1 Timote 2:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Nunku ku mpala kua malu onso, ndi nkusengelela bua milombu ne mitendelelu ne mitendekenu ne masakidila bikale bienzele bantu bonso.

MUKANDA WA MYIDI MUKULU

¹ Bualu bua kumpala bundi ndomba: bantu batendelele Mvidi Mukulu, bamulombe, bamusengelele, bamuele tuasakidila mu dina dia bantu bonsu.

1 Timote 2:1 교차 참조

Ezela 6:10

bua bobo bafile milambu idi mitue dihembu kudi Nzambi wa mu diulu, balombele muoyo wa mukelenge ne wa bana bandi ba balume Nzambi.

Misambu 72:19

Dina diandi dia butumbi divudishibue disanka tshiendelele; buloba bujima bûshibue tente ne butumbi buandi. Amen ne Amen.

Yirmeya 29:7

Nukebe kuvuishila musoko unakanutuma mu buhika ditalala, nûlombele diakalengele kudi Yehowa; bua bikalau ne ditalala, nuenu nenuikale ne ditalala.

Bienzedi 17:30

Diambedi Nzambi wakahitshishila bantu bikondo bia buhote buabo hatuhu, kadi katataka yeye udi wela mukenshi ne, Bantu bonso badi kuonso bakudimune mitshima yabo;

Rome 1:8

Bualu bua kumudilu, udi nsakidila Nzambi wanyi mu Yesu Kilisto bua buonso buenu, bualu bua ditabusha dienu didi dimanyishibue ba buloba buonso.

Rome 6:17

Tuasakidila kudi Nzambi, ne, Nuenu nuakadi bahika ba bubi, kadi nuakatumikila mu mitshima yenu mushindu wa diyisha diakanubueshabomu.

1 Korente 15:3

Bua nakafila kunudi ku mpala kua malu onso bualu bunakangata kabidi ne, Kilisto wakafuila bua malu mabi etu, bu mudi Mukanda wa Nzambi wamba;

2 Korente 8:6

Ne bua bualu ebu tuakasengelela Tito, bua yeye, bu muakabangeye mudimu eu diambedi, nunku akebe biandi kukumbasha ngasa eu munda muenu kabidi.

Efeze 3:13

Nunku ndi ndomba ne, Mitshima yenu kaiteketshi bua makenga andi nʼau bua bualu buenu, adi butumbi buenu.

Efeze 5:20

Misangu yonso nusakidile Nzambi Tatu bua bintu bionso mu dina dia Mukelenge wetu Yesu Kilisto.

Efeze 6:18

nutendelele Nzambi misangu yonso ne kulomba kuonso ne disengelela dionso mu Nyuma Mumpe; nuikale batabale mu dinanukila dionso ne disengelela bua basanto bonso,

Filipe 1:3

Ndi nsakidila Nzambi wanyi bua dinuvuluka dianyi dionso;

Filipe 4:6

Lekelai kudiatshisha ku bualu bumue; kadi mu malu onso ku ditendelela ne ku disengelela numanyishe Nzambi bua milombu yenu ne disakidila.

1 Tesalonike 3:12

ne Mukelenge anudiundishe ne anukumbashe mu dinanga dinudi nʼadi munkatshi muenu muntu ne muntu, ne kudi bantu bonso, bu mutudi nʼadi kabidi kunudi;

2 Tesalonike 1:3

Bana betu, butudi nʼabu mbua kusakidila Nzambi misangu yonso bua bualu buenu, bu mudibu buakane, bua ditabusha dienu didi ditamba kudiunda, ne dinanga dia buonso buenu muntu ne muntu dinudi nunangangana nʼadi didi divulangana;

1 Timote 2:4

udi musue bantu bonso basungidibue, bafike ku dimanya dia malu malelela.

1 Timote 5:5

Mukashi udi ne lufuila lua bushua ne udi ha nkayandi, udi utekemena Nzambi, ne udi unanukila mu kusengelela ne mu kulomba kuandi butuku ne munya

2 Timote 2:24

Muhika wa Mukelenge kena ne bua kutandangana, kadi ikale biandi ne kalolo kudi bantu bonso, ikale muakane mua kuyisha bantu, ikale ne lutulu;

Tite 2:11

Hualu bua ngasa wa Nzambi wakamueneka, mutuadile bantu bonso luhandu;

Tite 3:2

kabakudi mei mabi bua muntu; kabikadi ne kutandangana: bikale ne buhole, baleshe bantu bonso kalolo konso.

Ebrewu 6:11

Tudi basue muntu ne muntu wa munkatshi muenu aleshe disuminyina diodiumue bua kuheta tshiuwidi tshia ditekemena tô ne kunshikidilu;

Yakobe 5:16

Nunku nutondelangane mibi yenu, nulombelangane Nzambi, bua nuenu mikoleshibue. Disengelela dia muntu muakane didi ne bukole bua bungi mu kuenza kuadi.