1 Timote 6:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ yeye udi mûshibue ne diambu, kai mumanye muanda, kadi udi usama muoyo bua kukonkangana ne bua kuelangana mpata, kudi kufuma mutshiaudi ne matandu ne bihendu ne blesheshi bibi,

MUKANDA WA MYIDI MUKULU

⁴ muntu awu mmuena ditambisha. Kena mumanye tshintu to. Udi ujinga kuelangana mpata ya bupale, ne kutandangana amu bua miaku. Ke kudi kufuma lubabu, matandu, bipendu, dielela muntu meji mabi,

1 Timote 6:4 교차 참조

Nsumuinu 13:7

Munga muntu udi udivuisha bu mubanji, kadi kena ne tshintu; munga udi udivuisha bu muhele, kadi udi ne biuma bia bungi.

Nsumuinu 25:14

Bu mudi matutu ne luhehele kabiyi ne nvula mbu mudi muntu udi uditumbisha bua maha adiye nfila, kadi udi udinga.

Nsumuinu 26:12

Udi umona muntu udi wela meji ne, Ndi muena meji, anyi? Ditekemena didibo nʼadi bua muhote didi dihita didibo nʼadi bua muntu au bunene.

Yeshaya 58:4

Monai, nudi nujila bia kudia bua kuikala ne diyoyo ne difuilangana, bua kutuangana ne bisusu bia bantu babi. Kujila kua bia kudia bu kuenu dituku edi kakuena mua kunvuisha dî dienu mu diulu.

Bienzedi 15:2

Hakadi Paulo ne Bânaba nʼabo mpata ne dikonka musangu mule, bana babo ba mu Kilisto bakasungula Paulo ne Bânaba ne bakuabo babo bua kuyabo ku Yelushalema kudi bapostolo ne bakulu bua dikonka edi.

Bienzedi 18:15

kadi bikala malu â makonka a mei ne a mena ne a mikenshi yenu nkayenu, nuenu mene nuditangidileu; tshiena musue kuikala mulumbuludi wa malu â.

Bienzedi 8:9

Mu musoko muakadi muntu, dina diandi Simona, diambedi wakadi mutempeshanganyi wa mbuku, wakukemesha Bena Samalea, udiamba ne, Ndi muntu mimene.

Rome 12:16

Nuikalangane ne meshi amue, muntu ne muntu; kanuteki meshi enu ku malu mahite, kadi nudihuekeshe ku malu adi mahuekela. Kanuditekemenyi bu munudi bena meshi.

Rome 13:13

Tuendakana! bietu bilengele, bu mutudi tuenda mu munya; katuendi mu manaya a tshianana ne mu bukuatshiki bua malulu, mu malu a bundu ne a bienzenza bia masandi, mu kutandangana ne mukau.

Rome 14:1

Nuitabushe muntu udi mutekete mu ditabusha diandi bu muanʼenu, kadi kembua kuelangana nʼandi mpata.

Rome 2:8

Kadi badi ne matandu, badi kabai batumikila malu a bushua, badi batumikila malu mabi, yeye neabafute tshishi ne difika dia munda.

1 Korente 11:16

Kadi biasua muntu kutandangana bua buala ebu, katuena ne tshilele tshia nunku, ne ekelesia ya Nzambi kayena nʼatshi kabidi.

1 Korente 11:18

Bualu bua kumudilu, hanuadisangisha mu ekelesia, ndi ngunvua ne matahuluka adi munkatshi muenu; ndi ngitabusha lumu elu tshituha.

1 Korente 3:18

Muntu kadidingi. Biela muntu meshi ne, Meme ndi muena meshi munkatshi muenu wa mu tshikondo etshi, alue biandi muhote bua kuikaleye muena meshi.

1 Korente 3:3

bualu bua nutshidi nulonda malu a mubidi. Bualu bua hatshidi mukau ne kutandangana munkatshi muenu, kanuena nulonda malu a mubidi, anyi? Kanuena nuenda bu mudi tshilele tshia bantu, anyi?

2 Korente 11:20

Bualu bua nudi nulesha muntu lutulu, bianuvuisheye bahika, biadieye bintu bienu, bianukuateye lukole, biadibandisheye, bianukumeye ku mesu.

Ngalate 5:15

Kadi binuasumangana, binuadiangana, nudimuke ne kanubutudianganyi.

Ngalate 5:26

Tulekele kuditumbishatumbisha hatuhu ne kufikishangana munda ne kuvuishangana mukau.

Ngalate 6:3

Bikala muntu udiela meshi ne, Ndi muntu mimene, hatshidiye muntu wa tshianana, yeye udi udidinga.

Filipe 1:15

Bulelela, bakuabo badi bamba Kilisto bualu bua mukau ne kutandangana; ne bakuabo kabidi badi bamuamba bualu bua disanka dimpe;

Filipe 2:14

Nuenze malu onso kanui ne ditontolola ne dielangana dia mpata;

Filipe 2:3

Kanuenji muanda bua ditahuluka anyi bua kuditumbisha kua hatuhu; kadi mu mitshima mihuekela muntu ne muntu abale mukuabo bu muntu udi umutamba yeye buimpe.

Kolose 2:18

Muntu kanunyengi bukenshi buenu bualu bua kudihuekesha kuandi kudiye udisunguila, ne kukukuila kuandi kua banjelo, ne dilamata diandi dia mu bikena kumona, mûshibue hatuhu ku meshi andi a mubidi,

2 Tesalonike 2:4

Yeye ngudi udimanyika ne udi udibandisha ku mpala kua bionso bidi bidikibua ne, Nzambi, anyi bionso bidi bantu batendelela; nunku yeye udi ushikama mu ntempelo wa Nzambi udilesha kudi bantu ne, Meme ndi Nzambi.

1 Timote 1:4

ne kanulamatshi ku nsumuinu ya tshianana, anyi ku mena a hankambua malongolola adi kâl ne ndekelu; malu â adi avuisha dikonkangana, kêna avuisha kudiunda kua mudimu wa Nzambi kudi ditabusha: udi nkusengelela muomumue katataka.

1 Timote 1:7

badi basue kuikala bayishi ba mikenshi ya Nzambi, kadi kabena bajingulula tshidibo bamba anyi tshidibo bakeba kujadika ne, Ntshilelela.

1 Timote 3:6

Kikadi biandi muntu muhia-muhia mu bualu bua Nzambi; anyi hadisueye, neahone mu dilumbuluishibua dia diabolo.

2 Timote 2:14

Uvuluishe bantu malu â, ubambila bikole ku mesu kua Mukelenge bua bobo kabatandanganyi bualu bua mei adi kâi ne mudimu ne adi ahambuisha bantu badi baunvua.

2 Timote 2:23

Kadi uhidie dikonkangana dia malu mahote ne a badi kabai bayishibua, Umanye ne adi alela matandu.

2 Timote 3:4

nebikale batungidianganyi, bena lukuluku, bûshibui ne diamba, banangi ba masanka, kabai banangi ba Nzambi;

Tite 3:9

kadi ehuka ku kuebeshangana kua malu mahote, ne ku mena a bankambua malongolola, ne ku kutandangana, ne ku kufuilangana bua mikenshi; malu â kena mamanye mua kuvuishila muntu mushinga muimpe, adi hatuhu.

Yakobe 1:19

Bana betu bananga, mimanye bienu bualu ebu. Muntu yonso unvue biandi lubilu, atukishe kai muanze kuakula, kakuatshi tshishi lubilu;

2 Petro 2:12

Kadi bayishi aba, bu badi kabai ne meshi, baledibua bu nyama mene, bua kuikuatabo ne bua kuishihabo, badi bahendi mu malu adibo kabai bamanye, mu dijimisha diabo nebajimishibue bulelela,

2 Petro 2:18

Bualu bua hadibo bakula mei manene a diambu, ku bienzedi biabo bia masandi, badi balobesha bakuabo mu nkuka ya mubidi, mbobo badi bamba kuhanduka kudi badi balonda dihambuka;

Yuda 1:10

Kadi bantu aba badi bahenda malu onso adibo kabai bamanye; ne malu adibo bajingulula mu buntu buabo, bu mudi nyama idi kayi ne meshi yajingulula, badi badiona mu malu â.

Yuda 1:16

Bantu aba badi batontolodi, bajianyi, benda bu mudi nkuka yabo (mishiku yabo idi yakula mei manene a diambu), badi banyisha bantu bua kuangata difutu.

Didimanyisha 3:17

Bualu bua udi wamba ne, Ndi mubanshi; ne, Nakuheta biuma; ne, Tshiena nkengela tshintu; ne kuena mumanye ne udi muena dikenga ne mukengedi wa luse, ne muhele ne mufofo ne butaka.