1 Samuele 19:22 - Mukanda wa Nzambi Dihungila Dikulukulu ne Dihungila Dihia-dihia 2003

²² Hashishe yeye nkayandi wakaya ku Lama, wakafika ku dina dinene dia mai didi mu Seku, wakakonka bantu ne, Samuele ne Davidi badi banyi? Muntu mukuabo wakamuambila ne, Badi mu Nayota hehi ne Lama.

MUKANDA WA MYIDI MUKULU

²² Pashishe Shawule nkayende kudiyila ku Rama. Mumane kufika ku tshiina tshia mayi tshinene tshia Seku, kukonkaye ne: — Samuwele ne Davide badi penyi? Kumuandamunabu ne: — Badi ku Nayote pabuipi ne Rama.

1 Samuele 19:22 교차 참조

1 Samuele 19:18

Davidi wakanyema, wakahanduka, wakaya kudi Samuele mu Lama, wakamuambila malu onso akamuenzela Shaula. Yeye ne Samuele bakaya, bakashikama mu Nayota.

1 Samuele 19:21

Hakambilabo Shaula bualu ebu, yeye wakatuma ba-messager bakuabo, bobo bakamba dî dia Nzambi kabidi. Wakatuma ba-messager tshiakasatu, ne bobo bakamba dî dia Nzambi kabidi.

1 Samuele 19:23

Yeye wakaya ku Nayota hehi ne Lama; ne Nyuma wa Nzambi wakamutulukila kabidi, yeye wakenda wamba dî dia Nzambi tô ne hakafikeye ku Nayota hehi ne Lama.