1 Korente 12:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ Mishindu ya bienzelu idiku, kadi Nzambi udi muomumue, udi wenzesha malu onso mu bantu bonso.

MUKANDA WA MYIDI MUKULU

⁶ Bukole ne meji bia kuenza nabi mudimu bidi bishilangane ku muntu ku muntu, kadi Mvidi Mukulu udi ubifila kudi bonsu udi amu umue wa momumue.

1 Korente 12:6 교차 참조

Yobe 33:29

Monai, Nzambi udi wenzela muntu malu â onso, udi umuenzela malu â misangu ibidi, e, misangu isatu mene;

Yowanane 5:17

Kadi Yesu wakabandamuna ne, Tatu wanyi udi ukuata mudimu tô ne katataka, ne meme kabidi ndi ngukuata.

1 Korente 12:11

kadi Nyuma umue muomumue udi wenzesha malu â onso, udi utahuluila muntu ne muntu tshihedi tshiandi bu mudiye musue.

1 Korente 12:5

Mishindu ya midimu idiku kabidi, kadi Mukelenge udi anu muomumue.

1 Korente 15:28

Ne hatekabo bintu bionso munshi muandi, hashishe, Muana muine kabidi neatekibue munshi mua Tatu wakateka bintu bionso munshi muandi, bua Nzambi kuikala ku mutu kua bionso ne mu bintu bionso.

1 Korente 3:7

Nunku muntu udi ukuna bintu kena bualu bunene, anyi udi ubimiamina mai, kadi anu Nzambi udi ubidiundisha.

Efeze 4:6

Nzambi umue, Tatu wa bonso, udi ku mutu kua bonso, udi wenzesha bonso, udi munda mua bonso.

Filipe 2:13

bualu bua Nzambi ngudi wenzesha munda muenu bua kusua ne bua kuenza kabidi bualu bua disua diandi dimpe.

Kolose 1:29

Bua bualu ebu kabidi ndi ngenza mudimu bikole, ndi ntshinta bikole bu mudi kuenzesha kuandi kudi kuenza munda muanyi mu bukole.

Kolose 3:11

Nunku kakuena mua kuikala Muena Gelika ne Muena Yuda, Muena ditengula ne udi kai muena ditengula, musenshi, Muena Sekutia, muhika ne mudishikamine; kadi Kilisto udi malu onso ne udi mu malu onso.

Ebrewu 13:21

anuvuishe bakane tshishiki mu bualu buimpe buonso bua kuenza bu mu disua diandi, wenza munda muetu bualu budi buimpe ku mesu kuandi bita Yesu Kilisto; butumbi buikale kudiye ku bikondo ne ku bikondo. Amen.