1 Bakalenga 20:33 - Mukanda wa Nzambi Dihungila Dikulukulu ne Dihungila Dihia-dihia 2003

³³ Bantu aba bakateleja matshu abo bimpe bua kujingululabo mei akambeye; nunku bakambilangana ne, E, muanʼenu, Bene-hadada. Hashishe yeye wakabambila ne, Yai, numubikile. Hashishe Bene-hadada wakalubuka kudiye; yeye wakamushikika mu dikalu diandi.

MUKANDA WA MYIDI MUKULU

³³ Bantu bavua Benadade mutume, kumona ne: mbatuandamune bimpe. Kuitababu lubilu, bamba ne: — Eyowa, Benadade mmuanenu bushuwa! Akabe kubambila ne: — Pinganayi, nuye kumukeba. Benadade kupatuka muaba uvuaye musokome, kuya kudi Akabe. Akabe kumubandisha mu ditempu diende dia mvita.

1 Bakalenga 20:33 교차 참조

1 Bakalenga 15:18

Hashishe Asa wakangata bintu bionso bia argent ne bia or biakadi bishale mu bibutshilu bia mu nsubu wa Yehowa ne mu nsubu wa mukelenge, wakabifila mu bianza bia bantu bandi; mukelenge Asa wakabatuma kudi Bene-hadada, muana wa Tabelimona, muana wa Hezeyona, mukelenge wa Sulia, wakadi ushikama mu Damaseke, bamba ne,

1 Bakalenga 20:32

Nunku bakaluata bilulu bikayabala mu bifuka biabo, bakasuika mionshi ku mitu yabo, bakalubuka kudi mukelenge wa Isalele, bakamuambila ne, Muntu webe Bene-hadada udi wamba ne Ndi nkusengelela ne, unshiye ne muoyo. Wakakonka ne, Yeye utshidi ne muoyo, anyi? Yeye udi muanʼetu.

1 Bakalenga 20:34

Bene-hadada wakamuambila ne, Nenkuhingishile misoko yakanyenga tatu wanyi kuai tatu webe; wewe neudilongoluele misesu mu Damaseke, bu muakadilongoluela tatu wanyi mu Samalea. Ahaba wakamuambila ne, Nenkulekele bua tshihungidi etshi. Nunku wakahunga nʼandi tshihungidi, wakandekela.

2 Bakalenga 10:15

Hakumukeye ku muaba au, wakasangila ne Yehonadaba, muana wa Lekaba, wakadi ulua kusangakena nʼandi. Yeye wakamuela muoyo, wakamuebesha ne, Mutshima webe udi muakanangane ne mutshima wanyi bu mudi mutshima wanyi muakanangane ne mutshima webe, anyi? Yehonadaba wakamukudimuna ne, E, budi nunku. Bikalau bu nunku, unkuate ku tshianza. Yeye wakamukuata ku tshianza tshiandi, wakamubuesha mu dikalu diandi.

Nsumuinu 25:13

Bu mudi mashika a neige mu tshikondo tshia kuhuola mbu mudi messager udi mua kueyemenyibua kudi bantu badi bamutuma. Bualu bua udi ukankamasha muoyo wa nfumu wandi.

Luke 16:8

Mukelenge wakunyisha mulami mubi bualu bua yeye Wakenza budimu; bualu bua bana ba mu tshikondo etshi munkatshi mua ba mu mulongo wabo badi batambe bana ba munya budimu.

Bienzedi 8:31

Yeye wakamukudimuna ne, Ndi mua kujingulula munyi, bikala muntu kai mundeshe? Yeye wakasengelela Filipo bua kubandeye ne bua kushikameye nʼandi.