1 Korente 1:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Yeye kabidi neanujadike tô ne kunshikidilu, bua kanuikadi ne tshia kunubandabo nʼatshi mu dituku dia Mukelenge wetu Yesu Kilisto.

MUKANDA WA MYIDI MUKULU

⁸ Yeye neanuambuluishe, bua nushale bashindame ne ku ndekelu, bua muntu kamonyi mua kunuasa tshilumbu nansha tshimue, dituku diafika Mfumu wetu Yezu Kristu.

1 Korente 1:8 교차 참조

Misambu 37:17

Bualu bua maboko a bantu babi neatshibudibue, kadi Yehowa udi ukolesha bantu bakane.

Misambu 37:28

Bualu bua Yehowa udi unanga kulumbulula kuakane, kena ulekela bansanto bandi. Bantu bakane nebalamibue tshiendelele, kadi bana ba bantu babi nebajimishibue.

Luke 17:24

Bu mudi muele wa nvula uhenya ku luseke lukuabo lua diulu, ukenkela ku lunga luseke lua diulu, Muana wa muntu neikale nunku halua dituku diandi.

Luke 17:30

bualu nebuikale nunku halua dituku diamueneka Muana wa muntu.

Rome 14:4

Wewe udi nganyi udi ulumbuluisha umena mudimu wa mu nsubu wa mukuabo? Yeye udi wimana anyi udi uhona bua mukelenge wandi mene. Yeye neimane, bualu bua Mukelenge udi ne bukole bua kumuimanyika.

Rome 16:25

Butumbi buikale kudi Nzambi, udi ne bukole bua kunujadika bu mudi lumu luimpe luanyi ne kuamba kuanyi kua Yesu Kilisto, bu mudi dibuluibua dia bualu busokoko buakadi buhuwishibue ku bikondo bia tshiendelele;

Rome 8:19

Bualu bua ditekemena dikole dia bifukibua didi dindila dimueneshibua dia bana ba Nzambi.

1 Korente 3:13

mudimu wa muntu ne muntu neumueneshibue; bua difuku dilualua nediumueneshe, bualu bua didi dibuluibua mu kahia; ne kahia nekatete mudimu wa muntu ne muntu ne udi wa mushindu kai.

1 Korente 5:5

bua kufila muntu wa nunku kudi Satana bua kushihesha malu a mubidi, bua nyuma wandi asungidibue mu dituku dia Mukelenge Yesu.

2 Korente 1:13

Katuena tunufundila malu makuabo anu malu anudi mibala ne anudi bamanye mene; ndi musue nuenu mimanye malu au tô ne kunshikidilu;

2 Korente 1:14

bu munuakatumanya tshituha ne, Tuetu tudi butumbi buenu, bu munudi butumbi buetu, mu dituku dia Mukelenge wetu Yesu.

2 Korente 1:21

Wakatujadika nʼenu mu Kilisto, wakatuela manyi ha mutu, nNzambi;

Efeze 5:27

bua yeye aditekele ekelesia ku mpala kuandi bu wa butumbi, kai ne ditoba ne mufudi anyi tshintu tshikuabo tshia nunku; kadi bua ekelesia ikale wa tshijila ne kai muhishibue.

Filipe 1:10

bua nuenu mimanye mua kujadika malu adi makane; ne bua nuenu nuikale ne mitshima mitoke, kanui balenduishi ba bakuabo, tô ne halua dituku dia Kilisto;

Filipe 1:6

Ndi mumanye bualu ebu mene ne, Yeye nguakabanga mudimu muimpe munda muenu neaushikishe tô ne halua dituku dia Yesu Kilisto;

Kolose 1:22

katataka yeye wakulengeshangana nʼenu mu mubidi wandi wa ha buloba bualu bua lufu luandi, bua kunuteka ku mesu kuandi bu bantu ba tshijila, badi kabai ne tshilema ne badi kabai mua kubandibua ku mpala kuandi;

Kolose 2:7

nuikale ne miji yenu miedibue munda muandi, nuikale nuashibue munda muandi, ne nuikale nujadikibue mu ditabusha dienu, bu munuakayishibua; nukumbane mu disakidila.

1 Tesalonike 3:13

bua yeye ajadike mitshima yenu kayi ne bualu mu malu a tshijila ku mpala kua Nzambi udi kabidi Tatu wetu, ku dilua dia Mukelenge wetu Yesu Kilisto ne basanto bandi bonso.

1 Tesalonike 5:2

Bualu bua nuenu nkayenu nudi bamanye bimpe ne, Dituku dia Mukelenge dilualua bu mudi muibi ulua butuku.

2 Tesalonike 2:2

bua nuenu kanuzakashibu lubilu mu meshi enu, ne kanutshinyishibu, nasha bua nyuma nasha bua dî nasha bua mukanda udibo badingila ne ngua kutudi ne, Dituku dia Mukelenge dikadi aha.

2 Tesalonike 3:3

Kadi Mukelenge udi mua kueyemenyibua, yeye neanujadike, neanulame ku bubi.

2 Timote 1:12

Bua muanda eu ndi nkenga makenga â kabidi, kadi bundu kabuena bunkuata ku mesu; bua ndi mumumanye yeye unakuitabusha, ne nakuitabushishibua ne yeye udi ne bukole bua kulama tshintu tshianyi tshiteka tô ne dituku diadia.

2 Timote 1:18

(Mukelenge amuhe mua kuheteye luse kudi Mukelenge dituku diadia); ne bua bungi bua bintu biakankuatshisheye nʼabi ku Efeso, wewe udi mumanye bimpe.

1 Petro 5:10

Ne Nzambi wa ngasa yonso, wakanubikila mu butumbi buandi bua tshiendelele bua mu Kilisto, hanuamana kukenga musangu muihi, yeye muine neanuakashe tshishiki, neanujadike, neanukoleshe.

2 Petro 3:10

Kadi dituku dia Mukelenge dilualua bu mudi muibi; mu dituku adi diulu nedijimine ne diyoyo dinene, ne bintu bia mu diulu nebifingutuke ne kahia kakole, ne buloba ne bintu bidimu nebihie.

2 Petro 3:14

Nunku, bananga, bualu bua nudi nutekemena malu â, nanukilai bua banusangane mu ditalala kanui ne katobe, kanui ne kadiu kudiye.