1 Timote 3:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Dî edi didi mua kueyemenyibua ne, Biasua muntu kuangata mudimu wa mukulu-mutangidi, yeye udi usua mudimu muimpe.

MUKANDA WA MYIDI MUKULU

¹ Bindi ndongesha ebi bidi bilelela: padi muntu ujinga kupeta mudimu wa bulombodi mu Tshisumbu tshia bena ditaba, udi musue mudimu muimpe mutambe.

1 Timote 3:1 교차 참조

Nsumuinu 11:30

Mamuma adi muntu muakane akuama adi mutshi wa muoyo, udi ubandisha mioyo ya bakuabo udi ne meji.

Luke 15:10

Ndi nuambila ne, Nunku kabidi disanka didi ku mesu kua banjelo ba Nzambi bualu bua muntu umue mubi wakukudimuna mutshima wandi.

Bienzedi 1:20

Bakafunda mu Mukanda wa Misambu ne, Nsubu wandi ashale hatuhu, Muntu kikadimu; ne, Mukuabo angate butangidi buandi.

Bienzedi 20:28

Nuditangile bienu bimpe, ne tshisumbu tshionso tshiakanutekelabo batangidi kudi Nyuma Muimpe, nudishe ekelesia wa Mukelenge wakasumbeye ku mashi andi.

Rome 11:13

Ndi nuambila dî, nuenu ba bisamba bia bende. Bualu bua meme ndi mupostolo kudi bisamba bia bende, ndi ntumbisha mudimu wanyi;

Efeze 4:12

bua kulengeshabo basanto tshishiki bua bobo benze mudimu wa kukuatshisha bakuabo, bua kudiundishabo ekelesia udi mubidi wa Kilisto;

Filipe 1:1

Paulo ne Timote, bahika ba Kilisto Yesu, kudi basanto bonso ba mu Kilisto Yesu badi ku Filipoi, ne bakulu batangidi ne bulami;

1 Tesalonike 5:14

Bana betu, tudi tunusengelela ne, Nudimushe batshimbakanyi, nukoleshe badi ne mitshima yamba kuhanga, nukuatshishe badi batekete, nuikale ne lutulu kudi bantu bonso.

1 Timote 1:15

Dî edi didi mua kueyemenyibua ndidi bonso bamanye mua kuitabusha ne, Kilisto Yesu wakaluila ha buloba bua kusungileye bantu babi, bandi ku mpala kuabo ku bubi.

1 Timote 4:9

Di edi didi mua kueyemenyibua ndidi bonso bamanye mua kuitabusha.

2 Timote 2:11

Dî edi didi mua kueyemenyibua ne, Bituikala bamane kufua nʼandi, netuikale ne muoyo hohamue ngandi.

Tite 1:7

Bualu bua budi mukulu-mutangidi nʼabu mbua kuikala kai mua kubandibua, bu mudi mulami muteka kudi Nzambi; kikadi biandi muena tshitshu; kukuatshi tshishi lubilu; kikadi muena diyoyo bua malulu; kikadi mukumianganyi ne bakuabo; kikadi ne lukuka lua biuma.

Tite 3:8

Dî edi didi mua kueyemenyibua; ne bua malu â ndi musue wewe kuâmba, mumanye ne, Nga bushua, hua bantu bakumana kuitabusha Nzambi bananukile mu midimu mimpe. Malu â adi mimpe ne adi avuishila bantu mushinga muimpe;

Ebrewu 12:15

Nutangile bimpe bua muntu kikadiku udi uhanga ngasa wa Nzambi, ne bua muji wa bululu mutoloka kaunutatshishi, ne bua bualu buau bantu ba bungi neboneke;

1 Petro 2:25

Bualu bua nuakadi nuhambuka bu mikoko, kadi katataka nuakuhingana kudi Mulami ne Mutangidi wa mioyo yenu.

1 Petro 4:15

Kadi umue wenu kakengeshibu bu mushihianganyi, anyi bu muibi, anyi bu muenji wa malu mabi, anyi bu mudibueshi wa mu malu a bantu bakuabo;

1 Petro 5:2

Nulame tshisumbu tshia mikoko ya Nzambi tshidi munkatshi muenu, nubalame, kanui benzeshibue ku bukole, kadi ne mitshima ya disanka bu mu disua dia Nzambi; kambualu bua kukeba biuma, kadi nuikale ne mutshima mulongolola bimpe;