1 Bakalenga 6:13 - Mukanda wa Nzambi Dihungila Dikulukulu ne Dihungila Dihia-dihia 2003

¹³ Nenshikame munkatshi mua Bena Isalele, tshiena ndekela bantu banyi, Bena Isalele.

MUKANDA WA MYIDI MUKULU

¹³ Meme nensombe mu nzubu ewu munkatshi mua bantu banyi bena Izrayele kashidi. Tshiena mua kubalekela to.

1 Bakalenga 6:13 교차 참조

1 Bakalenga 8:27

Kadi Nzambi neitabushe bua kuikaleye ha buloba, anyi? Monai, diulu ne diulu ditamba mulu kaena makukumbane, ka nsubu eu unakukuashila neikale muhite bukese!

1 Kulondolola 28:20

Davidi wakambila Solomo muanʼandi ne, Wikale ne bukole ne mutshima wa dikima, wenze bualu ebu; kutshinyi, kuhangi bualu ebu; bualu bua Yehowa Nzambi, Nzambi wanyi mene, udi nʼebe; yeye kena ukuhanga, kena ukulekela tô ne hawashikisha mudimu eu wonso wa mu nsubu wa Yehowa.

1 Kulondolola 28:9

Wewe, muanʼanyi Solomo, Umanye Nzambi wa tatuʼebe, umukuatshile mudimu ne mutshima mutoke ne didikokela kudiye; bualu bua Yehowa udi ukebakeba mitshima ya bantu bonso; udi ujingulula meji onso adibo bela munda muabo; biwamukeba, neumuhete; kadi biwamulekela, yeye neakuhidie tshiendelele.

Misambu 68:18

Wewe wakubanda mulu, wakuyamu ukoka bantu bawakukuata mu nvita ku nyima kuebe; wakuangata maha munkatshi mua bantu; e, wakuângata kabidi munkatshi mua badi bakutombokela, bua Yehowa Nzambi ashikameku.

Ekesode 25:8

Bobo bangashile tshitendelelu, bua meme kuikala munkatshi muabo.

Ekesode 29:45

Meme nengikale munkatshi mua Bena Isalele, nengikale Nzambi wabo.

Yeshaya 57:15

Bualu bua Wa mu Diulu ne udi Mubandishibue mulu udi mushikame mujadikibue mu nkuasa wandi wa butumbi tshiendelele, udi dina diandi ne, Wa Tshijila, udi wamba ne, Ndi mushikame mu muaba udi mulu ne udi wa tshijila, ndi mushikame kabidi ne muntu udi ne mutshima munyingalale ne mudihuekeshe, bua kusangasha nyuma wa udi mudihuekeshe ne bua kusangasha mutshima wa muntu udi unyingalala bua bubi.

Lewitiki 26:11

Nenshimike nsubu wanyi wa tshitendelelu munkatshi muenu, mutshima wanyi kawena wikala ne tshiji kunudi.

2 Korente 6:16

Ntempelo wa Nzambi udi uhunga di kai ne mpingu? Bualu bua tuetu tudi bu ntempelo wa Nzambi udi ne muoyo; bu muakamba Nzambi ne, Nengikale munda muabo, nengendakane munda muabo; Nengikale Nzambi wabo ne bobo nebikale bantu banyi.

Dielulula 31:6

Nuikale ne bukole ne mitshima ya dikima, kanubatshinyi, bualu bua Yehowa, Nzambi wenu, yeye mene uyaya nʼenu; yeye kena unuhanga, kena unulekela.

Dielulula 31:8

Yehowa mene uyaya ku mpala kuebe, yeye neikale hebe, kena ukuhanga, kena ukulekela: kutshinyi, kuzakadi.

Ebrewu 13:5

Mioyo yenu kaikadi ne lukuka lua biuma, nuikale ne disanka ne bintu binudi nʼabi, bualu bua Nzambi muine wakuamba ne, Tshiena nkulekela, nasha kakese, tshiena nkushîa tshianana.

Yoshua 1:5

Kakuena muntu udi mua kuimana ku mpala kuebe tô matuku onso autshidi ne muoyo; nengikale nʼebe bu munakadi ne Mose; tshiena ukulekela, tshiena nkushiya nkayebe.

Didimanyisha 21:3

Nakinama dî dikole difuma mu nkuasa wa butumbi diamba ne, Tangilai, nsubu wa tshilulu wa Nzambi udi munkatshi mua bantu, ne yeye neikale nʼabo, ne bobo nebikale bantu bandi; ne Nzambi mume neikale nʼabo, neikale Nzambi wabo.

1 Samuele 12:22

Yehowa kena ulekela bantu bandi bualu bua dina diandi dinene, bualu bua Yehowa wakasungula bua kunuvuisha bantu bandi mene.