1 Samuele 15:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ Shaula wakambila Bena Kena ne, Yai bienu, umukai munkatshi mua Bena Amaleka, bua tuetu katunushihi nʼabo; bualu bua nuenu nuakafuila Bena Isalele luse hakaluhukabo mu Ejipitu. Nunku Bena Kena bakumuka munkatshi mua Bena Amaleka.

MUKANDA WA MYIDI MUKULU

⁶ Ke Shawule kuambila bena Kayine ne: “Umukayi munkatshi mua bena Amaleke, nuye mutantshi mule. Tshiena musue kunukengesha, bu mundi mbakengesha bobu to. Bualu nuenu nuvua bafuile bena Izrayele luse, pavuabu bapatuke mu Ejipitu.” Nanku bena Kayine kumuka muaba uvua bena Amaleke.

1 Samuele 15:6 교차 참조

Genese 15:19

buloba bua Bena Kene ne bua Bena Keneze ne bua Bena Kadamona

Genese 18:25

Bualu ebu kabuikadi kudi bua wewe kuenza nunku bua kushiha bantu bakane ne bantu babi hohamue, biwenza nunku bantu bakane nebikale muomumue ne bantu babi, bualu ebu kabuikadi kûdi, Mulumbuluishi wa buloba buonso katu wenza bimpe, anyi?

1 Kulondolola 2:55

Au mmeku a bafundi akashikama mu Yabesa: Bena Tila ne Bena Shimeata ne Bena Sukata. Aba mBena Kene bakafuma kudi Hamata, tatu wa ba mu nsubu wa Lekaba.

Ekesode 18:19

Unvua dî dianyi, nenkuhe lungenyi, ne Nzambi neikale nʼebe, wewe wikale muakuidi wa bantu kudi Nzambi, Ulue biebe ne malu onso kudi Nzambi.

Nsumuinu 9:6

Lekelai kutshimbakana, nuikale ne muoyo, nuende mu nshila wa dijingulula dia mianda.

Dibadika 16:34

Bena Isalele bonso bakadi ha buihi habo bakanyema hakunvuabo muadi wabo, bobo bakamba ne, Buloba kabutuminyi.

Bienzedi 2:40

Yeye wakabambila mei makuabo a bungi, wakabadimusha ne, Disungilai kudi ba mu tshikondo etshi tshia tshitshu.

2 Korente 6:17

Nunku umukai munkatshi muabo, nuikale batahuluke, bu mudi Mukelenge wamba; Kanulengi tshintu tshibiha, ne meme nenuitabushe,

2 Timote 1:16

Mukelenge afue ba mu nsubu wa Onesifolo luse, bualu bua yeye wakasangasha muoyo wanyi misangu ya bungi, ne kakafua bundu bua lukanu luanyi;

Didimanyisha 18:14

Ne mamuma akasamina muoyo webe akasemena kule, ne bintu bionso biakadi bilengele ne bia buneme biakujimina kûdi, ne kabena babisangana kabidi tô tshiendelelele.

Balombodi 1:16

Bana ba Muena Kena, tatuʼandi-muenu wa Mose, bakumuka ku musoko wakadi ne mabue a ngashi, bakaya ne Bena Yuda ku tshihela tshia Yuda, tshidi ku luseke lua ku sude wa Alada; bakaya, bakashikama ne bantu aba.

Balombodi 4:11

Hebe, Muena Kena, wakatabuluka kudi Bena Kena bakuabo, bana ba Hobaba, tatuʼandi-muenu wa Mose, wakashimika ntenta yandi hehi ne mitshi ya telebinta ya mu Sânanima, udi hehi ne Kedeshe.

Balombodi 5:24

Yaele, mukashi wa Hebê, Muena Kena, asankishibue ku mutu kua bakashi bonso; yeye neikale ne disanka ku mutu kua bakashi badi bashikame mu ntenta.

1 Samuele 15:5

Shaula wakalua ku musoko wa Bena Amaleka, wakabalamina mu tshibanda.

1 Samuele 27:10

Akisha wakamba ne, Wakuhaula bena nganyi lelu eu? Davidi wakamukudimuna ne, Tuakuya ku luseke lua ku Sude lua Yuda ne lua Bena Yelamele ne lua Bena Keni.

1 Samuele 30:29

ne bakadi mu Lakala ne bakadi mu misoko ya Bena Yelamela ne bakadi mu misoko ya Bena Kene,