1 Korente 4:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Muntu atubale tuetu bu bakuatshi ba mudimu ba Kilisto ne balami ba malu masokoka a Nzambi.

MUKANDA WA MYIDI MUKULU

¹ Nudi ne bua kututangila bu bantu badi bakuatshila Kristu mudimu, badi ne bujitu bua kulongesha malu masokome a Mvidi Mukulu.

1 Korente 4:1 교차 참조

Matayi 13:11

Yeye wakabandamuna ne, Bakanuha bienu lungenyi lua kumanya malu a bukelenge bua mu diulu adi masokoka, kadi kabakabahalu.

Matayi 24:45

Muhika kai udi ulamata nfumu wandi, udi ne meshi? Nfumu wandi wakamuteka ha mutu ha bantu bandi bualu bua kubaha bia kudia halua dituku diabi.

Marke 4:11

Yeye wakabambila ne, Badi banuha nuenu malu a bukelenge bua Nzambi adi masokoka, kadi badi bambila bantu ba bende malu onso mu nsumuinu;

Luke 1:2

akatuambilabo kudi bamonyi ne benji badi,

Luke 12:42

Mukelenge wakamba ne, Nganyi mulami wa bintu udi ulamata nfumu wandi ne dinanukila, ne udi muntu wa lungenyi? Nfumu wandi neamuteke ha mutu ha bantu bandi bua yeye kubaha bidia biabo, halua dituku diabi.

Luke 8:10

Yeye wakamba ne, Bakunuha bienu lungenyi lua kumanya malu a bukelenge bua Nzambi adi masokoka; kadi badi bambila bakuabo malu anu mu nsumuinu; nunku hamonabo, kabena bamona bimpe; hunvuabo, kabena bajingulula.

Rome 11:25

Bana betu, tshiena musue nuhange kumanya bualu ebu busokoka, bua nuenu kanuditekemenyi bu munudi bena meshi, ne, Bukole bua mutshima buakakuata Bena Isalele tshituha tshihi, tô ne hafika dikumbana dia bisamba bia bende mu lumu luimpe.

Rome 16:25

Butumbi buikale kudi Nzambi, udi ne bukole bua kunujadika bu mudi lumu luimpe luanyi ne kuamba kuanyi kua Yesu Kilisto, bu mudi dibuluibua dia bualu busokoko buakadi buhuwishibue ku bikondo bia tshiendelele;

1 Korente 2:7

Kadi tudi tuamba meshi a Nzambi mu bualu busokoka, meshi mene akadi masokoka, akadianjila Nzambi kusungula ku mpala kua bikondo bionso bua butumbi buetu.

1 Korente 3:5

Nunku Apolo udi bu tshinyi? Paulo udi bu tshinyi? Badi bakuatshi ba mudimu ne nuenu nuakitabusha bua bualu buabo, bu muakabaha Mukelenge bukole muntu ne muntu.

1 Korente 4:13

hatuvuishilabo lumu lubi, tudi tubasengelela; bakatuvuisha bu manyanu a ba buloba ne bilu bia bintu bionso tô ne katataka.

1 Korente 4:2

Mu bualu ebu kabidi badi bakeba munkatshi mua balami bua kusangana mulami yonso muikale muntu udibo mua kueyemena.

2 Korente 11:23

Bobo badi bena mudimu ba Kilisto, anyi? (Ndi ngakula bu muena kutshimbakana.) Meme ndi mubatambe; mu midimu mihite yabo bungi, mu nkanu misangu mitambe yabo bungi, mu mibundabunda mivule; nakadi hehi ne lufu misangu ya bungi.

2 Korente 12:6

Binasua kuditumbisha, tshiena ntshimbakana; bualu bua nengambe anu mei malelela. Kadi ndi mbenga kuenza nunku bua muntu kambadi ku mutu kua malu anyi akatangileye anyi akunvueye kundi.

2 Korente 4:5

Bualu bua katuena tudiamba, kadi tudi tuamba Kilisto Yesu bu Mukelenge; ne tuetu bu bahika benu bualu bua Yesu.

2 Korente 6:4

Kadi mu malu onso tudi tudimanyisha bu bena mudimu ba Nzambi, mu ditantamana dia bungi, ne mu makenga, ne mu malu adi atukolela, ne mu tunyinganyinga;

Efeze 1:9

Wakatumanyisha bualu busokoka bua mu disua diandi bu mudi disanka diandi dimpe diakasunguleye munda muandi,

Efeze 6:19

ne bua bualu buanyi kabidi, bua meme kuheshibua mua kuakula hanabulula mukana muanyi ne bua meme kumanyisha bantu ne dikima bualu bua lumu luimpe busokoka.

Kolose 2:2

bua mitshima yabo isambibue, bobo basuikakasha ku luse tô ne ku bubanshi buonso bua kumanya kujalama kua dijingulula diabo, bua bobo bamanye bimpe bualu bua Nzambi buakadi busokoka, nKilisto mene.

Kolose 4:3

nutulombele kabidi mu tshikondo tshiotshimue bua Nzambi atunzuluile tshibi tshia dî bua tuetu kuamba bualu busokoka bua Kilisto, buakunsuikilabo mu nkanu kabidi,

1 Timote 3:16

Ne kakuena mpata ya bunene bua bualu busokoka bua buimpe bua Nzambi: Nyeye wakamueneshibua mu mubidi wa muntu, Wakabingishibua mu nyuma, Wakamuenebua kudi banjelo, Wakambibua munkatshi mua bisamba bia bende, Wakitabushibua ha buloba, Wakangatshibua mulu ne butumbi.

1 Timote 3:6

Kikadi biandi muntu muhia-muhia mu bualu bua Nzambi; anyi hadisueye, neahone mu dilumbuluishibua dia diabolo.

1 Timote 3:9

balame bualu busokoka bua ditabusha mu muoyo-mukese mutoke.

Tite 1:7

Bualu bua budi mukulu-mutangidi nʼabu mbua kuikala kai mua kubandibua, bu mudi mulami muteka kudi Nzambi; kikadi biandi muena tshitshu; kukuatshi tshishi lubilu; kikadi muena diyoyo bua malulu; kikadi mukumianganyi ne bakuabo; kikadi ne lukuka lua biuma.

1 Petro 4:10

bu muakangata muntu ne muntu tshihedi, nukuatshishangane nkatshi munkatshi muenu, bu balami bimpe ba ngasa muvulangane wa Nzambi.