1 Korente 3:12 - Mukanda wa Nzambi Dihungila Dikulukulu ne Dihungila Dihia-dihia 2003

¹² Biasa muntu ha bishimikidi ebi ngolo, argent, mabue a mushinga mukole, mitshi, bisosa, anyi bidi hisasa,

MUKANDA WA MYIDI MUKULU

¹² Bamue badi babandisha pa tshitaku atshi bimana bia mpawungi, nansha bia tshiamu tshitoke tshia mushinga mukole, nansha bia mabue a mushinga mukole. Bakuabu badi babibandisha bienza ne mabaya, nansha ne mitshi, nansha ne nsona mene.

1 Korente 3:12 교차 참조

Misambu 119:72

Mikenji ya mukana muebe idi ihita bituha binunu bia biamu bia or ne bia argent kundi.

Misambu 19:10

Kubinanga kudi kuhita kunanga or buimpe; e, kudi kuhita kunanga or wa mushinga mukole wa bungi buimpe. Bidi bihita buitshi ne mamata a buitshi a ku dihula kushemakana.

Ekesode 5:12

Nunku bantu bakadi bamuangalaka buloba bua Ejipitu buonso bua kukeba bisonsa.

Nsumuinu 16:16

Mona mudi diheta dia meji dihita tshiamu tshia or bulengele! Bulelela, kuheta dijingulula dia mianda kudi kuhita kusungula kua tshiamu tshia argent bulengele.

Nsumuinu 30:6

Kutentekashi dî ku mei andi, bua yeye kakubedi, kukusanganyi muena mashimi.

Nsumuinu 8:10

Nusungule diyisha dianyi, kanusungudi tshiamu tshia argent; nusungule lungenyi bu tshintu tshihite tshiamu tshia or wa mushinga mukole buimpe.

Yeshaya 60:17

Nendue ne or mu muaba muakadi tshiamu tshia mitaku, nendue ne argent mu muaba muakadi tshiamu tshifike, nendue ne tshiamu tshia mitaku mu muaba muakadi mabaya, ne tshiamu tshifike mu muaba muakadi mabue. Nenvuishe Ditalala bukokeshi buebe, nenvuishe Buakane nfumu webe.

Yirmeya 23:28

Muprofete udi ulota tshilota aule tshilota tshiandi: muntu udi ne dî dianyi ambile dî dianyi ne mutshima mutoke. Yehowa udi ukonka ne, Bisonsa bidi ne maminu a blé mudimu kai?

Bienzedi 20:30

bantu nebabike munkatshi muenu mene, bambila bantu malu adi kâi malelela bua kukokabo bayidi ku nyima kuabo.

Rome 16:17

Bana betu, ndi nusengelela ne, Dimukai bua badi bavuisha matahuluka ne malenduisha munkatshi muenu, adi kâi bu diyisha dinuakayila; nubakome nyima.

1 Korente 3:11

Kakuena muntu udi mua kujadika bishimikidi bikuabo, anu biobio biakamana kujadikibua, bidi Yesu Kilisto mene.

1 Korente 3:13

mudimu wa muntu ne muntu neumueneshibue; bua difuku dilualua nediumueneshe, bualu bua didi dibuluibua mu kahia; ne kahia nekatete mudimu wa muntu ne muntu ne udi wa mushindu kai.

2 Korente 2:17

Bualu bua tuetu katuena bu ba bungi badi banyanga dî dia Nzambi! kadi mu Kilisto tudi tuamba dî ne mitshima mitoke bu mutudi ba kudi Nzambi ne ku mesu kua Nzambi.

2 Korente 4:2

kadi tuakahidia malu masokome a bundu, katuena tuendakana ne budimu, katuena tudinga bantu ne dî dia Nzambi, kadi tudi tudianyisha ku dimuenesha dia bushua ku muoyo-mukese wa muntu yonso ku mesu kua Nzambi.

Kolose 2:8

Nudimuke bua muntu kikadiku udi mua kununyanga ne nkindi yandi ne lubombo lua hatuhu, bu mudi bilele biamba kudi bantu, bu mudi mayisha a kumudilu a ha buloba, ne kembu mudi Kilisto mutuyiske.

1 Timote 6:3

Biayisha muntu diyisha dikuabo dia bualu bua Nzambi, ne bikaleye kai witabusha mei adi malenge, nga Mukelenge wetu Yesu Kilisto mene, ne kai witabusha diyisha dia bu mudi buimpe bua Nzambi;

2 Timote 2:20

Mu nsubu munene kamuena anu bitekelu bia ngolo ne bia argent, kadi mudi bia mitshi ne bia buloba kabidi; bikuabo biteka bua buneme ne bikuabo biteka kabi bua buneme.

2 Timote 3:13

Kadi bantu babi ne badingi ba bakuabo nebadiundadiunde mu malu mabi abo matuku onso, badingangana, badingila.

2 Timote 3:7

badi bayilayila misangu yonso, kadi tshiendelele kabena bamanye mua kufika ku dimanya dia bualu bulelela.

2 Timote 4:3

Bualu bua tshikondo netshilue hikalabo kabai bunvua diyisha dilenge ne lutulu; kadi bualu bua matshu abo adi asasakana, bobo nebadikebele bayishi ba bungi bu mudi disamina dibi dia mitshima yabo;

Ebrewu 13:9

Kanusesuishibu ku mayisha a bungi ne a bende; budi buimpe bua mutshima ujadikibue ku ngasa, kenku bia kudia biakadi kabi bikuatshisha bakadi benda nʼabi.

1 Petro 1:7

bualu bua kuteta kua ditabusha dienu, nasha ditetshibua ne kahia, didi ditamba ngolo udi ujimina mushinga mukole, nekusanganyibue ne butumbi ne dinemekibua ne buneme halua dibuluibua dia Yesu Kilisto.

Didimanyisha 2:14

Kadi ndi nʼebe malu manya-manya, bualu bua udi ne bakuabo aha badi balamata diyisha dia Belama, wakayisha Balaka bua kutekeye tshilenduishi ku mpala kua Bena Isalele, bua kudiabo bintu bishihela mpingu ne bua kuendabo masandi.

Didimanyisha 21:18

Bintu biakibakabo nʼabi lumbu luau biakadi bia yasape; musoko wakadi wa ngolo muimpe, mufuanangane ne ntalatala.

Didimanyisha 3:18

Ndi nkulesha lungenyi lua kusumba ngolo kundi udi mulengeshibue mu kahia bua wewe ulue mubanshi, ne bivualu bitoke bua kudiluatshisha nʼabi bua bundu bua butaka buebe kabumueneki, ne buanga bua kulaba ku mesu ebe bua wewe umanye mua kutangila.