1 Timote 5:18 - Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Bua Mukanda wa Nzambi udi wamba ne, Kusuiki nkata ku mishiku ya ngombe udi udiata ntete bua kuishihula; ne, Muena mudimu udi muakanyine bua kuangateye difutu diandi.

MUKANDA WA MYIDI MUKULU

¹⁸ Mukanda wa tshijila udi ujadika ne: “Ngombe udi udiata ntete ya kuenza bukula bua kuyishipula, kabena mua kumuela nkata ku mbanga to.” Udi wamba kabidi ne: “Muena mudimu badi ne bua kumufuta.”

1 Timote 5:18 교차 참조

Lewitiki 19:13

Kanukengeshi mukuenu, kanuibi bintu biandi, kanushadi ne difutu dia muena mudimu butuku tô ne dinda.

Matayi 10:10

Kanuangatshi tshibombo tshia kuya nʼatshi mu nshila, kanuangatshi bikowelu bibidi ne bisabata bikuabo ne tshihangu, bualu bua muena mudimu udi ne buakane bua kuheta bidia biandi.

Luke 10:7

Nushale mu nsubu amu mene, nudie nunue bidibo banuha; bualu bua muena mudimu udi muakanyine bua kuangateye difutu diandi. Kanutambakanyi ku nsubu ne ku nsubu.

Rome 10:11

Mukanda wa Nzambi udi wamba ne, Wamuitabusha kena ufuishibua bundu.

Rome 11:2

Nzambi kakumusha bantu bandi bakadianjileye kumanya. Anyi kanuena bamanye dî didi Mukanda wa Nzambi wamba bualu bua Eliya, anyi? Mbu mudiye usengelela Nzambi bua kukengesheye Isalele ne,

Rome 4:3

Mukunda wa Nzambi udi wamba tshinyi? Ne, Abalahama wakitabusha Nzambi, ne ditabusha diandi diakabadibua bu buakane.

Rome 9:17

Mukanda wa Nzambi udi Wambila Palô ne, Bua bualu ebu nakakubishila, bua kulesha bukole buanyi munda muebe, ne bua dina dianyi ditedibue ha buloba buonso.

1 Korente 9:14

Nunku Mukelenge wakela mukenshi ne, Badi bambila bakuabo lumu luimpe bikale ne muoyo ku lumu luimpe.

Ngalate 3:8

Bualu bua Mukanda wa Nzambi wakadianjila kumona ne, Nzambi neabingishe bantu ba bisamba bia bende ku ditabusha, wakadianjila kuambila Abalahama lumu luimpe ne, Bisamba bionso nebivudishibue disanka bua bualu buebe.

Dielulula 25:4

Kanusuiki nkata ku mishiku ya ngombe udi udiata mponda.

Yakobe 4:5

Nudi nuela meshi ne, Mukanda wa Nzambi udi wamba hatuhu ne, Nyuma wakatutekeleye munda muetu udi ujinga tô ne ku mukau, anyi?