1 Yone 2:14 - Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Batatu, nakunufundila mukanda, bualu bua nudi bamanye Yesu udi wa ku tshibangidilu. Bansongalume, nakanufundila mukanda, bualu bua nudi bakole, ne bualu bua dî dia Nzambi didi dikale munda muenu, ne bualu bua nuakuhita mubi bukole.

MUKANDA WA MYIDI MUKULU

¹⁴ Bana, ndi nnufundila, bualu nudi bamanye Tatu. Batatu, ndi nnufundila, bualu nudi bamanye Udiku biangatshile ku ntuadijilu. Bansonga, ndi nnufundila, bualu nudi ne bukole. Muaku wa Mvidi Mukulu udi munda muenu, kabidi nudi batshimune Muena bubi.

1 Yone 2:14 교차 참조

Misambu 119:11

Nakulama dî diebe mu mutshima wanyi, bua meme tshikuenzedi bibi.

Yowanane 15:7

Binuikala munda muanyi, bikala mei anyi munda muenu, nulombe tshionso tshinuasua, nebanuenzeletshi.

Yowanane 5:38

Kanuena ne dî diandi dishala munda muenu, bualu bua kanuena nuitabusha wakatumeye.

Yowanane 8:31

Yesu wakambila Bena Yuda bakuitabusha dî diandi ne, Binuashala mu di dianyi, nudi bayidi banyi bulelela;

Yowanane 8:37

Ndi mumanye ne, Nudi bana ba Abalahama; kadi nudi nukeba mua kunshiha, bua di dianyi kadiena ne muaba munda muenu.

Efeze 6:10

Ku ndekelu, nudikoleshe mu Mukelenge ne mu bukole buandi bunene.

Filipe 4:13

Ndi mumanye mua kuenza malu onso mu Mukelenge udi unkolesha.

Kolose 1:11

ne bua nuenu mikoleshibue ne bukole buonso, bu mudi bukole bua butumbi buandi, tô ne ku dinanukila dionso ne ku lutulu lusangisha ne disanka.

Kolose 3:16

Dî dia Kilisto dikale munda muenu ne bubanshi buadi; mu meshi onso nuyishangane ne nudimushangane ne misambu ya bena kuitabusha ba kale ne ya bena Kilisto ne ya Nyuma; nuimbile Nzambi misambu ne ngasa mu mitshima yenu.

2 Timote 2:1

Nunku wewe muanʼanyi, ukoleshibue mu ngasa wa mu Kilisto Yesu.

Ebrewu 8:10

Bualu bua etshi ntshihungidi tshindualua kuhunga ne nsubu wa Isalele, Ku nyima kua matuku â, Mukelenge udi wamba, Nenteke mikenshi yanyi mu meshi abo, Nenyifunde kabidi ha mitshima yabo; Nengikale Nzambi wabo, Ne bobo nebikale bantu banyi.

1 Yone 1:1

Malu akadiku ku tshibangidilu, atuakunvua, atuakutangila ne mesu etu, atuakamona, abale nga bianza bietu, bua Di dia muoyo

1 Yone 1:10

Bituamba ne, Katuakuenza bibi, tudi tumuvuisha ne, Muena mashimi, ne dî diandi kadiena munda muetu.

1 Yone 2:13

Batatu, udi nufundila mukanda, bualu bua nudi bamanye Yesu udi wa ku tshibangidilu. Bansongalume, ndi nufundila makanda, bualu bua nuakuhita mubi bukole. Bana banyi, nakunufundila makanda, bualu bua nudi bamanye Tatu.

2 Yone 1:2

bua bualu bua bushua budi buikale munda muetu, nebuikale nʼetu tshiendelele.

3 Yone 1:3

Bualu bua nakasanka bikole hakalua bana betu banmanyisha bua bushua buebe, ne bu mûdi wenda mu bushua.

Didimanyisha 2:3

Ne udi ne ditantamana, ne wakatuala majitu bua dina dianyi, ne kuakuhungila.

Didimanyisha 2:7

Udi ne matshu unvue budi Nyuma wambila ekelesia. Kudi udi uhita bukole, kudi yeye mene, nemuhe bua kudieye mutshi wa muoyo udi mu Paladiso wa Nzambi.