1 Bakalenga 8:35 - Mukanda wa Nzambi Dihungila Dikulukulu ne Dihungila Dihia-dihia 2003

³⁵ Hawakanda diulu bua nvula kayimatshi, bualu bua bobo bakukuenzela bibi; biatendelelabo ku muaba eu, bitabushabo dina diebe, biakudimunabo mitshima yabo bua mibi yabo hawabakengesha,

MUKANDA WA MYIDI MUKULU

³⁵ “Padi bena Izrayele bakutombokela, udi mua kukandika bua mvula kaloki to. Nanku, padi bena Izrayele batangila ku nzubu eku, bua kukutendelela ne kukutumbisha, padibu badipuekesha, balekela kukutombokela,

1 Bakalenga 8:35 교차 참조

2 Samuele 24:10

Hakabala Davidi bantu, mutshima wandi wakamuhisha. Davidi wakambila Yehowa ne, Nakenza bubi mu bualu ebu bunakenza; kadi Yehowa, ndi nkusengelela ne, Ubuikile bubi bua muntu webe, bualu bua nakenza bualu buhote.

2 Samuele 24:13

Nunku Gada wakafika kudi Davidi, wakamuambila malu au, wakamukonka ne, Udi musue batume bidimu bia tshiole muanda mutekete mu buloba buebe? Anyi udi musue kunyema ku mesu kua badi nʼebe lukuna tô ngondo isatu? Anyi udi musue batume disama dikole mu buloba buebe tô matuku asatu? Ela meji, ungambile tshindi mua kuitaba kudi wakuntuma kûdi.

1 Bakalenga 17:1

Eliya, Muena Tishebe, wakadi usomba mu Gilada, wakambila Ahaba ne, Bu mudi Yehowa, Nzambi wa Isalele, ne muoyo, undi ngimana ku mpala kuandi, nansha mume nansha nvula kabiena bimueneka bidimu ebi anu ku dî dianyi.

1 Bakalenga 8:33

Biahita bena lukuna bantu bebe Bena Isalele bukole bualu bua bobo bakukuenzela bibi, biakudimunabo mitshima yabo kûdi bua kuitabusha dina diebe ne bua kukutendelela ne bua kukutendekena mu nsubu eu,

1 Bakalenga 8:34

ubunvuile mu diulu, ubuikidile bantu bebe Bena Isalele mibi yabo, ubahingishe kabidi mu buloba buwakuha bankambua babo.

2 Kulondolola 6:24

Bikala bena lukuna bahite Bena Isalele bukole, bualu bua bobo bakukuenzela wewe bibi, ne bialukilabo bua kutonda mibi yabo kudi dina diebe, biakutendelelabo ne biakutendekenabo mu nsubu eu,

2 Kulondolola 6:26

Hawabuikila diulu, ne nvula kena uloka bualu bua bobo bakukuenzela wewe bibi, biatendelelabo ku muaba eu, ne biatondabo mibi yabo kudi dina diebe, ne bialekelabo mibi yabo bualu bua wewe wakabakengesha,

Yobe 12:15

Monai, yeye udi ukanda mai a mbila, ne mai adi akama; udi watuma kabidi, ne adi abumbula buloba.

Yeshaya 5:6

Nenkubutule, ne kabena balengesha matamba a mionshi yabu kabidi, kabena babulula; kadi meba ne mingonge nehimenemu; nengele matutu mukenji bua kalokeshi nvula hamʼbidi habu.

Yeshaya 9:13

Kadi bantu aba kabakuhingana kudi yeye wakabakuma, kabakukeba Yehowa wa misumba.

Yezekiyele 14:13

Muana wa muntu, biangenzelabo bibi kudi ba mu buloba bukuabo mu buhidia buabo bua mikenji yanyi, ne bingolola tshianza tshianyi kudibo bua kubakengesha, binashiha tshintu tshidibo beyemena bua kuangata bia kudia, binatuma tshiole mu buloba ebu bua kubutulamu bantu ne nyama kabidi,

Osheya 14:1

Nuenu, Bena Isalele, hinganai kudi Yehowa Nzambi wenu, bualu bua nuakudishinda hanshi bua mibi yenu.

Lewitiki 26:19

Nenjimishe kudisua kunudi nʼaku bua bukole buenu, diulu nedikale bu tshiamu tshifike ne buloba nebuikale bu tshiamu tshia mitaku,

Agayi 1:10

Bua muanda eu diulu didi ha mutu henu didi dikanda dibungi, ne buloba hudi bukanda kuvudisha kuabu kua bia kudia.

Zekâya 14:17

Biahanga ba mu meku onso a ha buloba kuhandabo ku Yelushalema bua kutendelela Mukelenge Yehowa wa misumba, nvula kayena ibalokela.

Malaki 3:10

Luai ne tshia dikumi tshionso mu nsubu wa kubutshila bintu, bua bia kudia bikale mu nsubu muanyi; Yehowa wa misumba udi wamba ne, Nuntete mpindiu ne muanda eu, numone bingikala tshiyi mununzuluile bibi bia mu diulu, munulokeshile masanka, kanuyi nukengela bintu bikuabo kabidi.

Luke 4:25

Bulelela, ndi nuambila ne, Bakashi ba mu lufuila ba bungi bakadi mu Isalele mu matuku a Eliya, hakadi diulu dibuikila bidimu bisatu ne ngondo isambombo, ha kalua tshiole tshinene ha buloba bu onso;

Rome 10:9

Biwajukula ne mukana muebe ne, Yesu udi Mukelenge, ne biwitabusha mu mutshima webe ne, Nzambi wakamubisha ku bafue, neusungidibue.

Rome 15:9

ne bua ba bisamba bia bende batumbishe Nzambi bua luse luandi, bu muakafundabo ne, Bua bualu ebu nenkuhe butumbi munkatshi mua bisamba bia bende, Nengimbile dina diebe misambu.

Dielulula 11:16

Nudimuke bienu, bua kanudidingi mu mitshima yenu, kanusesuki bua kukuatshila nzambi mikuabo midimu ne kuyitendelela;

Dielulula 11:17

bualu bua Yehowa neanukuatshile tshiji, yeye neabuikile diulu ne nvula kayena iloka, ne buloba kabuena bukuama bintu; nunku nenujimishibue lubilu mu buloba buimpe buakamba Yehowa.

Dielulula 28:12

Yehowa neanunzuluile masanka adiye nʼau mu diulu bua kunulokeshila nvula ha buloba mu tshikondo tshia nvula, ne bua kunuvudishila disanka mu malu anudi nuenza ne bianza bienu; nuenu nenusombeshe bisamba bia bungi bintu, kadi nuenu kanuena nusomba bintu kudibo.

Didimanyisha 11:6

Bobo badi ne bukole bua kuinshila diulu, bua nvula kailoki mu matuku a mayisha abo a baprofete, ne badi ne bukole ha mutu ha mai bua kuândamuna mashi ne bua kukuma buloba ne bihuhu misangu yonso yasuabo.