1 Timote 6:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ Kadi bobo badi basue kuikala babanshi badi bahona mu kutetshibua kua munda ne mu buteyi ne mu nkuka ya bungi Idi mihote ne idi ibanyanga, bu yoyo mene idi inyisha bantu mu dibashihesha ne mu dibutuka.

MUKANDA WA MYIDI MUKULU

⁹ Kadi bantu badi basue kunema amu kunema, nebabuele mu matetshibua. Nkuka yabu mibi mivule neyibakuatshishe mu buteyi, neyibabutule, neyibajimije kashidi.

1 Timote 6:9 교차 참조

1 Bakalenga 21:6

Yeye wakamuambila ne, Bualu bua nakuambila Nabota, Muene Yizelele, ne, Umpe budimi buebe bua tumuma tukese ku mushinga, anyi biwasua, meme nenkuhe wewe budimi bukuabo. Yeye wakungambila ne, Tshiena nkuha budimi buanyi bua tumuma tukese.

Misambu 11:6

Yeye nealokeshile bantu babi makala a kahia; kahia ne soufre ne luhehele ludi luosha nebikale tshituha tshia luhanza luabo tshidibo baheta.

Nsumuinu 15:27

Muntu udi ne lukuka lua luhetu udi ukengesha ba mu nsubu muandi, kadi udi ukina mbueshilu neikale ne muoyo.

Nsumuinu 20:21

Buhianyi budi muntu uheta lubilu ku tshibangidilu kabuena buvudishibua disanka kunshikidilu kuabu.

Nsumuinu 21:6

Kuheta tshibutshilu ku ludimi lua mashimi kudi bu dibungi didi luhehele lumuangalasha, kudi buteyi bua lufu kabidi.

Nsumuinu 22:16

Udi ukengesha muhele hua kuvudisha luhetu luandi, anyi muntu udi uhesha mubanji bintu, neabuele anu mu buhele.

Nsumuinu 23:4

Kudihangishi ne mudimu mukole bua kudivuisha mubanji, lekela kulonda meji au.

Yeshaya 5:8

Mulau wikale kudi badi balamakasha nsubu ne nsubu, ne badi basangakasha budimi ku budimi, tô ne hikalaku kakuyi muaba, ne badi banushikamisha ha nkayenu munkatshi mua buloba!

Zekâya 11:5

Basumbi badi bayishiha, ne kakuena udi ubahisha; bahanyi badi bamba ne, Yehowa atumbishibue bualu bua tuakulua babanji! Balami bai kabena bayifuila luse.

Dibadika 31:8

Bakashiha bakelenge ba mu Midiyana kabidi: Evi ne Lekeme ne Sû ne Hû ne Leba bakelenge batanu ba Midiyana bakashiha Belama, muana mulume wa Beô, ne muele wa nvita kabidi.

Matayi 13:22

Yeye wakadi mumiamina mu mionshi ya meba udi unvua dî dia Nzambi, kadi meshi a malu a ha buloba ne mashimi a biuma bidi binyengela dî, yeye udi wikala kai ne maminu.

Matayi 19:22

Kadi hakunvua nsongalume dî edi, wakaya biandi mubungame, bualu bua yeye wakadi ne bintu bia bungi.

Matayi 26:15

wakamba ne, Nenumpe tshinyi, nmufile mu bianza bienu? Bakidikisha bujitu bua bituha bia mpalata makumi asatu, bakamuhabi.

Matayi 6:19

Kanubutshidi bintu bienu hanshi ha buloba hadi bishi ne dimoma bibibihisha, ne hadi bibi babumbula nsubu, babiba;

Marke 4:19

kadi meshi a malu a ha buloba ne mashimi a biuma ne lukuka lua malu makuabo bidi bibuela munda, bidi binyengela dî, kadiena dimanye mua kuvuidisha maminu makuabo.

Luke 12:21

Muntu udi udibutshila bintu biandi, kai mubanshi ku mesu kua Nzambi, udi nunku.

Luke 21:35

Bualu bua dituka adi nedilue kudi bonso badi bashikame ha buloba buonso.

Bienzedi 8:20

Kadi Petelo wakamuambila ne, Argent yebe ifue nʼebe, bualu bua wewe wakulangana meshi ne, Nengangate diha dia Nzambi ku bintu.

Efeze 4:22

numushe bienu muntu au wa kale, bu muakadi tshikadilu tshienu tshia diambedi, udi unyangukanyanguka bua nkuka idi imudinga.

Dielulula 7:25

Nuoshe mpingu yabo yakasongabo ne kahia: kanukumi mitshima yenu kudi argent anyi or idi ha mutu hai, kanuyidiangatshidi, kanudionyi mu buteyi ebu; bualu ebu budi butonda mutshima wa Yehowa, Nzambi wenu.

1 Timote 1:9

Tudi bamanye ne, Mikenshi kayena mielela muntu muakane, kadi idi mielela badi kabai baitabusha ne bena buhidia ne badi kabai banemekela Nzambi ne badi babi ne badi kabai ba tshijila ne bahendi ha Nzambi ne bashihi ba batatu ne bamamu ne bashihianganyi

1 Timote 3:7

Bualu bukuabo, budiye nʼabu mbua kuikala ne lumu luimpe kudi badi kabai munkatshi mua bena ditabusha; bua kahonyi biandi mu malu adi avuisha bihendu ne mu buteyi bua diabolo.

1 Timote 6:10

Bualu bua lukuka lua biuma ludi muji wa malu mabi a mishindu yonso; bidi bantu bakuabo badikebela ne bakasesuishibua mu nshila wa ditabusha, bakadisunsula mubidi wonso ne tunyinganyinga tua bungi.

1 Timote 6:17

Udimushe bantu badi babanshi mu tshikondo tshia mpindiu, bua bobo kabadisu, kabateki ditekemena diabo kudi bubanshi budi mua kujimina tshituha tshihi; kadi batekemena Nzambi, udi utuha bintu bionso bivula bua tuetu kusanka nʼabi.

2 Timote 2:26

ne bobo nebahingane ku meshi mahole, bamane kudiluhula mu mateyi a diabolo, bakadi bakuatshibua kudiye bua kuenza bu mu disua diandi.

Tite 2:12

utuyisha ne, Hatuahidia malu adi kâi a Nzambi ne nkuka ya ha buloba, tuikale ne meshi mahuekele ne makane ne a Nzambi hatutshidi ha buloba ebu,

Yoshua 7:11

Bena Isalele bakenza bibi; bakashiha tshihungidi tshinakahunga nʼabo, bakadiangatshila tshintu tshia tshijila, bakatshiba kabidi, bakasokoka bubi buabo; bakatshiteka munkatshi mua bintu biabo mene.

2 Petro 2:3

Bualu bua lukuka lua biuma bobo nebendulule nʼenu mushinga ne mei a mashimi; dihila diabo diakabahishabo nʼadi kale kadiena dishanguluka, ne dibutuke diabo kadiena dilala tulu.

Yuda 1:11

Mulau wikale kudibo; bualu bua bakaya mu nshila wa Kana, bakadiela lukasa mu dihambuka dia Belama bua difutu, bakajimina mu ditomboka dia Kola.