1 Korente 7:12 - Mukanda wa Nzambi Dihungila Dikulukulu ne Dihungila Dihia-dihia 2003

¹² Kadi kudi bakuabo ndi mbambila nkayanyi, ke Mukelenge udi wamba, ne, Bikala muanʼenu wa ma Kilisto ne mukashi udi kai mmena ditabusha, ne mukashi eu udi usanka bua kuikala nʼandi, mulume kamulekedi nasha.

MUKANDA WA MYIDI MUKULU

¹² Bindi ngamba mpindiewu kabiena bifuma kudi Mfumu to. Meme nkayanyi ndi mbiamba ne: pikala mulume muena ditaba ne mukaji udi kayi muena ditaba, mukajende awu muanyishe bua kushala nende mu dibaka, kena ne bua kumuipata nansha.

1 Korente 7:12 교차 참조

1 Korente 7:11

(kadi biumukeye kudiye, ashale biandi mujike, anyi alengeshe ne mulume wandi) ne mulume kalekedi mukashi wandi.

1 Korente 7:13

Ne mukashi udi ne mulume udi kai muena ditabusha, ne mulume eu udi usanka bua kuikala nʼandi, mukashi kalekedi mulume wandi nasha.

1 Korente 7:25

Tshiena ne mukenshi wa kudi Mukelenge bualu bua bakashi batshidi tumama; kadi meme nkayanyi nakahangidisha bualu ebu bu muntu wakamana kuangata luse kudi Mukelenge bua kuikala muntu unudi mua kutekemena.

1 Korente 7:27

Wewe udi muhumbakasha kudi mukashi, anyi? Kukebi mua kusululuka kudiye. Wewe udi musulula kudi mukashi, anyi? Kukebi mukashi.

1 Korente 7:6

Ndi nuambila bualu ebu bu mundi mua kuitabusha, kembu mukenshi.

2 Korente 11:17

Dî dindi ngamba, tshiena ndiamba bu dia Mukelenge mudingambile, kadi bu mu tshiakulakula, muditekemene mu kuditumbisha kuanyi,