1 Timote 3:2 - Mukanda wa Nzambi Dihungila Dikulukulu ne Dihungila Dihia-dihia 2003

² Nunku budi mukulu-mutangidi nʼabu mbua kuikala kai ne bilumbu; ikale biandi muena mukashi umue; ikale biandi muena meshi mahola ne buhuekele; amanye mua kulongolola malu andi bimpe; ikale musankididi wa benyi; ikale muakane wa kuyisha bakuabo.

MUKANDA WA MYIDI MUKULU

² Kadi mulombodi wa Tshisumbu tshia bena ditaba kikadi ne bualu budibu mua kumudiwula nabu. Ikale muena mukaji umue. Ikale muntu udi udilama, muena meji, muntu udi mumanye mua kusomba ne bantu, kuakidila benyi, kulongesha bimpe.

1 Timote 3:2 교차 참조

Yeshaya 56:10

Batentekedi bandi badi bafofo, buonso buabo kabena ne meji, buonso buabo badi bu mbua idi ihuwa, idi kayiyi mua kubuluka; idi ilotakana, idi ilala hanshi, idi misue kulala tulu.

Luke 1:6

Bubidi buabo bakadi bakane ku mesu kua Nzambi, bakadi balonda mikenshi yonso ya Mukelenge ne mei andi, kabakadi ne bualu.

Luke 2:36

Muprofete mukashi, dina diandi Ana wakadiku, yeye wakadi muana wa Fanuele wa tshisamba tshia Ashê, wakadi mununu be, bayandi wakamubaka hakatshidiye kamama, wakashala nʼandi bidimu muanda mutekete,

Rome 12:13

Nukuatshishe basanto ne bintu bidibo bakengela; nusankidile benyi misangu yonso.

Filipe 2:15

bua nuenu nulue bantu badi kabai ne bualu ne badi ne mitshima mitoke, bu bana ba Nzambi badi kabai ne tshilema munkatshi mua bena tshikondo tshikonyangala ne tshia tshishiku; banudi numueneka munkatshi muabo du minda ya ha buloba,

1 Timote 3:12

Balami ba bintu bikale bena mukashi umue, bakokeshe bana babo ne ba mu nsubu yabo bimpe,

1 Timote 3:8

Muomumue balami ba bintu bikale ne kanemu; kabikadi ne mei abidi; kabadidi ku maluvu a bungi; kabakumi mitshima yabo ku biuma bidi bifume ku nshila mibi;

1 Timote 4:3

Bobo badi bakanda bantu dibaka, badi babelela mukenshi ne, Jilai bia kudia bikuabo, biakafuka Nzambi bua bantu badi ne ditabusha ne badi bamanye bualu bulelela badie ne kusakidila.

1 Timote 5:10

udi ne lumu luimpe lua bienzedi biandi bimpe, bikaleye mudiundishe bana bandi, bikaleye musangele benyi, bikaleye mume makasa a basanto, bikaleye mukuatshishe bena makenga, bikaleye munanukile kulonda midimu mimpe yonso.

1 Timote 5:22

Kutentekeshi bianza lubilu ha mutu ha muntu; kuikadi ne buobumue ne bantu bakuabo mu malu mabi abo; ulame butoke bua mutshima webe.

1 Timote 5:9

Kabafuidi mukashi wa mu lufuila mu mulongo wa ba mu lufuila bikaleye kai muanze kufika ku bidimu makumi asambombo, yeye mumane kuikala mukashi wa anu muntu umue;

2 Timote 2:24

Muhika wa Mukelenge kena ne bua kutandangana, kadi ikale biandi ne kalolo kudi bantu bonso, ikale muakane mua kuyisha bantu, ikale ne lutulu;

Tite 2:2

ne balume bakulumpe bikale ne meshi mahole; bikale ne kanemu; bikale ne meshi mahuekele; bikale balenge mu ditabusha ne mu dinanga ne mu ditantamana.

Ebrewu 13:2

Kanuhu muoyo bua kulesha benyi luse, bua bualu ebu bakuabo bakasangila banjelo, kabai babamanye.

Ebrewu 3:14

Bua tuetu tuakulua babanyanganyi ne Kilisto, bitualamata ku tshibangidilu tshia dieyemena dietu tô ne kunshikidilu;

1 Petro 4:7

Kadi kunshikidilu kua malu onso kudi ha buihi; nunku nuikale ne meshi majalama, ne nuikale bahole mu mitendelelu;

1 Petro 4:9

nusankidilangane ne benyi kanui ne kutontolola;

1 Petro 5:8

Nuikale bahote, nutabale; umena lukuna wenu, diabolo mene, udi wendakana bu nyama wa ntambue udi ukungula, ukeba bantu ba kudieye;