1 Samuele 2:16 - Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Nunku bikaleye mumuambile ne, Nebadianjile kuosha dianyi, hashishe udi mumanye mua kuangata bungi hudi mutshima webe musue, muhika wakamuambila ne, Nansha, biwahidia kumpa katataka, meme nengunyenge ku bukole.

MUKANDA WA MYIDI MUKULU

¹⁶ Pikala muntu awu muandamune ne: “Banji kuosha mafuta. Pashishe newangate munyinyi uudi musue,” muntu uvua wambuluisha mutuangaji uvua wamba ne: “Tshiena musue to. Mpesha anu mpindiewu. Tshianana ndi ndiangatshila ku bukole.”

1 Samuele 2:16 교차 참조

Nehemya 5:15

Kadi ba-gouverneur bakadi ku mpala kuanyi bakangata difutu diabo kudi bantu; bakadiangatshila bidia ne nvinyo kudibo ha mutu ha nshekele ya argent makumi anai; bena mudimu babo mene bakakokesha bantu, kadi meme tshiakenza nunku bualu bua dishina dia Nzambi.

Lewitiki 3:16

Muakuidi neabioshe ha tshioshelu etshi ntshintu tshia kudia tshidibo bafila bu mulambu wa kuoshila Yehowa ha kahia, bu tshintu tshidi tshitua dihembu, dianyi dionso ndia Yehowa.

Mika 3:5

Yehowa udi wamba dî edi bualu bua baprofete badi babambuisha bantu bandi; badi bamba ne, Ditalala didiku hikalabo bukute; kadi hahanga muntu kubaha tshia kudia, badi balongolola bielelu bua kuya kuluangana nʼandi nvita.

Balombodi 18:25

Bena Dana bakamuambila ne, Dî diebe kadiunvuiki munkatshi muetu, anyi bantu badi ne tshiji nebakukuate, ne wewe neujimishe muoyo webe ne mioyo ya ba mu nsubu webe.

1 Samuele 2:15

Bulelela, diambedi kabayi banze kuosha dianyi, muhika wa muakuidi wakalua, wamhila muena mulambu ne, Umpe munyinyi wa kuanyikila muakuidi, bualu bua yeye kena musue munyinyi uwakalamba mu luesu, udi musue munyinyi mubishe.

1 Samuele 2:17

Bualuebu bua bansongalume buakatamba bubi ku mesu kua Yehowa, bualu bua bobo bakalengulula mulambu wa Yehowa.