1 Samuele 12:10 - Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Bobo bakadila kudi Yehowa, bakamba ne, Tuakenza bibi, bualu bua tuetu tuakalekela Yehowa, tuakakuatshila Babâla ne Bashatelota mudimu; kadi katataka utusungile mu bianza bia badi nʼetu lukuna, ne tuetu netukukuatshile mudimu.

MUKANDA WA MYIDI MUKULU

¹⁰ Bankambua benu kubikila kabidi Maweja-Nangila, bua kubambuluisha, bamuambila ne: “Maweja-Nangila, tudi benze bibi, bualu tuvua bakubenga, bua kutendelela mvidie Baale ne Astarte. Kadi mpindiewu, utusungidileku kudi baluishi betu, netukuenzele mudimu.”

1 Samuele 12:10 교차 참조

Misambu 106:44

Kadi yeye wakamona dikenga diabo hakunvueye muadi wabo.

Yeshaya 26:16

Yehowa, hakadibo mu makenga, bakakukeba; bakatuma milombu kûdi bakadi makengesha ebe hamʼbidi habo.

Yeshaya 33:22

Bualu bua Yehowa udi mulumbuluishi wetu, Yehowa udi mutueledi wa mikenji, Yehowa udi Mukelenge wetu; yeye neatusungile.

Yoshua 13:31

ne tshituha tshia Gilada ne Ashetalota ne Edelei; misoko ya mu bukelenge bua Oga mu Bashana yakadi ya Maki, muana wa Manashe, ya tshituha tshia bana ba Maki ku meku abo.

Balombodi 10:10

Bena Isalele bakadila kudi Yehowa, bamba ne, Tuetu tuakakuenzela bibi, bualu bua tuetu tuakalekela Nzambi wetu, tuakakuatshila Babâla mudimu.

Balombodi 2:11

Bena Isalele bakenza malu akadi mabi ku mesu kua Yehowa, bakakuatshila Bala mudimu;

Balombodi 2:13

Bakalekela Yehowa, bakakuatshila Bala ne Ashatelota mudimu.

Balombodi 3:15

Kadi bakadila Bena Isalele kudi Yehowa, Yehowa wakababishila musungidi, Ehuda, muana wa Gela, Muena Benyamina, muena luboko; Bena Isalele bakafila milambu mu bianza biandi bua kuyeye nʼai kudi Egelona, mukelenge wa Moaba.

Balombodi 3:7

Bena Isalele bakenza malu mabi ku mesu kua Yehowa, bakahua Yehowa, Nzambi wabo, muoyo, bakakuatshila Bâla ne Ashelota mudimu.

Balombodi 3:9

Kakadila Bena Isalele kudi Yehowa, Yehowa wakabisha Bena Isalele musunyi di, nguakabasungila, Oteniele mene, muana wa Kenaza, muakunyi wa Kaleba.

Balombodi 4:3

Bena Isalele bakadila kudi Yehowa, bualu bua yeye wakadi ne makalu a biamu nkama tshitema, yeye wakatamba kukengesha Bena Isalele bidimu makumi abidi.

Balombodi 6:7

Kakadila Bena Isalele kudi Yehowa bualu bua Bena Midiyana,

1 Samuele 7:2

Mushete wa Yehowa wakashala mu Kîyata-yalima tô musangu mule bu bidimu makumi abidi; Bena Isalele bonso bakadila muadi kudi Yehowa.

1 Samuele 7:6

Bakadisangisha ku Misepa, bakasuna mai, bakâhongolola ku mesu kua Yehowa, bakajila bia kudia dituku adi, bakamba ne, Tuakuenzela Yehowa bibi. Samuele wakalumbulula Bena Isalele mu Misepa.