1 Yone 4:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Bananga, kanuitabushi nyuma yonso, kadi nutete nyuma ne, Idi ya Nzambi, anyi; bualu bua baprofete ba bungi ba mashimi bakamuangalaka ha buloba.

MUKANDA WA MYIDI MUKULU

¹ Balunda banyi, kanulondi bonsu badi badiamba ne: tudi ne Mueyelu. Kadi nubatete bua kujadika ne: Mueyelu udibu nawu ngwa Mvidi Mukulu anyi? Bualu bambi ba dishima bavule badi batampakane mu bantu.

1 Yone 4:1 교차 참조

1 Bakalenga 13:18

Yeye wakamuambila ne, Kadi meme ndi muprofete bu wewe: muanjelo wakangambila dî ma Yehowa ne, Uhingane nʼandi mu nsubu webe, adieku, anueku. Kadi yeye wakamushima.

Nsumuinu 14:15

Mutshimbakane udi witabusha dî dionso, kadi muena budimu udi utangila kudiye uya.

Yirmeya 14:14

Ka Yehowa wakungambila ne, Baprofete badi bamba mei a mashimi mu dina dianyi. Tshiakubatuma, tshiakubaha mukenji, tshiakubambila dî dianyi. Badi banuambila tshikena kumona tshia mashimi, mei a mbuku, malu a hatuhu ne mei a kudinga a mu mitshima yabo.

Yirmeya 23:16

Nunku Yehowa wa misumba udi wamba ne, Kanunvu mei a baprofete badi banuambila mei. Badi banuyisha malu a hatuhu; batu banuambila bua tshikena kumona tshiakafuma anu mu mitshima yabo, katshiakafuma mukana mua Yehowa.

Yirmeya 5:31

Baprofete badi bamba mei mu mena a nzambi ya tshianana, bakuidi badi balombodibua ku bianza bia baprofete; bantu banyi badi bananga malu au ne, Ikale nunku; kadi nenuenze tshinyi kunshikidilu kuau?

Marke 13:21

Bianuambila muntu ne, Kilisto udi aha, anyi, Udi kuakua, kanumuitabushi;

Luke 12:57

Munyi kanuena nudisunguile bualu budi buakane?

Luke 21:8

Yeye wakamba ne, Nuende badimuke, muntu kanuhambuishi; ba bungi nebalue mu dina dianyi, bamba ne, Meme nyeye mene; bamba kabidi ne, Dituku diakulua; kanubalondi.

Bienzedi 17:11

Kadi bantu aba bakatamba ba mu Tesalonike buimpe, bua bakitabusha dî ne mitshima mimane kulongolola; bakadi badikebela mu Mukanda wa Nzambi ku dituku ku dituku ne, Malu â adi malelela, anyi?

Bienzedi 20:29

Ndi mumanye ne, Hanumuka bianyi, nkashama idi ne luonji neilue munkatshi muenu, neyone tshisumbu tshia mikoko;

1 Korente 12:10

mukuabo udi uhebua mua kuenza malu a kukema; mukuabo udi uhebua mua kuambila bantu bualu bua Nzambi; mukuabo udi uhebua mua kujingulula nyuma; mukuabo udi uhebua mua kuakula miaku ya bungi; ne mukuabo udi uhebua mua kujinguluila bantu miaku;

1 Korente 14:29

Baprofete babidi anyi basatu bakule, ne bakuabo bajingulule mei abo.

1 Tesalonike 5:20

Kanuhetudi mayisha a baprofete.

1 Tesalonike 5:21

Nujingulule malu onso; nulamate malu adi mimpe;

2 Tesalonike 2:2

bua nuenu kanuzakashibu lubilu mu meshi enu, ne kanutshinyishibu, nasha bua nyuma nasha bua dî nasha bua mukanda udibo badingila ne ngua kutudi ne, Dituku dia Mukelenge dikadi aha.

1 Timote 4:1

Kadi Nyuma udi wamba batoke ne, Halua bikondo bia kunshikidilu ha buihi, bantu bakuabo nebalekele ditabusha diabo, balamata ku nyuma idi ihambuisha ne ku mayisha a bademon;

2 Timote 3:13

Kadi bantu babi ne badingi ba bakuabo nebadiundadiunde mu malu mabi abo matuku onso, badingangana, badingila.

2 Petro 2:1

Kadi baprofete ba mashimi bakabika munkatshi mua bantu kabidi, bu mudi bayishi ba mashimi balua kubika munkatshi muenu, nebalue mu musokoko ne malu manutahulule ku dibutuke, bavila Mukelenge wakabahikula, badivuishila dibutuka dia lukasa.

1 Yone 2:18

Bana banyi, didi diba dia kunshikidilu; ne mbu munuakunvua ne, Mufuilakanyi ne Kilisto ukadi ha kulua, ne katataka bafuilakanyi ne Kilisto bakumana kulua ba bungi; bua malu â tudi bamanye ne, Didi diba dia kunshikidilu.

1 Yone 2:7

Bananga, tshiena nufundila mukenshi muhia-muhia, kadi mukenshi mukulukulu unuakadi nʼau ku tshibangidilu, mukenshi eu mukulukulu udi dî dinuakunvua.

2 Yone 1:7

Bualu bua bena mashimi ba bungi bakamuangalaka ha buloba, kabai bajukula ne, Yesu Kilisto udi mulue mu mubidi. Eu udi muena mashimi ne mufuilakanyi ne Kilisto.

3 Yone 1:11

Munanga, kuidikishi bualu budi bubi, kadi idikisha bualu budi buimpe. Muntu utu wenza bimpe udi wa Nzambi; muntu utu wenza bibi, kena muanze kumona Nzambi.

Didimanyisha 2:2

Ndi mumanye bienzedi biebe, ne mudimu webe mukole, ne ditantamana diebe, ne kuena mua kuitabusha bantu babi, ne wakateta badi badiamba ne, Tudi bapostolo, kadi kabena bapostolo, ne wakabasangana bena mashimi.