1 Korente 4:10 - Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Tuetu tudi bahote bualu bua Kilisto, kadi nuenu nudi bena lungenyi mu Kilisto; tuetu tudi batekete, kadi nuenu nudi bakole, nuenu nudi ne butumbi, kadi tuetu tudi bahetudibua.

MUKANDA WA MYIDI MUKULU

¹⁰ Tudi bantu bapale bualu bua Kristu, kadi nuenu nudi ne meji badisange ne Kristu. Tuetu katuena ne bukole, kadi nuenu nudi nabu. Badi batupenda, kadi nuenu badi banunemeka!

1 Korente 4:10 교차 참조

2 Bakalenga 9:11

Hashishe Yehu wakahingana kudi bantu ba mukelenge wandi; umue wabo wakamuebesha ne, Malu kai? Muntu au muhote wakakufila bua tshinyi? Yeye wakabambila ne, Nuenu nudi bamanye muntu au ne mei akadiye wamba.

Nsumuinu 11:12

Udi ulengulula muena mutumba nʼandi kena ne meji, kadi udi ujingulula mianda udi uhuwa biandi.

Yeshaya 53:3

Bakamulengulula, bakamulekela kudi bantu; wakadi muena kanyinganyinga, wakamanya makenga; wakadi bu muntu udi bantu basokoka mpala yabo kudiye, wakadi muhetudibue, ne katuakumuanyisha nansha.

Osheya 9:7

Matuku a kubakengesha akufika, matuku a kubafuta akulua; Bena Isalele nebamanye muanda eu ne, Muprofete udi muhote, muntu udi ne nyuma udi muhale, bualu bua bubi buenu buvule, ne bualu bua lukuna luenu ludi lukole.

Matayi 24:9

Nebanufile mu dikenga, nebanushihe; bisamba bionso nebikale nʼenu lukuna bua dina dianyi.

Matayi 5:11

Hanuhendabo ne hanukengeshabo ne hanushiminyinabo mashimi onso, bua bualu buanyi, nenuikale ne disanka.

Luke 10:16

Wanunvuila udi ungunvuila meme, wanuhidia udi umpidia meme; wampidia meme udi uhidia wakuntuma.

Luke 18:9

Bantu bakuabo bakadi badieyemena ne, Tudi bakane, bakadi bahetula bantu bakuabo, Yesu wakabelela lusumuinu ne,

Luke 6:22

Hikala bantu nʼenu lukuna, hanumushabo munkatshi muabo, hanuhendabo, hahetulabo dina dienu ne, Ndibi, bua bualu bua Muana wa muntu, nenuikale ne disanka.

Bienzedi 17:18

Bakuabo ba munkatshi mua bena meshi ba Epikuleo ne ba Stoiko ba alua kuelangana nʼandi mpata. Bakuabo bakakonka ne, Muena tshiakulakula au neambe tshinyi? Bakuabo kabidi bakamba ne, Yeye udi bu muambi wa malu a nzambi ya bende, bualu bua yeye wakadi wamba bua Yesu ne bua dibika dia ku lufu.

Bienzedi 17:32

Hakinvuabo bua dibika dia bafue, bakuabo bakaseka; kadi banga bakamba ne, Netunvue dî diebe kabidi bua bualu ebu.

Bienzedi 26:24

Hakadiye udividila nunku, Festo wakela dî diandi bikole ne, Paulo wewe udi muhale, lungenyi luebe lua bungi ludi lukuhadisha.

Bienzedi 9:16

bualu bua neamuleshe bungi bua malu adiye ne bua kukengela bua dina dianyi.

1 Korente 1:21

Bualu bua mu meshi a Nzambi hakahanga ba ha buloba kumanya Nzambi mu meshi abo, Nzambi wakasanka bua kusungila badi bamuitabusha ku buhote bua kuamba kua dî diandi.

1 Korente 1:23

kadi tuetu tudi tuamba Kilisto wakashihabo ku mutshi mutshiamakane, ntshilenduishi kudi Bena Yuda ne mbuhote kudi bisamba bia bende;

1 Korente 1:25

Bualu bua buhote bua Nzambi budi buhita meshi a bantu, ne butekete bua Nzambi budi buhita bukole bua bantu.

1 Korente 10:12

Nunku muntu udi wela meshi ne, Ndi muimane, adimuke bua kahonyi biandi.

1 Korente 2:14

Muntu wa ha buloba kena witabusha malu a Nyuma wa Nzambi, bualu bua malu â adi mahote kudiye; yeye kena mua kudimanyinau, bualu bua malu â adi ajinguludibua kudi Nyuma.

1 Korente 2:3

Nakadi nʼenu mu butekete ne mu ditshina ne mu kuzakala kua bungi.

1 Korente 3:18

Muntu kadidingi. Biela muntu meshi ne, Meme ndi muena meshi munkatshi muenu wa mu tshikondo etshi, alue biandi muhote bua kuikaleye muena meshi.

1 Korente 3:2

Nakanuha mabele a kunua, tshiakanuha bia kudia bikole; bua kanuakamanya mua kubidia, ne katataka mene kanuena mua kubidia;

1 Korente 4:8

Nuakumana kukuta, nuakumana kulua babanshi, nuakalua bakokeshi kanui nʼetu. Bulelela, nakadi musue bua nuenu nuikale bakokeshi, bua tuetu tuikale bakokeshi nʼenu.

2 Korente 10:10

Bualu bua batu bamba ne, Mikanda yandi idi ne bujitu ne idi ne bukole; kadi kumueneka kua mubidi wandi kudi kutekete, ne dî diandi didi dia hatuhu.

2 Korente 11:19

Bualu bua nuenu, bena lungenyi, nudi nusanka bua kulesha batshimbakanyi lutulu.

2 Korente 11:29

Muntu kai udi mutekete, ne tshiena mutekete nʼandi? Muntu kai udi mulenduishibue, ne tshishi tshianyi katshi tshitema?

2 Korente 13:9

Bualu bua tudi ne disanka hatuikala batekete ne hanuikala bakole; tudi tunulombela Nzambi bualu ebu kabidi, bua nuenu nuikale balengeshibue tshishiki.

2 Korente 4:12

Nunku lufu ludi luenzesha munda muetu, kadi muoyo udi wenzesha munda muenu.

2 Korente 6:8

ku butumbi ne mu dihetula, ku lumu lubi ne ku lumu luimpe; bu bena mashimi, kadi tudi bena mei malelela;

1 Tesalonike 4:8

Nunku wahetula kena uhetula muntu kadi udi uhetula Nzambi udi unuha Nyuma Muimpe wandi.

1 Petro 4:14

Bianuhendabo bua dina dia Kilisto, nudi ne disanka; bualu bua Nyuma wa butumbi ne Nyuma wa Nzambi udi unuikila hamʼbidi henu.