1 Samuele 10:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ Nyuma wa Yehowa neakutulukile bikole, wewe newambe nʼabo dî dia Nzambi, wewe neukudimuke bu mu ntu mukuabo.

MUKANDA WA MYIDI MUKULU

⁶ Pashishe Mueyelu wa Maweja-Nangila neukutulukile. Nentuadije kuja maja, kuela mbila bu bambi abu. Newikale mushintuluke.

1 Samuele 10:6 교차 참조

Dibadika 11:17

Meme nempueke, nensombe nʼebe, nengangate Nyuma udi kûdi, nembaheye, nenukuatshishangane bua kutuala bujitu bua bantu aba, wewe kuena ubutuala nkayebe.

Dibadika 11:25

Yehowa wakahueka mu dî ditu, wakasomba nʼandi, wakangata tshituha tshia Nyuma wakadiye nʼandi, wakamuteka kudi bakulu makumi muanda mutekete, hashishe hakalua. Nyuma kudibo, bakamba dî dia Nzambi, kadi kabakenza kabidi musangu mukuabo.

Dibadika 11:26

Kadi balume babidi bakashala mu tshitudilu, dina dia umue ne Eladada ne dina dia mukuabo ne Medada. Nyuma wakashala kudibo, bakadi ne mena abo mafunda, ka dî kabakaya ku Ntenta, bakamba di dia Nzambi mu tshitudilu.

Dibadika 11:29

Mose wakamuambila ne, Wewe udi ne mukau ku bualu buanyi, anyi? Nakadi kusua bua bantu ba Yehowa bonso bikale baprofete, ne Yehowa ateke Nyuma wandi kudibo.

Matayi 7:22

Dituku adi bantu ba bungi nebangambile ne, Mukelenge, Mukelenge, katuena bambile bantu bualu buebe mu dina diebe, anyi? Katuena bumushe bademon mu dina diebe, anyi? Katuena benze malu a kukema a bungi mu dina diebe, anyi?

Balombodi 14:6

Nyuma wa Yehowa wakamutulukila bikole, ne yeye wakamuhanda, bu muakadiye mua kubanda kana ka mbushi; yeye kakadi ne tshintu mu tshianza tshiandi; yeye kakambila tatu wandi anyi mamu wandi bualu buakenzeye.

Balombodi 15:14

Hakaluabo nʼandi ku Lehi, Bena Peleshete bakela tshibingu hakasangakenabo nʼandi; Nyuma wa Yehowa wakamutulukila bikole, ne mionshi yakadi ku maboko andi yakavingutuka bu nuosha mu kahia, ne nkanu yandi yakakohoka ku bianza biandi.

Balombodi 3:10

Nyuma wa Yehowa wakamutulukila, yeye wakalumbuluila Bena Isalele; yeye wakaya kuluangana nvita, ne Yehowa wakafila Kushana-lishatayima, mukelenge wa mu Mesopotamia, mu tshianza tshiandi; tshianza tshiandi tshiakahita Kushana-lishatayima bukole.

1 Samuele 10:10

Hakafikabo ku mukuna, monai, tshisumbu tshia baprofete tshikasangila nʼandi: Nyuma wa Nzambi wakatulukila Shaula bikole, ne yeye wakamba dî dia Nzambi munkatshi muabo.

1 Samuele 10:9

Bulelela, hakeleye nyima bua kumuka kudi Samuele, Nzambi wakamuha mutshima mukuabo; ne bimanyinu abi bionso biakalua dituku adi.

1 Samuele 11:6

Hakunvua Shaula mei â, Nyuma wa Nzambi wakamutulukila bikole, ne tshiji tshiandi tshiakatema bikole.

1 Samuele 16:13

Hashishe Samuele wakangata lusengu lua manyi, wakamuela manyi ha mutu handi munkatshi mua bana babo; Nyuma wa Yehowa wakatulukila Davidi bikole ku dituku adi. Nunku Samuele wakajuka, wakahingana ku Lama.

1 Samuele 19:20

Shaula wakatuma ba-messager bua kukuatabo Davidi; kadi hakatangilabo tshisumbu tshia baprofete bamba dî dia Nzambi ne Samuele muimane ku mutu kuabo, Nyuma wa Nzambi wakatulukila ba-messager ba Shaula, bobo bakamba dî dia Nzambi kabidi.