tudi tuikalangana ne buobumue, ne mashi a Yesu, Muanʼandi, adi atulengesha ku mibi yonso.

1 Yone 4:10

Mu muanda eu mudi dinanga, kembua tuetu tuakunanga Nzambi, kadi bua yeye wakatunanga, wakatuma Muana wandi bu mulambu wa kubuikila nʼau mibi yetu.

Didimanyisha 1:5

ne kudi Yesu Kilisto, mumanyishi wa kueyemena, muledibue diambedi wa ku bafue, ne mukokeshi wa bakelenge ba ha buloba. Kudi yeye udi utunanga, ne wakatuvua ku mibi yetu mu mashi andi mene;

Didimanyisha 5:9

Badi bimba musambu muhia-muhia, bamba ne, Wewe udi ne buakane bua kuangata mukunda ne bua kulamuna bimanyishilu biau. Bualu bua wewe wakashihibua ne wakasumbila Nzambi ba mu tshisamba tshionso, ne ba mu muaku wonso, ne ba munkatshi mua bantu bonso, ne ba munkatshi mua ditunga dionso, ku mashi ebe.

Didimanyisha 7:14

Nakamuambila ne, Mukelenge wanyi, wewe udi mumanye. Wakangambila kabidi ne, Aba mbantu badi bumuka mu dikenga dinene, ne bakuvua mayeka abo, ne bakâtokesha mu mashi a Muana wa Mukoko.