1 Samuele 20:17 - Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Yonatana wakatshihisha Davidi tshiakabidi bualu bua dinanga diakadiye nʼadi kudiye; bualu bua yeye wakamunanga bu muakanangeye mutshima wandi mene.

MUKANDA WA MYIDI MUKULU

¹⁷ Yonatane kuambila kabidi Davide bua aditshipe bua kujadika mudiye munange Yonatane. Bualu Yonatane uvua munange Davide ne muoyi mujima.

1 Samuele 20:17 교차 참조

2 Samuele 1:26

Mutshima wanyi udi munyingalale bualu buebe, muanʼetu Yonatana, wewe wakatamba kunsankisha; dinanga diebe kundi meme diakankemesha, diakahita dinanga dia bakashi bulengele.

Nsumuinu 17:17

Mulunda utu wananga mu bikondo bionso, muanʼetu utu walesha bulela mu tshikondo tshia dikenga.

Nsumuinu 18:24

Muntu udi ne balunda ba bungi udi udibutuisba, kadi kudi mulunda udi uhita muanʼabo ne muntu kumulamata.

Yirmeya 40:9

Gedaliya, muana wa Ahikama, muana wa Shafana, wakaditshiha kudibo ne kudi bantu balume babo ne, Kanutshinyi kukuatshila Bena Kasada mudimu. Shikamai mu buloba, nukuatshile mukelenge wa Babulona mudimu, nenuikale ne diakalengele.

Dielulula 13:6

Bikala muanʼenu mulume, muana mulume wa mamu webe mene, anyi muanʼebe mulume anyi muanʼebe mukashi, anyi mukashi webe ûdi unanga, anyi mulunda webe wa ha mutshima webe, mukusesuishe mu musokoko ne, Tuye bietu, tuenzele nzambi mikuabo mudimu, inudi kanuyi bamanye, nansha wewe nansha batatu benu;

1 Samuele 18:1

Hakamana Davidi kuyikilangana ne Shaula, mutshima wa Yonatana wakakuatakana ne mutshima wa Davidi; Yonatana wakamunanga bu mutshima wandi mene.

1 Samuele 18:3

Hashishe Yonatana ne Davidi bakahungakasha tshihungidi, bualu bua yeye wakamunanga bu mutshima wandi mene.